"فیض احمد فیض" کے نسخوں کے درمیان فرق
م معمولی ترامیم |
م ←پیدائش |
||
سطر 28: | سطر 28: | ||
== سوانح == |
== سوانح == |
||
=== پیدائش === |
=== پیدائش === |
||
فیض [[13 فروری]] 1911ء کو سیالکوٹ کے ایک معزز گھرانے میں پیدا ہوئے ۔ آپ کے والد، سلطان محمد خان، ایک علم پسند آدمی تھے ۔ آپ کی والدہ کا نام سلطان فاطمہ تھا ۔ |
فیض [[13 فروری]] [[1911ء]] کو سیالکوٹ کے ایک معزز گھرانے میں پیدا ہوئے ۔ آپ کے والد، سلطان محمد خان، ایک علم پسند آدمی تھے ۔ آپ کی والدہ کا نام سلطان فاطمہ تھا ۔ |
||
=== تعلیم === |
=== تعلیم === |
نسخہ بمطابق 14:05، 1 دسمبر 2015ء
ٰٰٰٰ
فیض احمد فیض | ||
---|---|---|
فیض | ||
ادیب | ||
پیدائشی نام | فیض | |
تخلص | فیض | |
ولادت | 13 فروری 1911ء سیالکوٹ | |
ابتدا | سیالکوٹ، پاکستان | |
وفات | 20 نومبر 1984ء لاہور | |
اصناف ادب | شاعری | |
ذیلی اصناف | غزل، نظم | |
ادبی تحریک | ترقی پسند | |
تعداد تصانیف | 10 | |
تصنیف اول | نقش فریادی | |
معروف تصانیف | نقش فریادی ، دست صبا ، زنداں نامہ ، دست تہ سنگ ، شام شہر یاراں ، سر وادی سینا ، مرے دل مرے مسافر ، نسخہ ہائے وفا | |
دستخط |
اردو ادب کے بعض ناقدین کے نزدیک، فیض احمد فیض (13 فروری 1911ء تا 20 نومبر 1984ء)، غالب اور اقبال کے بعد اردو کے سب سے عظیم شاعر ہیں۔ آپ تقسیمِ ہند سے پہلے 1911ء میں سیالکوٹ میں پیدا ہوئے۔ آپ انجمن ترقی پسند مصنفین تحریک کے فعال رکن اور ایک ممتاز اِشتراکیت پسند کمیونسٹ تھے۔
سوانح
پیدائش
فیض 13 فروری 1911ء کو سیالکوٹ کے ایک معزز گھرانے میں پیدا ہوئے ۔ آپ کے والد، سلطان محمد خان، ایک علم پسند آدمی تھے ۔ آپ کی والدہ کا نام سلطان فاطمہ تھا ۔
تعلیم
آپ نے ابتدائی مذہبی تعلیم مولوی محمد ابراہیم میر سیالکوٹی سے حاصل کی ۔ بعد ازاں 1921ء میں آپ نے سکاچ مشن اسکول سیالکوٹ میں داخلہ لیا ۔ آپ نے میٹرک کا امتحان اسکاچ مشن اسکول سیالکوٹ اور پھر ایف اے کا امتحان مرے کالج سیالکوٹ سے پاس کیا ۔ آپ کے اساتذہ میں میر مولوی شمس الحق ( جو علامہ اقبال کے بھی استاد تھے) بھی شامل تھے ۔ آپ نے اسکول میں فارسی اور عربی زبان سیکھی۔
بی اے آپ نے گورنمنٹ کالج لاہور سے کیا اور پھر وہیں سے 1932ء میں انگریزی میں ایم اے کیا۔ بعد میں اورینٹل کالج لاہور سے عربی میں بھی ایم اے کیا۔
ترقی پسند تحریک کا قیام
1935ء میں آپ نے محمڈن اینگلو اورینٹل کالج، علی گڑھ میں انگریزی و برطانوی ادب کے لیکچرر کی حیثیت سے ملازمت کی؛ اور پھر ہیلے کالج لاہور میں ۔ آپ نے 1936ء میں سجاد ظہیر اور صاحبزادہ محمودالظفر کے ساتھ مل کر انجمن ترقی پسند مصنفین تحریک کی بنیاد ڈالی۔[1] فیض ترقی پسند تحریک کے بانیان میں شامل تھے لیکن اِس تحریک کے بقیہ شعرا میں جو شدت اور ذہنی انتشار پایا جاتا ہے، فیض اِس اِنتہا پسندی سے گریز کرتے ہوئے اعتدال کی راہ اختیار کرتے رہے۔[2]
ایلس جارج سے شادی
فیض نے 1941ء میں[1] لبنانی نژاد[3] برطانوی شہری ایلس جارج سے سری نگر میں شادی کی۔ اِن کا نکاح شیخ محمد عبد اللہ نے پڑھایا۔ بعد از، ازدواجی بندھن میں بندھنے والے اِس نو بیاہتا جوڑے نے مہاراجہ ہری سنگھ کے پری محل میں اپنا ہنی مون منایا۔[4] فیض کی طرح، ایلس بھی شعبۂ تحقیق سے وابستہ تھیں اور اِن کی شاعری اور شخصیت سے متاثر تھیں۔[3] فیض کے خاندان کو یہ بات بالکل ناپسند تھی کہ اُنہوں نے اپنے لئے ایک غیرملکی عورت کا انتخاب کیا، لیکن فیض کی ہمشیرہ نے اپنے خاندان کو ایلس کیلئے آمادہ کر لیا۔[4]
فوج میں ملازمت
1942ء میں آپ نے فوج میں کیپٹن کی حیثیت سے ملازمت اختیار کی۔[1] دوسری جنگ عظیم سے دور رہنے کیلئے آپ نے اپنے لئے محکمۂ تعلقات عامہ میں کام کرنے کا انتخاب کیا۔ آپ فوج میں جنرل اکبر خان کے ماتحت ایک یونٹ میں بھرتی تھے۔ جنرل خان بائیں بازو کے سیاسی خیالات رکھتے تھے اور اسلئے آپ کو خوب پسند تھے۔ 1943ء میں فیض میجر اور پھر 1944ء میں لیفٹیننٹ کرنل ہوئے۔ 1947ء میں پہلی کشمیر جنگ کے بعد آپ فوج سے مستعفی ہو کر لاہور آگئے۔
تقسیمِ ہند کے بعد
1959ء میں پاکستان آرٹس کونسل میں بطورِ سیکرٹری تعینات ہوئے اور 1962ء تک وہیں پر کام کیا۔ 1964ء میں لندن سے واپسی پرآپ عبداللہ ہارون کالج کراچی میں پرنسپل کے عہدے پر فائز ہوئے۔
1947ء تا 1958ء مدیر ادب لطیف مدیر لوٹس لندن، ماسکو ، اور بیروت.
راولپنڈی سازش کیس
وہ بات سارے فسانے میں جس کا ذکر نہ تھا
وہ بات ان کو بہت ناگوار گزری ہے
9 مارچ 1951ء میں آپ كو راولپنڈی سازش كیس میں معا ونت كے الزام میں حكومت وقت نے گرفتار كر لیا۔ آپ نے چار سال سرگودھا، ساھیوال، حیدر آباد اور كراچی كی جیل میں گزارے۔ آپ كو 2 اپریل 1955ء كو رہا كر دیا گیا ۔ زنداں نامہ كی بیشتر نظمیں اسی عرصہ میں لكھی گئیں۔
پس زنداں
شاعری کے مجموعے
- نقش فریادی
- دست صبا
- زنداں نامہ
- دست تہ سنگ
- سر وادی سینا
- شام شہر یاراں
- مرے دل مرے مسافر
- نسخہ ہائے وفا (کلیات)
نمونۂ کلام
فیض کا ایک شعرجو مصر میں جلاوطنی کی زندگی گزارتے ہوئے ہوا کہا گیا تھا۔
فیض نہ ہم یوسف نہ کوئی یعقوب جو ہم کو یاد کرے
اپنا کیا کنعاں میں رہے یا مصر میں جا آباد ہوئے
آزاد نظم
مت رو بچے |
---|
مت رو بچے
رو رو کے ابھی تیری امی کی آنکھ لگی ہے مت رو بچے کچھ ہی پہلے تیرے ابا نے اپنے غم سے رخصت لی ہے مت رو بچے تیرا بھائی اپنے خواب کی تتلی کے پیچھے دور کہیں پردیس گیا ہے مت رو بچے تیری باجی کا ڈولا پرائے دیس گیا ہے مت رو بچے تیرے آنگن میں مردہ سورج نہلا کے گئے ہیں چندر ما دفنا کے گئے ہیں مت رو بچے امی، ابا، باجی، بھائی چاند اور سورج تو گر روئے گا تو یہ سب اور بھی تجھ کو رلوائیں گے تو مسکائے گا تو شاید سارے اک دن بھیس بدل کر تجھ سے کھیلنے لوٹ آئیں گے ۞ فیض احمد فیض (بیروت |
ایک ترانہ مجاہدینِ فلسطین کے لیے |
---|
ہم جیتیں گے
حقّا ہم اک دن جیتیں گے بلآخر اک دن جیتیں گے کیا خوف زیلغارِ اعداء ہء سینہ سپر ہر غازی کا کیا خوف زیورشِ جیش قضا صف بستہ پہں ارواح الشہداء ڈر کاہے کا؟ ہم جیتیں گے حقّا ہم اک دن جیتیں گے قد جاء الحق و زہق الباطل فرمودہ ربِ اکبر ہے جنت اپنے پاؤں تلے اور سایہ رحمت سر پہ پے پھر کیا ڈر ہے؟ ہم جیتیں گے حقّا ہم اک دن جیتیں گے بلآخر اک دن جیتیں گے ۞ فیض احمد فیض (بیروت۔ 15 جون 1983ء) |
واہ میرے وطن |
---|
واہ میرے وطن! واہ میرے وطن! واہ میرے وطن!
مرے سر پر وہ ٹوپی نہ رہی جو تیرے دیس سے لایا تھا پاؤں میں وہ اب جوتے بھی نہیں واقف تھے جو تیری راہوں سے مرا آخری کرتا چاک ہوا ترے شہر میں جو سلوایا تھا اب تیری جھلک بس اڑتی ہوئی رنگت ہے میرے بالوں کی یا جُھریاں میرے ماتھے پر یا میرا ٹوٹا ہوا دل ہے واہ میرے وطن! وا میرے وطن! وا میرے وطن! ۞ فیض احمد فیض |
مجھ سے پہلی سی محبت مری محبوب نہ مانگ | ||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
|
بہار آئی | |||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
|
کلیات
نثار میں تری گلیوں کے اے وطن | ||||||||||||||||||||||||||||||||||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
|
دونوں جہان تیری محبت میں ہار کے
دونوں جہان تیری محبت میں ہار کے|وہ جا رہا ہے کوئی شبِ غم گزار کے
ویراں ہے میکدہ، خم و ساغر اداس ہیں|تم کیا گئے کہ رُوٹھ گئے دن بہار کے
اِک فرصتِ گناہ ملی وہ بھی چار دن| دیکھے ہیں ہم نے حوصلے پروردگار کے
دنیا نے تری یاد سے بیگانہ کر دیا|تجھ سے بھی دلفریب ہیں غم روزگار کے
بُھولے سے مسکرا تو دئے تھے وہ آج فیض|مت پوچھ ولولے دلِ نا کردہ کار کے
مزید دیکھیے
بیرونی روابط
حوالہ جات
- ^ ا ب پ نامعلوم (20 ستمبر 2014ء)، "فیض احمد فیض کو گزرے 30 برس"۔ ڈان نیوز اردو۔ اخذ کردہ بتاریخ 1 دسمبر 2015ء۔
- ↑ محمد فیصل مقبول عجز تاریخ=اگست 2011ء، "فیض کی شاعری"۔ ادارہ فروغِ قومی زبان۔ اخذ کردہ بتاریخ 1 دسمبر 2015ء۔
- ^ ا ب عصمت جبیں، ندیم گِل (13 فروری 2010ء)، "فیض احمد فیض کا 99واں یوم پیدائش"۔ ڈی ڈبلیو۔ اخذ کردہ بتاریخ 1 دسمبر 2015ء۔
- ^ ا ب ریڈیئنس اردو (5 اپریل 2009ء)، "ایلس کے فیض سے اپنی شادی پر تاثرات (ویڈیو)"۔ یوٹیوب۔ اخذ کردہ بتاریخ 1 دسمبر 2015ء۔
- لوا پر مبنی سانچے
- پاکستانی محققین
- کارکنان تحریک پاکستان
- فاضل مرے کالج
- بیسویں صدی کے شعراء
- پاکستانی اردو شعرا
- نگار اعزاز جیتنے والی شخصیات
- پنجابی شخصیات
- انقلابی ادب
- 1911ء کی پیدائشیں
- 1984ء کی وفیات
- پاکستانی شخصیات
- سیالکوٹی شخصیات
- لاہوری شخصیات
- پاکستانی شعراء
- پاکستانی مسلم شخصیات
- پاکستانی سنی مسلم شخصیات
- پاکستانی مارکسی شخصیات
- لینن امن انعام حاصل کنندہ
- اردو شعراء
- راوین
- نگار ایوارڈ جیتنے والے
- پنجاب کی شخصیات
- مارکسی مصنف
- مارکسی شاعر
- اشتمالی مصنف
- اشتمالی شاعر