جکارتا

جکارتہ انڈونیشیا کا دارالحکومت اور سب سے بڑا شہر ہے۔ جزیرہ جاوا کے شمال مغربی ساحلوں پر واقع شہر جکارتہ 661.52 مربع کلومیٹر پر پھیلا ہوا ہے اور اس کی آبادی 2004ء کے مطابق 8،792،000 ہے۔ شہر گذشتہ 490 سال سے آباد ہے اور اس وقت دنیا کا 9 واں گنجان آباد ترین شہر ہے جہاں 44،283 افراد فی مربع میل بستے ہیں۔

تاریخ

تاریخ میں جکارتہ کا پہلا نشان چوتھی صدی عیسوی میں ایک ہندو آبادی کی حیثیت سے ملتا ہے۔ 14 ویں صدی میں یہ ہندو سلطنت سنڈا کی اہم ترین بندرگاہ رہا۔

1513ء میں پہلا یورپی بحری بیڑہ یہاں پہنچا جو 4 پرتگیزی بحری جہازوں پر مشتمل تھا۔ سنڈا کی سلطنت نے وسطی جاوا کی مسلم سلطنت دیماک کے خلاف اپنے دفاع کے لئے پرتگیزیوں کو خوش آمدید کہا اور انہیں گودام اور قلعہ بنانے کی اجازت دے دی۔ 1527ء میں سلطنت دیماک کے مسلمانوں نے فتح اللہ کی قیادت میں سنڈا کی ریاست کے خلاف جنگ چھیڑدی۔ سنڈا سلطنت پرتگیزی بیڑے کے انتظار میں رہے جیسا کہ دونوں کے درمیان معاہدہ طے پایا تھا لیکن پرتگیزی بیڑہ نہ آیا اور بالآخر فتح اللہ کی افواج نے 22 جون 1557ء کو جکارتہ فتح کرلیا اور فتح اللہ نے شہر کا نام سنڈا کلاپا سے تبدیل کرکے "جے کارتہ" یعنی "مکمل فتح" رکھ دیا۔

جڑواں شہر

• بیجنگ، چین

• برلن ، جرمنی

• استنبول، ترکی

• لاس اینجلس، ریاستہائے متحدہ امریکہ

• ریاست نیو ساؤتھ ویلز، آسٹریلیا

• پیرس، فرانس

• روٹرڈیم، نیدر لینڈز

• سیول، جنوبی کوریا

• ٹوکیو، جاپان

 یہ ایک نامکمل مضمون ہے۔ آپ اس میں اضافہ کر کے ویکیپیڈیا کی مدد کر سکتے ہیں۔