ابو العباس السفاح

أبو العباس عبد الله السفّاح
خلیفۃ الاسلام خلافت عباسیہ، عراق
ابوالعباس السفاح کی بیعتِ خلافت کا منظر- محمد بلعمی کے تاریخ نامہ سے اقتباس
خلافت عباسیہ کا پہلا خلیفہ
25 جنوری 750ء – 10 جون 754ء (4 سال 4 ماہ 16 دن شمسی)
پیشرو	مروان الثانی بحیثیت اُموی خلیفہ - خلافت امویہ کا آخری خلیفہ
جانشین	ابو جعفر المنصور
شریک حیات	ام سلمیٰ بنت مخزوم
نسل	ریطہ بنت السفاح
مکمل نام کنیت: ابو العباس نام: عبداللہ لقب: السفاح نسب: عبداللہ ابن محمد ابن علی ابن عبداللہ ابن عباس ابن عبدالمطلب
والد	محمد ابن علی ابن عبداللہ
والدہ	ریطہ الحارثیہ
پیدائش	104ھ/ 722ء
وفات	پیر 13 ذوالحجہ 136ھ/ 10 جون 754ء (عمر: 33 سال قمری، 32 سال شمسی)
تدفین	موجودہ محافظہ الانبار، عراق
مذہب	سنی اسلام

ابوالعباس عبداللہ۔ خلافت عباسیہ کا پہلا حکمران۔ اموی خلیفہ مروان ثانی نے امام ابراہیم کو گرفتار کرا کے مروا ڈالا تو ابوالعباس ان کا جانشین بنا۔ اس نے اپنے آبائی مسکن حمیمہ (جنوبی فلسطین) کی رہائش ترک کر دی اور اہل و عیال سمیت کوفے میں آ گیا۔ ابومسلم خراسانی ، ابوسلمہ اور دیگر حامیان تحریک عباسیہ کی مدد سے بالآخر عراق پر ابوالعباس کا قبضہ ہوگیا اور ربیع الاول 132ھ میں اس کی خلافت کا اعلان کردیا گیا۔ بعد میں فرات کے کنارے امویوں اور عباسیوں میں فیصلہ کن جنگ ہوئی اور ابوالعباس کے چچا عبداللہ علی نے ذوالحجہ 132ھ میں بنو امیہ کا خاتمہ کرکے آخری خلیفہ مروان ثانی کا خاتمہ کرکے بنی عباس کی خلاف کی بنا ڈالی۔

ابوالعباس نے اپنی خلافت کے استحکام کی خاطر بڑی خونریزی کی۔ بنو امیہ پر تو اس کی سختیاں انتہا کو پہنچ گئیں۔ مردے بھی اس کے جوش انتقام سے محفوظ نہ رہ سکے۔ اکثر اموی خلفا کی قبریں کھدوا کر ان کی ہڈیاں پیسی گئیں۔ اس قتل و غارت گری اور سفاکی کے باعث سفاح کے لقب سے مشہور ہوا جس کے معنی (خونریز) کے ہیں۔ سفاح کی سختیاں صرف دشمنوں تک ہی محدود نہ تھیں۔ بلکہ اس کے اکثر معتمد بھی اس کے مظالم کا شکار ہوئے۔ مشہور عباسی داعی ابوسلمہ جو اس کا پہلا وزیر بھی تھا، اسی کے ایما پر موت کے گھاٹ اُتارا گیا۔

ابو العباس السفاح خلافت عباسیہ پیدائش: 722ء وفات: 10 جون 754ء
مناصب سنت
ماقبل  مروان ثانی	خلیفۃ الاسلام 25 جنوری 750ء – 10 جون 754ء	مابعد  المنصور