تخسید

تخسیدی تعامل کی وضاحت

عملِ تّخسِید (عربی سے تخفیف و تکسید کا اِختصار۔ انگریزی: Redox) اُن کیمیائی تعاملات کو کہاجاتا ہے جن میں جوہروں کی تکسیدی عدد تبدیل ہوجاتی ہے۔ یا وہ کیمیائی تعاملات جن میں دو کیمیائی عناصر کے درمیان برقیوں کا تبادلہ ہوتا ہے۔

لفظ تخسید دو الفاظ کے جوڑ توڑ سے بنا ہے: تخفیف و تکسید۔

تکسید

عملِ تکسید (Oxidation) کسی جوہر، سالمہ یا آئن کا برقیوں کو کھونے کے عمل کو ظاہر کرتا ہے۔

ایک تعامل جس میں آکسیجن کسی دوسرے عناصر یا اشیاء سے ملاپ کر کے ان کے آکسائڈز پیدا کرتا ہو۔ عملِ تکسید کہلاتا ہے۔

عناصر میں آکسیجن کے اضافے کا عمل عملِ تکسید کہلاتا ہے۔

کسی مرکب سے ہائیڈروجن کا علیحدہ ہو جانا بھی عملِ تکسید کہلاتا ہے۔

ایک طریقہ یا تعامل جو برقیوں کی علیحدگی یا نقصان کے ذریعے عمل میں آئے۔

ایک طریقہ یا تعامل جو برقیوں کے نقصان سے عمل میں آئے وہ تکسید کہلاتا ہے۔

تخفیف

عملِ تخفیف (Reduction) کسی جوہر، سالمہ یا آئن کا برقیوں کو پانے کے عمل کو ظاہر کرتا ہے۔

تخسیدی تعاملات کی مثال

اس کی ایک اچھی مثال آبگر اور فلورین کے مابین تعامل ہے:

$\mathrm {H} _{2}+\mathrm {F} _{2}\longrightarrow 2\mathrm {HF}$

ہم اِس کُل تعامل کو دو حصّوں میں لکھ سکتے ہیں:

تکسیدی تعامل

$\mathrm {H} _{2}\longrightarrow 2\mathrm {H} ^{+}+2e^{-}$

اور تخفیفی تعامل:

$\mathrm {F} _{2}+2e^{-}\longrightarrow 2\mathrm {F} ^{-}$

مزید دیکھیے

• آبگریت
• تخفیفی جہد