عثمان ثالث

زیر نظر مضمون عثمان کے بارے میں ہے۔ عثمان (نام) عثمان ثالث (ضد ابہام) دیکھیے۔

۔

عثمان ثالث

عثمان سوم یا ثالث، پورا نام عثمان پسر سلطان مصطفی ثانی (عثمانی ترک زبان میں: عثمان ثالث ‘Osmān-i sālis ، پیدائش: ۲/۳ جنوری ۱۶۹۹ء - وفات: ۳۰ جنوری یا ۳۰ اکتوبر ۱۷۵۷ء) سلطان محمود اول کی وفات کے بعد ۱۷۵۴ء میں تخت نشین ہوئے۔ اس وقت ان کی عمر ۵۵ برس تھی۔ آپ نے ۱۷۵۴ء سے ۱۷۵۷ء تک خلافت عثمانیہ کی باگ ڈور سنبھالی۔

ابتدائی زندگی

عثمان خان سوم ۲ جنوری یا ۳ جنوری ۱۶۹۹ء کو ادرنہ محل میں پیدا ہوئے۔ وہ محمود اول کے چھوٹے بھائی اور مصطفی دوم کے بیٹے تھے اور ان کی والدہ سلطان شہسوار سلطان تھیں۔ انہوں نے لیلی سے شادی کی۔

تعلیم و تربیت

سلطان عثمان خان سوم نے معمولی درجے کی تعلیم پائی اور اوائل عمر سے لہو و لعب میں مبتلا تھا۔ شطرنج سے دلی رغبت تھی۔

واقعات

سلطان عثمان ثالث نے سب سے پہلے سلطان احمد ثالث کے تینوں بیٹوں کو قتل کروادیا تاکہ بغاوت کا اندیشہ نہ رہے۔ اس نے انتہائی مختصر عرصے کی حکومت کی۔ اس عرصے میں وہ سلطان محمود اول کے سیاسی اصولوں کا پابند رہا۔

• سلطان احمد ثالث نے اپنے دور میں ہر مذہب کی رعایا کے لیے علیحدہ علیحدہ لباس تجویز کیا اور خواتین کے لیے پردہ کے متولق احکامات جاری کیے۔
• ۱۷۵۴ء میں جنگ ہفت سالہ شروع ہوئی جس نے مغربی حکومتوں کو دو مخالف جماعتوں میں تقسیم کرکے سات سال تک وسطی مغرب کو جنگ کا میدان بنائے رکھا۔ لیکن عثمان خان سوم نے اس سے کوئی فائدہ حاصل نہ کیا اور اپنے اصولوں پر قائم رہا۔ اس لیے اس کی ہمسایہ حکومتوں سے کوئی جنگ نہیں ہوئی۔
• سلطنت کے اندرونی نظم و نسق کا سسلسلہ اسی طرح چلتا رہا جو اس کے پیشرو کے دور میں تھا۔

وفات

عثمان خان سوم نے مختصر دور کے بعد ۳۰ جنوری یا ۳۰ اکتوبر ۱۷۵۷ء کو توپ کاپی محل کے مقام پر وفات پائی۔

حوالہ

• تاریخ سلاطین عثمانیہ، مصنف:- امتیاز پراچہ

عثمان ثالث سلطنت عثمانیہ پیدائش: جنوری ۲, ۱۶۹۹ء وفات: اکتوبر ۳۰, ۱۷۵۷ء[عمر ۵۸]
ماقبل  محمود اول	فہرست سلاطین عثمانی دسمبر ۱۳, ۱۷۵۴ء – اکتوبر ۳۰, ۱۷۵۷ء	مابعد  مصطفی سوم
مناصب سنت
ماقبل  محمود اول	خلیفہ دسمبر ۱۳, ۱۷۵۴ء – اکتوبر ۳۰, ۱۷۵۷ء	مابعد  مصطفی سوم