خلیاتی تمايُز

آزاد دائرۃ المعارف، ویکیپیڈیا سے
متمايزہ خلیات

خلیاتی تمایز (cellular differentiation) علم حیاتیات اور بالخصوص نموئی حیاتیات (developmental biology) میں ایک ایسے عمل کو کہا جاتا ہے جس میں نسبتاً کم (یا بالکل) غیر متفرق یا غیر متمایزہ خلیات، متخصص (خصوصی یا متفرق) اقسام کے جسمانی خلیات میں تمیز پا جاتے ہیں اور اسی تمیز پا جانے کی وجہ سے اس عمل کا نام تمایز ادا کیا جاتا ہے۔ اس بات کو آسان الفاظ میں یوں سمجھا جا سکتا ہے کہ جب کسی کثیر خلوی جاندار کی حیات کا آغاز ہوتا ہے تو وہ محض ایک خلیے سے شروع ہوتا ہے اور اس خلیے کی تقسیم در تقسیم سے متعدد خلیات مضاف ہوتے چلے جاتے ہیں؛ خلیات میں ہونے والے اس اضافے کے ابتدائییییییییییی مراحل (یعنی جنین (embryo) کی عمر) میں یہ خلیات ایک جیسی شکل و خصوصیات کے ہوتے ہیں لیکن وقت کے ساتھ ساتھ ان میں مزید تقسیم کی وجہ سے بننے والے خلیات، جسم کی ضرورت اور ساخت کے مطابق الگ الگ اقسام کے خلیات میں تبدیل ہوتے چلے جاتے ہیں؛ جیسے کے زبان کے خلیات، آنکھ کے خلیات اور معدے کے خلیات وغیرہ وغیرہ۔

غیر متمایزہ خلیہ (undifferentiated cell) ایک ایسا خلیہ ہوتا ہے جس میں جسمِ جاندار (بشمول انسان) کی مختلف النواع نسیجوں میں پائے جانے والی تمیزی خصوصیات موجود نا ہوں؛ یعنی اسی بات کو آسان الفاظ میں یوں بھی کہہ سکتے ہیں کہ ایسے خلیات کہ جن کو جسم کے الگ الگ حصوں میں موجود مختلف اقسام کے خلیات میں شناخت نا کیا جا سکتا ہو تو ان کو غیرتمیزی یا غیر متمایزہ خلیات کہا جاتا ہے جبکہ جسم میں پائے جانے والے وہ خلیات جن کی ان کے مقام (یا نسیج) کے اعتبار سے الگ (جیسے دل و جگر کے خلیات میں) شناخت کی جا سکتی ہو ان کو متمایزہ خلیات (differentiated cells) کہتے ہیں۔

زمرہ:حیوانیات