خلیق ابراہیم خلیق

آزاد دائرۃ المعارف، ویکیپیڈیا سے
Jump to navigation Jump to search
خلیق ابراہیم خلیق
پیدائش1 فروری 1926(1926-02-01)ء
حیدرآباد، دکن، برطانوی ہندوستان
وفات29 ستمبر 2006(2006-90-29) (عمر  80 سال)
کراچی، پاکستان
قلمی نامخلیق ابراہیم
پیشہادیب، فلمساز
زباناردو
نسلمہاجر قوم
شہریتFlag of پاکستانپاکستانی
اصنافنظم، غزل، تنقید، افسانہ
نمایاں کاممنزلیں گرد کی مانند
اُردو غزل کے پچیس سال
اجالوں کے خواب
اہم اعزازاتتمغا امتیاز
شریک حیاتحمرہ خلیق
اولادحارث خلیق

خلیق ابراہیم خلیق (انگریزی: Khalique Ibrahim Khalique) (پیدائش: یکم فروری، 1926ء - وفات: 29 ستمبر، 2006ء) اردو کے ممتاز شاعر، افسانہ نگار، نقاد اور فلمساز تھے۔

حالات زندگی

خلیق ابراہیم خلیق یکم فروری، 1926ء کو حیدرآباد، دکن، برطانوی ہندوستان میں پیدا ہوئے[1][2]۔ تقسیم ہند کے بعد انہوں نے کراچی میں سکونت اختیار کی اور پریس انفارمیشن ڈیپارٹمنٹ پاکستان کے اہتمام میں متعدد دستاویزی فلمیں بنائیں جن میں غالب، پاکستان اسٹوری، آرکیٹینکچرل ہیریٹیج آف پاکستان، ون ایکٹر آف لینڈ، پاتھ ویز ٹو پراسپیریٹی اور کوکونٹ ٹری شامل ہیں۔ وفات سے چند برس قبل ان کی خود نوشت سوانح عمری کا پہلا حصہ منزلیں گرد کی مانند کے نام سے شائع ہوئی۔ ان کی دیگر تصانیف میں کامیاب ناکام، عورت،مرد اور دنیا، اردو غزل کے پچیس سال اور اجالوں کے خواب شامل ہیں۔ انگریزی اور اردو کے شاعر حارث خلیق ان کے فرزند ہیں۔[2]

اعزازات

حکومت پاکستان نے ان کی خدمات کے اعتراف کے طور پر انہیں تمغا امتیاز عطا کیا۔[2]

تصانیف

  • منزلیں گرد کی مانند (خود نوشت سوانح عمری)
  • اُردو غزل کے پچیس سال (تنقید)
  • اجالوں کے خواب (نظمیں)
  • کامیاب ناکام (افسانے)
  • عورت،مرد اور دنیا

وفات

خلیق ابراہیم خلیق 29 ستمبر، 2006ء کو کراچی، پاکستان میں وفات پا گئے اور سخی حسن کے قبرستان میں سپردِ خاک ہوئے۔[1][2]

حوالہ جات