دارچینی

آزاد دائرۃ المعارف، ویکیپیڈیا سے
Jump to navigation Jump to search
دارچینی
صنف بندی

ایک درخت اور اس کا چھلکا۔ اگرچہ اس کے نام کو چین سے مناسبت ہے لیکن دارصل یہ چین میں نہیں ہوتا۔ بلکہ جزائر شرق الہند میں پایا جاتا ہے۔ اس درخت کا چھلکا گرم مصالحہ کا جزو ہے۔ پتے بھی بطور مصالحہ استعمال ہوتے ہیں۔ اس کے علاوہ دیسی اور انگریزی ادویات میں بھی استعمال ہوتا ہے۔ زمانہ قدیم میں عربوں کے ذریعے یہ مصالحہ تمام دنیا میں پہنچتا تھا۔

قدیم یونانی لوگوں نے دارچینی کی قیمت کو بڑھانے ایک افسانہ سازی کی اور لوگوں کو بتلاتے تھے کہ دار چینی، ایک cinnamologus نامی پرندہ کے گھونسلے سے حاصل ہوتی، جو اس کسی انجان دور دراز علاقوں سے لاکر اپنا گھونسلا بناتا ہے اور تاجر اس کو اکٹھا کر لاتے ہیں۔ اور یہ پرندہ جزائر عرب میں رہتا ہے۔ ارسطو نے اس پرندہ کا نام اپنی کتاب میں kinnamômon orneon لکھا ہے۔ جب سے دار چینی کو مصالحہ کے طور جانا جاتا ہے، اسی دور سے اس کو دوائی درجہ حاصل ہے۔ اور اکثر قرابادین میں بیش قیمت نسخہ جات مثلا جوارش زرعونی، جوارش جالینوس، لبوب کبیر میں شامل ہے۔ اب بھی پوری دنیا اس کے ادویاتی فوائد کو مانتی ہے۔ ذیابیطس، خون میں بڑھی ہوئی کولسٹرول کی مقدار کم کرتی ہے۔ اور اس پر مسلسل مطبی تجربات ہو رہے ہیں۔ اسہال میں اس کی دوائی تاثیر بے مثال ہے۔