درس ترمذی

درس ترمذی

مصنف	محمد تقی عثمانی
ملک	پاکستان
زبان	اردو
موضوع	حدیث

درس ترمذی پاکستانی دیوبندی عالم جسٹس تقی عثمانی ایک عرصہ دراز جامعہ دارالعلوم کراچی میں جامع ترمذی کا درس دیتے رہے ہیں ۔ یہ دراصل جسٹس کے مذکورہ ادارہ میں دیے جانے والے لیکچر ز و تقاریر کا مجموعہ ہے ، جنہیں دار العلوم کراچی کے استاد مولوی رشید اشرف نے مرتب کر کے کتابی صورت میں شائع کر وایا ۔ آپ نے طلبہ سے مختلف سالوں کی تقاریر حاصل کیں ، ان کے مباحث کو یکجا کیا ، نامکمل حوالہ جات کی تکمیل کی ، نیز بعض مقامات پر اپنی طرف سے کچھ مفید حواشی تحریر کیے اور ان کے ساتھ از مرتب عفی عنہ لکھا ۔ کتاب تین جلدوں پر مشتمل ہے۔ان جلدوں کے صفحات بالترتیب ٥٢٧ ،٦٦٦ اور پانچ سو پچیں ( ٥٢٥ ) ہیں ۔ جلد اول ابواب الصلاۃ ، ابواب الطھارۃ ، جلد دوم ابواب الوتر ، ابواب الجمعہ ، ابواب العید بین ، ابواب السفر ، ابواب الزکوۃ والصوم اور جلد سوم ابواب الحج ، ابواب الجنائز ، ابواب نکاح ، الرضاع ، الطلاق واللعان کے مسائل و احکام سے متعلق ہے ۔ کتاب ١٤١٤ ہجری میں مکتبہ الر شد کراچی سے شائع ہوئی ۔

مزید دیکھیے

• محمد تقی عثمانی کی تصانیف کی فہرست