پہلا دلائی لامہ تبت کے وسطی علاقے گرومی روپا میں 1391میں پیدا ہوا۔ ان کا خاندانی نام پیماڈورجی تھا۔ انھوں نے تبتی زبان 14سال کی عمرمیں لکھنا اورپڑھنا سیکھی مذہبی تعلیمات کے پرچاراورروحانی قوتوں کے آشکارہونے پر 1411ء میں ان کا مذہبی نام گیدن دھرپا مشہور ہو گیا، انھوں نے مذہبی تعلیمات اورروحانیت کی بڑھوتری کے لیے 1416ء میں ایک اسکول قائم کیا اور باقاعدہ مذہبی تعلیم دینا شروع کردی، گیدن دھرپا کے اعلیٰ اصولوں اورتعلیمات کے باعث وہ جلد ہی ایک معزز اور اعلیٰ ہستی بن گئے اور1447ء تک بدھ مت کی تعلیمات کا سلسلہ پورے تبت تک پھیل گیا ان کا بنایاگیا اسکول بدھ ازم کی یونیورسٹی میں تبدیل ہو گیا انھوں نے بدھا کی تعلیمات اورفلسفہ پر 8 سے زائد کتابیں لکھی وہ بدھا کے عظیم استاد کے طورپرسامنے آئے، انھوں نے 1474ء میں 80سال کی عمرمیں وفات پائی۔
