دلدار پرویز بھٹی
| دلدار پرویز بھٹی | |
|---|---|
 | |
| معلومات شخصیت | |
| پیدائش | 30 نومبر 1940 گوجرانوالہ |
| وفات | اکتوبر 30، 1994 (عمر 53 سال) نیو یارک شہر, امریکا |
| شہریت |  پاکستان |
| عملی زندگی | |
| پیشہ | ٹیلی ویژن اورریڈیو میزبان, کالج پروفیسر |
| دور فعالیت | 1970-1994 |
| کارہائے نمایاں | “آمناسامنا”, “دلداریا”, “دلبر دلبر” |
درستی - ترمیم  | |
دلدار پرویز بھٹی پاکستان ٹیلی ویژن اور ریڈیو پاکستان کے نامور کمپیئر، کالم نگار، مصنف اور استاد تھے۔
پیدائش[ترمیم]
30 نومبر 1946ء کو امرتسر میں پیدا ہوئے، تاہم تقسیم ہند کے بعد والدین کے ہمراہ گوجرانوالہ میں آگئے۔
تعلیم[ترمیم]
ابتدائی تعلیم گوجرانوالہ سے ہی حاصل کی۔
عملی زندگی[ترمیم]
انہوں نے اپنے کیریئر کا آغاز بطور مدرس کیا تھا اور ساہیوال کے گورنمنٹ کالج میں لیکچرار تعینات ہوئے۔انہوں نے لاہور میں ایم اے او کالج اور گورنمنٹ کالج باغبانپورہ میں بھی تدریسی خدمات سرانجام دیں۔ وہ ٹی وی اور ریڈیو کے ہر دلعزیز کمپیئر اپنی حاضر جوابی میں بے مثال تھے۔ انہیں بیک وقت اردو، انگریزی اور پنجابی زبانوں پر عبور حاصل تھا۔ پی ٹی وی کو پنجابی میں پہلا کوئز شو شروع کرنے کا آئیڈیا دلدار پرویز بھٹی نے دیا اور ’’ٹاکرا‘‘نامی اس پروگرام سے اپنے فنی سفر کا آغاز کیا۔ اس کے علاوہ میلہ، یادش بخیر اور پنجند جیسے مقبول عام پروگرام بھی کامیابی سے پیش کیے۔ وہ پی ٹی وی سے 1974ء سے 1994ء تک منسلک رہے۔ انہوں نے ٹی وی پر جواں فکر کے نام سے بھی پروگرام پیش کیا اور اخبارات میں کالم بھی لکھتے رہے،وفات کے وقت وہ چلڈرن لائبریری لاہور میں پراجیکٹ ڈائریکٹر تھے۔
تصانیف[ترمیم]
اپنی زندگی میں تین کتابوں کو تحریر کیا، جن میں 'دلداریاں، آمنا سامنا اور دلبر دلبر‘‘نمایاں ہیں۔
وفات[ترمیم]
30 اکتوبر 1994ء کو (بروکلین) امریکا میں شوکت خانم کینسر ہسپتال کے لیے فنڈز جمع کرنے کے دوران میں دماغ کی شریان پھٹ جانے سے دلدار پرویز بھٹی انتقال کر گئے تھے۔[1]دلدار پرویز بھٹی لاہور میں وحدت کالونی کے قبرستان میں آسودۂ خاک ہیں، دلدارپرویز بھٹی کے انتقال کے بعد شوکت خانم میموریل اسپتال اور ریسرچ سینٹر کے ایک وارڈ کا نام بھی اعزازی طور پر انہی کے نام سے منسوب کیا گیا ہے۔