دنانیر مبین

دنانیر مبین پشاور، پاکستان سے تعلق رکھنے والی ایک 19 سالہ لڑکی ہیں جو 2021ء کے آغاز سے اپنے انسٹا گرام صفحے پر اپلوڈ کردہ ایک ویڈیو کی وجہ کافی مشہور ہوئیں۔ ان کے پیرو کار (فالوئرز) راتوں رات بڑھ کر دو لاکھ پینالیس ہزار ہو گئے۔ اس نو محصولہ شہرت کی وجہ اس کا انٹرویو کئی ذرائع ابلاغ کے گھرانوں نے کیا، جن میں بی بی سی اردو بھی شامل ہے۔

ویڈیو کا خلاصہ

انسٹا گرام پر اپلوڈ کردہ ویڈیو میں دنانیر خود کو، ان کی کار اور اس میں شریک رفقا کا یوں تعارف کراتی ہیں:

"یہ ہماری کار ہے، یہ ہم ہیں اور یہ ہماری ’پارری‘ ہو رہی ہے۔" یہاں مغربی لب و لہجہ کے حامل پاکستانی عوام کی دیکھا دیکھی دنانیر پارٹی لفظ کو ’پارری‘ کہتی ہے، شاید اسی تلفظ میں ویڈیو کی انفرادیت اور مقبولیت کا راز چھپا ہے۔

ویڈیو کی مقبولیت

دنانیر کی ویڈیو اپنے ملک اور پڑوسی ملک بھارت میں کافی مقبول ہوئی۔ کئی لوگ اس مقبولیت کے مداح ہیں اور امید کرتے ہیں کہ اس سے دونوں ملکوں کے بیچ تنازعات میں کمی رو نما ہو سکتی ہے۔

• بھارتی ریپ موسیقی کے مشہور فن یش راج مکھاتے نے اس ویڈیو کو اپنی نغمہ ریز ویڈیو کی بنیاد بنایا۔ انھوں نے اس تعلق سے کہا:" آج سے میں پارٹی نہیں کروں گا، صرف ’پارری‘ کروں گا۔ کیوں کہ پارٹی کرنے میں وہ مزا نہیں جو ’پارری‘ کرنے میں ہے۔"

• کئی بالی وڈ کے فن کاروں نے خود کو دنانیر کے بول والی یا جیسی ویڈیو کا حصہ بنایا، جس میں بھومی پیڈنیکر، رنویر سنگھ، ویویک اوبیرائے، شلپا شیٹی، دانش الفاظ، شاہد کپور، رندیپ ہوڈا، وغیرہم اس میں شامل ہیں۔

• بھارت میں غذائی فراہمی کی خدمت زوماٹو نے ایک تصویر ٹویٹر پر اپلوڈ کی جس کے ساتھ یہ متن تھا: یہ ہماری کارٹ ہے، یہ ہم ہیں اور یہ ہماری ’پارری‘ ہو رہی ہے۔

• ٹویٹر پر نیٹ فلکس نے اسی طرح یہ پیام لکھا: دوستوں کے ساتھ کچھ دیکھنا (غلط نشان)۔ نیٹ فلکس ’پارری‘ ہو رہی ہے (صحیح نشان)۔

• بھارتی فوج کے مسلح فوجیوں نے بھی ویڈیو سے متاثر ہو کر ایک ویڈیو تیار کی جس میں وہ بھی اپنی پٹرولنگ کے جاری ہونے کا آخر میں ذکر کرتے ہیں۔ تاہم یہ فوجیوں کا نجی ویڈیو ہے، اس کی کوئی سرکاری حیثیت نہیں ہے۔

• اتر پردیش پولیس نے اسی طرح ایک پیام ٹویٹر پر اپلوڈ کیا:
  

دیر رات #پارری_ہو_رہی_ہے، آپ ڈسٹرپ (خلل) ہو رہے ہیں تو کال کریں112

• منی پال ہسپٹلس کے پانچ ڈاکٹروں نے فیس بک پر ایک ویڈیو اپلوڈ کیا جس میں انھوں نے یہ پیام دیا: "یہ منی پال ہسپٹلس ہے، یہ کورونا وائرس ہے اور آپ کو ’پارری‘ نہیں، نہیں کرنی ہے۔"

• بی جے پی کے صدر جے پی نڈا نے مغربی بنگال میں ایک انتخابی ریالی میں کہا: 'یہ بنگال کی جنتا ہے، یہ ہم ہیں اور یہ پریورتن (تبدیلی) کی تیاری ہے۔'

مزید دیکھیے

• انسٹا گرام
• سماجی میڈیا میں خواتین
• ساڈا کتا کتا، تہاڈا کتا ٹامی