دوتی چند

دوتی چند
(اڈیا میں: ଦୂତୀ ଚାନ୍ଦ)
شخصی معلومات
پیدائش	3 فروری 1996ء (28 سال)
شہریت	بھارت
قد
وزن
مادر علمی	کلنگا انسٹی ٹیوٹ آف انڈسٹریل ٹیکنالوجی
عملی زندگی
شرکت	2016ء گرمائی اولمپکس میں شریک کھلاڑی 2018ء ایشیائی کھیل
پیشہ	ایتھلیٹکس مقابلہ باز
کھیل	ایتھلیٹکس
کھیل کا ملک	بھارت
اعزازات
ارجن ایوارڈ  (2020)

دوتی چند (انگریزی: Dutee Chand) ایک بھارتی پیشہ ور اسپرنٹر (کم فاصلے و محدود وقتی دوڑ) اور خواتین کے 100 میٹر ایونٹ میں موجودہ قومی چیمپئن ہے۔

گرمائی اولمپک کھیلوں میں خواتین کے 100 میٹر ایونٹ کے لیے کوالیفائی کیا۔ تاہم 2016ء کے گرمائی اولمپک کھیلوں، ابتدائی راؤنڈ میں اس کے 11.69 سیکنڈ نے اسے اگلے راؤنڈ کے لیے کوالیفائی نہیں کیا۔ 2018ء میں دوتی چند نے جکارتہ ایشین گیمز میں خواتین کی 100 میٹر میں چاندی کا تمغا جیتا تھا۔ یہ 1998ء کے بعد سے اس ایونٹ میں بھارت کا پہلا تمغا تھا۔ 2019ء میں وہ 100 میٹر کی دوڑ میں 11.32 سیکنڈ کا وقت لگا کر یونیورسیڈ میں طلائی تمغا جیتنے والی پہلی بھارتی اسپرنٹر بن گئیں۔

وہ 100 میٹر ایونٹ میں راج کرنے والی قومی چیمپئن ہیں۔ چاند، جو کبھی آئی اے اے ایف ہائپر اینڈروجنزم کے ضوابط کی وجہ سے باہر بیٹھنے پر مجبور ہوئی تھی، اس نے 2016ء کے ریو اولمپکس میں خواتین کے 100 میٹر ایونٹ کے لیے کوالیفائی کیا، پی ٹی اوشا کے 1980ء کے ماسکو اولمپکس میں حصہ لینے کے 36 سال بعد۔ 2016ء میں وہ ریاستی حکومت کے زیر انتظام اوڈیشہ مائننگ کارپوریشن (او ایم سی) میں اسسٹنٹ مینیجر کے طور پر تعینات ہوئیں۔ دوتی چند بھارت کی پہلی ایتھلیٹ بھی ہیں جو کھلے عام ایل جی بی ٹی کیو+ کمیونٹی کے رکن کے طور پر سامنے آئیں، جب اس نے 2019ء میں ہم جنس تعلقات میں رہنے کی بات کی تھی۔

ابتدائی زندگی

دوتی چند کی پیدائش 3 فروری 1996ء کو چکردھر چند اور اکھوجی چند کے ہاں چکہ گوپال پور گاؤں، جاجپور ضلع اڈیشا میں ہوئی تھی۔ وہ غربت کی لکیر سے نیچے کے بنکر خاندان سے ہے۔ اس کی تحریک کا ذریعہ اس کی بڑی بہن سرسوتی چند ہیں، جنھوں نے ریاستی سطح پر دوڑ میں حصہ لیا۔ چاند اور اس کی بڑی بہن سرسوتی نے 2006ء میں ایک سرکاری اسپورٹس ہاسٹل میں داخلہ لیا تھا۔

مزید دیکھیے

• کم فاصلے و محدود وقتی دوڑ