دھوپ کنارے

دھوپ کنارے
نوعیت	ڈراما
تحریر	حسینہ معین
ہدایات	ساحرہ کاظمی
نمایاں اداکار	راحت کاظمی، مرینہ خان، ساجد حسن، قاضی واجد، بدر خلیل، ارشد محمود، کہکشاں اعوان، عشرت ہاشمی، عذرا شیروانی، حمید وائیں
تھیم موسیقی	ارشد محمود
نشر	پاکستان
زبان	اردو
اقساط	13
تیاری
مقام	کراچی
دورانیہ	55 منٹ
پروڈکشن ادارہ	پی ٹی وی کراچی سینٹر
نشریات
چینل	پاکستان ٹیلی وژن PTV
1987ء

ڈراما سیریل دھوُپ کنارے پی ٹی وی پر 1987ء کے دور میں پیش کیا جانے والا ایک ڈراما ہے۔ اس کی کہانی ایک سینئر ڈاکٹر احمر اور ٹرینی ڈاکٹر لڑکی زویا کے حالات کے گرد گھومتی ہے۔ اس ڈرامے کی مصنفہ حسینہ معین تھیں اور ہدایات ساحرہ کاظمی کی۔ ڈراما پی ٹی وی کے عہد زریں کے یادگار تخلیقات میں سے ایک ہے ۔

خاکہ

بنیادی طور پر یہ ڈراما دو ڈاکٹروں (مرینہ خان اور راحت کاظمی) کی بے نام محبت کے گرد گھومتا ہے جو محبت کے ساتھ ساتھ ایک اور انجانے رشتے میں بھی بندھے ہوتے ہیں جس کا علم ان دونوں کو نہیں ہوتا۔ جب دونوں کو اس انجانے رشتے کا علم ہوتا ہے تو یہ ان کے لیے انتہائی دھچکے کا سبب بنتا ہے۔

ڈراما اپنا آغاز بہت سُست رفتاری سے کرتا ہے تاہم جلد ہی یہ اپنی مضبوط کہانی کے باعث دیکھنے والوں کو اپنی گرفت میں لے لیتا ہے۔ ڈرامے میں سنجیدہ کہانی کے ساتھ مزاح کا بھی عنصر شامل تھا۔ حمید وائن اور ساجد حسن نے مزاح کے ماحول کو بھرپور بنایا ۔

کردار

• ڈاکٹر احمر انصاری
• ڈاکٹر زویا علی خان
• انجی
• دادی
• ممی
• ڈاکٹر عرفان
• ڈاکٹر شینا کرامت
• فضیلت بی بی

موسیقی

اس ڈرامے کے لیے حسن اکبر کمال کی لکھی ہوئی نظم 'ہنسی کھنکتی ہوئی' جس کے لیے دھنیں ارشد محمود نے ترتیب دیں اور نیرہ نور نے اسے گایا۔

ہنستی ہوئی کھنکتی ہوئی (نیرہ نور)

ہنسی کھنکتی ہوئی یا بُجھی بُجھی خوشیاں ہیں دوستی کی مہک سے یہ رچی ہوئی گھڑیاں مزہ انوکھا سا ہے آتے جاتے لمحوں میں کتابیں گود میں پھیلیں ہیں کھوئے باتوں میں رفاقتوں میں خزانہ جو ہم نے پایا ہے نہ دل پہ بوجھ ہے کوئی نہ غم کا سایہ ہے ہمیں یہ دُھن ہے کہ خوشبو کو ہم تو دیکھیں گے یقین ہے کہ ستاروں کو بڑھ کے چُہو لیں گے کھلا یہ راز بچھڑنا بھی تھا بہاروں کو کسی کے ہاتھ نہیں چُہو سکے ستاروں کو کبھی دریچوں میں شمعیں جو ہم جلاتے ہیں تو گیت لہجے خیالوں میں گنگناتے ہیں

تاثرات

2011ء میں بھارتی ٹی وی چینل سونی ٹی وی نے ”کچھ تو لوگ کہیں گے “کے نام سے پاکستانی ڈراما سیریل”دھوپ کنارے“کا چربہ بنایا۔جو اپنی بے ڈھنگی کاسٹ, بے جان مکالموں اور گھٹیا ہدایت کاری کے باعث وقت سے پہلے بند کر دیا گیا.