دہی بھلے

دہی بھلے

دہی بھلے
قسم	چاٹ
اصلی وطن	بھارت
علاقہ یا ریاست	برصغیر
بنیادی اجزائے ترکیبی	بھلے ، دہی
تغیرات	راجستھانی دہی بھلے، دہلوی دہی بھلے

دہی بھلے یا دہی بڑے ایک قسم کی چاٹ ہے جو برصغیر پاک و ہند میں تیار کی جاتی ہے اور پورے جنوبی ایشیا میں بے حد مقبول ہے۔ یہ تلے ہوئے گول بھلوں کو دہی میں بھگو کر تیار کیا جاتا ہے۔

دہی بھلے مختلف تہواروں کا خاص پکوان بن چکا ہے۔

نام

دہی بھلے کو مراٹھی میں "دہی ودے، ہندی میں دہی وڈا، پنجابی میں "دہی بھلا"، تامل میں تھایر ودا، ملیالم میں تھائیرو وڈا، تیلگو میں پیروگو وڈا کے نام سے بھی جانا جاتا ہے۔

تیاری

دھلی ہوئی  اُڑھرکی دال کو رات بھر بھگو کر بھلے بنانے کے لیے پیس لیا جاتا ہے، پھر گرم تیل میں پکایا جاتا ہے۔گرم تلے ہوئے بھلے کو پہلے پانی میں ڈالا جاتا ہے اور پھر گاڑھے دہی میں شامل کیا جاتا ہے۔ بھلوں کو پیش کرنے سے پہلے کچھ وقت کے لیے بھگو دیا جاتا ہے۔ بھلے میں دھنیا یا پودینے کے پتے، مرچ پاؤڈر، پسی ہوئی کالی مرچ، چاٹ مصالحہ، زیرہ، کٹا ہوا ناریل، ہری مرچ، بوندی، باریک کٹی ہوئی تازہ ادرک یا انار بھی ڈالا جا سکتا ہے۔ ہندوستان میں کچھ جگہوں پر میٹھے دہی کو ترجیح دی جاتی ہے، خاص طور پر مہاراشٹر اور گجرات میں، حالانکہ سجاوٹ وہی رہتی ہے۔ دھنیا اور املی کی چٹنیوں کا مجموعہ اکثر سجاوت کے طور پر استعمال ہوتا ہے۔ چنے مٹر کے آٹے کا استعمال کرکے بھی بھلے بنائے  جا سکتے ہیں۔

• 
• 
• 

تاریخ

دہی بھلے کے لیے ایک نسخہ کا ذکر مانسوللاسا میں ملتا ہے جو 12ویں صدی کا سنسکرت انسائیکلوپیڈیا جسے سومیشورا نے مرتب کیا جو موجودہ ہندوستان میں کرناٹک کے علاقے سے حکومت کرتا تھا ۔ دہی بھلے کے بارے میں تذکرہ اور کئی تحاریر پانچ سو قبل مسیح کے ادب اور نسخوں میں بھی پایا جاتا ہے جس سے اس پکوان کی قدیم مقبولیت اور آثار کا پتہ چلتا ہے۔

مقامات

دہی بھلے بھارت اور پاکستان کے مختلف علاقوں میں پایا جاتا ہے جن میں بنگلور، دہلی، ممبئی، جے پور، کلکتہ، لاہور، کراچی، ڈھاکہ شامل ہیں۔