دین کے تین بنیادی اصول
دین اسلام تین بنیادی اصولوں پر قائم ہے:
- رب (پروردگار) کی معرفت
- دین کی معرفت
- نبی ورسول کی معرفت
یہ تین اصول اس حدیث سے اخذ کیے جاتے ہیں۔
| ” | عباس بن عبد المطلب فرماتے ہیں کہ انہوں نے اللہ کے رسول صلی اللہ علیہ وسلم کو فرماتے ہوئے سناکہ: جس کسی نے اللہ کو رضا کے ساتھ رب مان لیا اور اسلام کو دین اور محمد صلی اللہ علیہ وسلم کو رسول مان لیا تو اس نے ایمان کا مزہ پالیا۔[1] | “ |
اس کی شرح میں محمد بن عبدالوہابنے لکھا ہے کہ: ہر مسلمان پر واجب ہے کہ وہ اپنے رب کی معرفت حاصل کرے اور تنہا اسی کی عبادت کرے نیز اس پر یہ بھی واجب ہے کہ وہ اپنے دین اور اپنے نبی محمد صلی اللہ علیہ وسلم کی معرفت حاصل کرے تاکہ حقیقی طور پر اہل ایمان میں سے ہو جائے۔ یہی وہ تین اصول ہیں جن کے بارے میں قبر کے اندر اس سے سوال کیا جائے گا۔[2]
