رام نارائن

رام نارائن
نارائن مئی 2007 میں تھیمز ویلی یونیورسٹی ، انگلستان میں اپنے فن کا مظاہرہ کرتے ہوئے
ذاتی معلومات
اصناف	ہندوستانی کلاسیکی موسیقی
آلات	سارنگی
سالہائے فعالیت	1944–حال
متعلقہ کارروائیاں	عبد الواحد خان ، برِج نارائن ، چتُر لال ، سریش تلوالکر
ویب سائٹ	پنڈت رام نارائن

رام نارائن (ہندی: राम नारायण) (پیدائش: 25 دسمبر 1927) ایک بھارتی سارنگی نواز ہیں۔ یہ بین الاقوامی شہرت پانے والے پہلے سارنگی نواز ہیں۔ رام نارائن اُدے پور میں پیدا ہوئے اور انہوں نے چھوٹی عمر میں سارنگی بجانا سیکھی۔ آل انڈیا ریڈیو لاہور نے پہلی بار 1944ء میں معاون سازندے کی حیثیت سے ان کی خدمات حاصل کیں۔ تقسیم ہند کے بعد رام نارائن 1947ء میں دہلی چلے گئے تاہم یہاں بھی ان کی حیثیت معاون کی ہی رہی۔ معاون سے آگے بڑھنے کے لیے وہ 1949ء میں بمبئی چلے گئے اور وہاں کی فلمی دنیا میں کام شروع کیا۔

1954 میں ایک ناکام کوشش کے بعد رام نارائن نے 1956 میں پہلی بار کامیابی سے ایک کنسرٹ تنہا کیا۔ انہوں نے اس طرح کے کئی البم ریکارڈ کروائے اور 60 کی دہائی میں اپنے فن کے مظاہرے کے لیے امریکا اور یورپ کے دورے شروع کیے۔ حالیہ دور میں انہوں نے بھارتی اور بیرونی طلبہ کو موسیقی کی تعلیم دی اور اکثر اوقات بھارت سے باہر اپنے فن کا مظاہرہ بھی کیا۔ انہیں 2005ء میں بھارت کا دوسرا سب سے بڑا سویلین اعزاز پدما وبھوشن دیا گیا۔