رانگڑ
رانگڑ راجپوت ہونے کا دعوی دار مسلمان نسلی گروہ ہے. کے سی یادیو اپنی کتاب "ہریانہ میں 1857 کی بغاوت" (The Revolt of 1857 in Haryana) میں صفحہ نمبر آٹھ پر اس طرح رقمطراز ہے [1] [2]
"ایک اور اہم مسلمان ذات رانگڑ تھی جو %6 تھے, جو غالباً پرانے ریگار تھے نہ کہ راجپوت, جیسا کہ کچھ ابتدائی برطانوی مصنفین کی ان کے بارے میں حتمی رائے ہے. انہوں نے زمانہ وسطی میں اسلام قبول کیا اور روہتک, حصار, پانی پت کے بڑی آبادی کے دیہاتوں میں رہتے ہیں. مالی طور پر ہمیشہ یہ بدحال رہے, پس غریب و نادار ہونے کی وجہ سے یہ غیر معاشرتی سرگرمیوں میں ہر جگہ ملوث ہیں. پس یہ ڈاکو اور چور بنے ہیں, اور کبھی قانون کی پرواہ نہیں کرتے اور آسانی سے قانون شکنی کرتے ہیں."[2]
رانگڑوں کی مادری زبان رانگڑی جبکہ باقی کھڑی بولی اور اردو بولنے والے ہیں۔ پاکستان میں پنجاب اور سندھ میں آباد ہیں جبکہ بھارت میں بھی ہریانہ، دہلی، راجستھان اور یو۔پی میں آباد ہیں۔[3] پاکستان میں چونکہ یہ ہندوستان سے قیام پاکستان کے وقت ہجرت کر کے آئے تھے، اس لیے ان کو ہندوستانی یا مہاجر بھی کہا جاتا ہے۔رانگڑ لوگ پنجابی راجپوت سے مختلف ثقافت و روایات کی حامل ہے۔ رانگڑوں کی اکثریت راؤ جبکہ اقلیت رانا، کنور اور چودھری کہلاتے ہیں۔
| کل آبادی | |
|---|---|
| 15 ملین (تخمینہ) | |
| گنجان آبادی والے علاقے | |
 پاکستان | 1,50,00000 |
 بھارت | نامعلوم |
| زبانیں | |
| • رانگڑی، کھڑی بولی، راجستھانی، اردو • | |
| مذہب | |
 اسلام | |
برطانوی راج اور رانگڑوں کی بغاوت[ترمیم]
1857 کی جنگ آزادی میں رانگڑوں نے کھل کر برطانوی سامراج کی مخالفت کی اور اپنے مسلمان بھائیوں کے ساتھ کندھے سے کندھا ملا کر لڑے۔ بریگیڈئر شاور اور لیفٹینٹ ووڈسن نے تغلق آباد ، گڑگاؤں اور ریواڑی اور اس کے آس پاس میں رانگڑ باٖغی گھوڑ سواروں پر حملہ کرنے اور تباہ کرنے کے لیے 1500 افراد پر مشتمل فوجی دستہ بھیجا۔ 15 اگست 1857 کو بشارت خان آف کھرکھودا سہار خان آف روہتک کی قیادت میں 300 رانگڑ گھوڑسواروں نے شدید مزاحمت کی، سینکڑوں کمپنی کے سپاہی مارے دیئےاور تین دن تک گھمسان کا رن جاری رہا، 17 اگست کو لیفٹیننٹ ووڈسن واپس دلی چلا گیا جبکہ زندہ بچے رانگڑ جنگلوں میں گھات لگائے موجود رہے۔[4]
مذہب[ترمیم]
رانگڑوں کا مذہب اسلام ہے۔ یہ مسلمان فقہ حنفی کے پیروکار ہیں۔ رانگڑ اکثریتی طور پر صحیح العقیدہ سنی مسلمان ہیں۔
نامور شخصیات[ترمیم]
- راؤ عبد الستار
- راؤ ہاشم خاں
- راؤ خورشید علی خاں
- رانا پھول محمد خاں
- رفیع محمد چوہدری
- راؤ محمد افضل خاں
- راؤ عبد الرشید
- راؤ سکندر اقبال
- راؤ فرمان علی
- رانا محمد اقبال خان
- راؤ قمر سلیمان
- راؤ قیصر علی خاں
- راؤ محمد اجمل خان
- رانا محمود الحسن
- جہانزیب راؤ
- افضل گوہر راؤ
- راؤ افتخار انجم
حوالہ جات[ترمیم]
- ↑ "The Revolt of 1857 in Haryana". New Delhi: Manohar Book Service.
- ^ ا ب The Revolt of 1857 in Haryana. New Delhi : Manohar Book Service: Generic (January 1, 1977). 1977. صفحات Page No 8. ISBN UCAL:B3187262 تأكد من صحة
|isbn=القيمة: invalid character (معاونت). - ↑ People of India: Uttar Pradesh XLII Part III edited by K Singh page 1197
- ↑ ہریانہ، ایک تاریخی پس منظر صفحہ 54 طابع اٹلانٹک پبلیشرز اینڈ ڈسٹریبیوٹرز، نیو دہلی[1]