راہل گاندھی

راہُل گاندھی
ذاتی تفصیلات
پیدائش	(1970-06-19) 19 جون 1970ء دہلی، ہندوستان
جماعت	انڈین نیشنل کانگریس
مادر علمی	رولنگز کالج ٹرینیٹی کالج، کیمبرج
As of 5 جون, 2011

راہل گاندھی (ہندی تلفظ: [ˈraːɦʊl ˈɡaːndʱiː] ( سنیے); پیدائش 19 جون 1970ء) ایک ہندوستانی سیاست دان ہیں۔ وہ ملکِ ہندوستان کی قدآور سیاسی تنظیم کانگریس کے سابق صدر اور نہرو خاندان کی پانچویں پشت کے رہنما بھی ہیں۔ ان کی پیدائش 19 جون 1970ء کو ہوئی۔ جب وہ چودہ سال کے تھے تو ان کی دادی اور اس وقت کی وزیر اعظم اندرا گاندھی کا قتل ہو گیا۔ اس کے بعد 21 مئی 1991ء کو انتخابات کے دوران میں ان کے والد راجیو گاندھی کا چنّئی میں قتل ہو گیا۔ راہُل گاندھی نے دہلی میں ماڈرن اسکول اور دون اسکول اور پھر سنٹ سٹیفن کالج میں تعلیم حاصل کی اور پھر بیرون ملک سے علم معاشیات کی تعلیم حاصل کی۔ راہُل پہلی بار 2004ء میں اپنے خاندان کی روایتی لوک سبھا سیٹ امیٹھی سے جیت کرپارلیمان پہنچے۔ سال 2007ء میں راہُل کانگریس کے جنرل سکریٹری بنے۔ 2013ء میں پارٹی کے نائب صدر کے طور پر منتخب کیے گے۔ اور اواخرِ2017ء میں کانگریس کے صدر کے طور پر ان کا انتخاب کیا گیا۔ لیکن 2019ء میں مسلسل دوسری مرتبہ لوک سبھا انتخابات میں کراری شکست اور فاشزم کو شکست دینے میں ناکام ہونے پر 3 جولائی 2019ء کو انھوں نے منصبِ صدارت سے استعفی دے دیا اور کسی غیر گاندھی خاندان کے شخص کے صدر بننے کی بات کہی، لیکن اس کے باوجود 10 اگست 2019ء کو ان کی ماں اور کانگریس کی سابق صدر سونیا گاندھی کو ایک بار پھر صدر بنادیا گیا۔

انتخابی تاریخ

تفصیلی مضمون کے لیے راہل گاندھی کی انتخابی تاریخ ملاحظہ کریں۔

سال	حلقۂ انتخاب	جماعت		ووٹ	٪	مخالف			نتیجہ	برتری
2004	امیتھی		انڈین نیشنل کانگریس	390,179	66.18٪		بہوجن سماج پارٹی	چندر پرکاش مشرا	فاتح	290,853
2009				464,195	71.78٪		بہوجن سماج پارٹی	آشیش شکلا	فاتح	370,198
2014				408,651	46.71٪		بھارتیہ جنتا پارٹی	اسمرتی ایرانی	فاتح	107,903
2019				413,394	43.86٪		بھارتیہ جنتا پارٹی	اسمرتی ایرانی	ہارا	55,120
	وایناڈ			706,367	64.67٪		کمیونسٹ پارٹی آف انڈیا	پی۔ پی۔ سُنیر	فاتح	431,770
2024				647,445	59.69٪		کمیونسٹ پارٹی آف انڈیا	اینی راجہ	فاتح	364,422
	رائے بریلی			687,649	66.17٪		بھارتیہ جنتا پارٹی	دنیش پرتاپ سنگھ	فاتح	390,030