ربندر پرسکار

ربندر پُرسکار جسے ربندر سمرتی پرسکار بھی کہا جاتا ہے، بھارتی صوبہ مغربی بنگال میں دیا جانے والا اعلیٰ ترین اعزازی ادبی انعام ہے۔ یہ اعزاز ممتاز بھارتی شاعر ربندر ناتھ ٹھاکر کے نام پر رکھا گیا ہے اور حکومتِ مغربی بنگال کی جانب سے پشچم بنگا بنگلا اکادمی (مغربی بنگال بنگالی اکادمی)، کولکاتا کے تحت دیا جاتا ہے۔

یہ اعزاز تخلیقی ادب، غیر افسانہ اور بنگال سے متعلق کتابوں پر دیا جاتا ہے جو بنگالی زبان میں یا دیگر زبانوں میں لکھی گئی ہوں۔

تاریخ

1950ء سے 1982ء کے درمیان یہ اعزاز کسی ایک یا زائد مصنفین کو ان کے کسی نمایاں مخصوص کاوش پر دیا جاتا تھا۔ 1983ء سے 2003ء تک یہ اعزاز ایک یا زائد مصنفین کو ان کی مجموعی ادبی خدمات کے اعتراف میں دیا گیا۔ 2004ء اور 2005ء میں یہ اعزاز دوبارہ ایک یا زائد مصنفین کو ان کے کسی مخصوص نمایاں کاوش پر دیا گیا۔ 2006ء سے یہ ایوارڈ پھر سے ایک یا زائد مصنفین کو ان کی زندگی بھر کی ادبی خدمات کے اعتراف میں دیا جا رہا ہے۔