رشی کیش مکھرجی

رشی کیش مکھرجی
(بنگالی میں: হৃষিকেশ মুখোপাধ্যায়)
معلومات شخصیت
پیدائش	30 ستمبر 1922  کولکاتا
وفات	27 اگست 2006 (84 سال)  ممبئی
وجہ وفات	گردے فیل
طرز وفات	طبعی موت
شہریت	برطانوی ہند (–14 اگست 1947) بھارت (26 جنوری 1950–) ڈومنین بھارت (15 اگست 1947–26 جنوری 1950)
عملی زندگی
مادر علمی	جامعہ کلکتہ
پیشہ	فلم ہدایت کار،  منظر نویس،  فلم ساز،  فلم مدیر،  ہدایت کار
اعزازات
دادا صاحب پھالکے ایوارڈ   فنون میں پدم شری   پدم وبھوشن
	IMDB پر صفحات

رشی کیش مکھرجی

بھارتی فلم انڈسٹری کے مشہور ہدایت کار۔ کلکتہ میں پیدا ہوئے۔’رشی دا‘ کے نام سے مشہور رشی کیش نے ممبئی میں اپنے فلمی کیریئر کا آغاز نامور ہدایت کار بمل رائے کے ساتھ کیا۔ انہوں نے چھیالیس سے زیادہ فلموں کی ہدایت کاری کی۔ ان کی ہدایت کاری میں بننے والی فلموں میں ’آنند‘، ’ابھیمان‘، ’اصلی نقلی‘، ’گڈی‘، ’خوبصورت‘، ’چپکے چپکے‘ اور ’گول مال‘ بہت مقبول ہوئیں۔

رشی دا نے ہندی سنیما کو ایک نئی جہت دی ہے۔ سماجی مسائل کو انہوں نے بہت خوبصورتی کے ساتھ پردے پر پیش کیا۔ اس کے لیے ان کی فلم ’ستیہ کام‘ کی مثال دی جا سکتی ہے۔ رِشی دا ایک سلجھے ہوئے انسان تھے۔ ان میں طنز و مزاح کمال کا تھا۔ انہوں نے جو کامیڈی فلمیں بنائی ہیں اس سے ان کے ذوق کا اندازہ لگایا جا سکتا ہے۔ فلموں بہترین کارنامے کے سبب رِشی دا کو انیس سو نناوے میں دادا صاحب پھالکے ایوارڈ سے نوازا گیا۔ انہیں سن دو ہزار میں پدم وبھوشن اور انیس سو ساٹھ میں فلم ’انورادھا‘ پر صدرِ جمہوریہ میڈل بھی دیا گیا۔ ممبئی میں ان کا انتقال ہوا۔

بیرونی روابط

• Hrishikesh Mukherjee at آل مووی۔