روی شنکر پرساد

روی شنکر پرساد
ذاتی تفصیلات
پیدائش	(1954-08-30) 30 اگست 1954ء پٹنہ، بہار (بھارت)، بھارت
جماعت	بھارتیہ جنتا پارٹی
زوجیت	Maya
مادر علمی	پٹنہ یونیورسٹی

روی شنکر پرساد (انگریزی: Ravi Shankar Prasad) (ولادت: 30 اگست 1954ء) بھارت کے وکیل، سیاست دان اور موجودہ کابینہ بھارت کے رکن ہیں۔ وہ وزارت قانون و انصاف، حکومت ہند، مواصلات اور وزارت برقیات و انفارمیشن ٹیکنالوجی، حکومت ہند کے وزیر ہیں۔ وہ بھارتیہ جنتا پارٹی کے ٹکٹ پر پٹنہ صاحب لوک سبھا حلقہ کے رکن پارلیمان ہیں۔

ابتدائی زندگی اور تعلیم

ان کی ولادت پٹنہ کے ایک کائستھ خاندان میں ہوئی۔ ان کے والد ٹھاکر پرساد پٹنہ عدالت عالیہ میں سنیئر وکیل تھے اور جن سنگھ کے اہم بانیاں میں سے ہیں۔ ان کی بہن انورادھا راجیو شکلا کی اہلیہ ہیں اور بیگ فلمز اینڈ میڈیا کی مالک ہیں۔ انھوں نے پٹنہ یونیورسٹی سے سیاسیات میں بی اے، ایم اے اور فاضل القانون کی ڈگری لی۔

قانونی سفر

1980ء سے وہ پٹنہ عدالت عالیہ میں وکیل رہے ہیں۔ 1999ء میں انھیں وہاں کا سینئر وکیل بنایا گیا اور 2000ء میں بھارتی عدالت عظمیٰ کا سینئر وکیل نامزد کیا گیا۔

سیاسی سفر

انھوں نے زمانہ میں طالب علمی میں ہی سیاست میں سرگرمی شروع کر دی تھی اور 1970ء کی دہائی میں اندرا گاندھی کے خلاف خوب مظاہرے کیے تھے اور ایمرجنسی کے وقت انھیں جیل بھی جانا پڑا تھا۔ جے پرکاش نرائن کی قیادت میں انھوں نے کئی تحریکوں میں حصہ لیا اوروہ اکھل بھارتیہ ودیارتھی پریشد کے فعال کارکن اور رضاکار تھے۔

وزارتیں اور عہدے

نریندر مودی کی حکومت میں انھیں مواصلات کا وزیر بنایا گیا۔ جولائی 2016ء میں انھیں وزارت برقیات و انفارمیشن ٹیکنالوجی، حکومت ہند کی ذمہ داری دی گئی۔

کامیابیاں

وزارت کوئلہ، حکومت ہند اور وزارت کان کنی، حکومت ہند کی ذمہ داری سنبھالنے کے بعد انھوں نے ترقی اور اصلاح کے کام کو بہت تیز کر دیا۔ جولائی 2002ء میں انھیں وزارت قانون بھی دے دی گئی۔ اپریل 2002ء میں انھوں نے ڈربن میں غیر وابستہ ممالک کی تحریککی نمائندگی کی۔ بعد ازاں وہ رام اللہ میں یاسر عرفات سے ملے اور ان سے اظہار تعزیت کیا۔