ریمنڈ ڈیوس (امریکی اہلکار)

آزاد دائرۃ المعارف، ویکیپیڈیا سے
Jump to navigation Jump to search
ریمنڈ ڈیوس

Raymond Allen Davis

معلومات شخصیت
پیدائش 2 اکتوبر 1974ء (عمر 45 سال)
رہائش Highlands Ranch, Colorado
قومیت امریکی
آبائی علاقہ Wise, Virginia
زوجہ ربیکا ڈیوس
عملی زندگی
مادر علمی پاؤل ویلی ہائی اسکول
پیشہ محافظ[1]
ملازمت سی آئی اے، امریکہ ادارہ۔ لاہور قونصل خانہ امریکہ[1]

ریمنڈ ڈیوس (انگریزی: Raymond Davis) ایک امریکی شہری ہے جو لاہور میں تعینات امریکی ذیلی سفارتخانے کا ملازم تھا جس نے 27 جنوری 2011ء کو مزنگ لاہور کی سڑک پر گاڑی چلاتے ہوئے دو موٹر سائیکل سوار نوجوانوں کو گولی مار کر قتل کر دیا۔ مقتولین کے نام فہیم اور فیضان ہیں۔ ریمنڈ کا بیان ہے کہ ان میں سے ایک نوجوان نے اس پر پستول لہرایا تھا۔ قتل کے وقوع سے اس نے امریکی سفارت سے بذریعہ ہاتف مدد طلب کی جس کے نتیجہ میں ایک امریکی تیز رفتار سفارت گاڑی غلط سمت سے یکطرفی سڑک پر دوڑتی آتے ہوئے ایک راہگیر موٹر سائیکل سوار کو کچل کر ہلاک کر دیا۔ اس ہلاککندہ کا نام عبادالحق ہے۔ بعد میں پولیس نے ریمنڈ کو گرفتار کر لیا۔ امریکی سفارت خانہ نے دعوی کیا کہ ریمنڈ سفارت کار ہے اور اس لیے اسے گرفتار یا سزا نہیں دی جا سکتی۔ مبصرین کے مطابق ریمنڈ امریکی نجی ادارے کا ملازم ہے، تجارتی ویزا پر پاکستان میں داخل ہوا اور پاکستان میں سی آؤ اے کی طرف سے جاسوسی میں ملوث تھا۔[3][4][5][6] اس لیے اس پر دوہرے قتل کا مقدمہ چلایا جا سکتا ہے۔[7] لاہور کی عدالت نے ریمنڈ کو ملک سے باہر بھیجنے پر پابندی لگاتے ہوئے جیل میں رکھنے کا حکم دیا۔ اطلاعات کے مطابق موٹر سائیکل سوار کو کچلنے والی گاڑی کا سائق فرار ہو کر امریکا پہنچ گیا۔[8]

ڈیوس کے ہاتھوں قتل ہونے ایک نوجوان کی بیوہ نے انصاف نہ فراہم ہونے کے خدشہ پر 6 فروری کو احتجاجاً خود کشی کر لی ہے اور مقتول کے دیگر لواحقین نے بھی انصاف نہ ملنے کی صورت میں خود کشی کی دھمکی دی ہے۔[9] سابق پاکستانی وزیر خارجہ شاہ محمود قریشی نے برطرفی کے بعد اعتراف کیا کہ ریمنڈ ڈیوس کو سفارتکار کا درجہ حاصل نہیں۔[10] ریمنڈ کی اصلیت ایک تجربہ کار جاسوس ہونے کے ناطے سے صوبہ پنجاب کی انتظامیہ کو خدشہ ہے کہ ریمنڈ کو امریکی دوران حراست قتل نہ کر دیں۔[11] 25 فروری 2011ء ریمنڈ کے امریکی "خاندان کے افراد" لاہور پہنچے۔[12]

دو ملین ڈالر دیت[ترمیم]

16 مارچ 2011ء کو مقتولین کے ورثاء کی طرف سے معافی بعوض 2 ملین ڈالر دیت کے وعدہ پر عدالت نے ریمنڈ ڈیوس کو بری کر دیا۔ پنجاب کی حکومت کے وزیر انصاف کا کہنا تھا کہ ان کی حکومت کا اس میں کوئی کردار نہیں کیونکہ مقتولین کے ورثا کی طرف سے معافی کے بعد وہ قانوناً کچھ نہیں کر سکتے۔ تاہم واضح رہے کہ ملکی قانون کے تحت پنجاب حکومت (یا پولیس) یہ فیصلہ کرتی ہے کہ مقدمہ شرعی قانون کے تحت قائم کیا جائے (جس میں خون بہا کی اجازت) ہے یا روایتی قانون کے تحت (جس میں قصاص کے عوض ورثا معاف نہیں کر سکتے)۔ مقتولین کے ایک وکیل نے دعوی کیا کہ ورثا سے زبردستی معافی نامہ پر دستخط کرائے گئے۔ اطلاعات کے مطابق سعودی عرب کی حکومت نے قصاص کے تحت مقدمہ ختم کرنے میں کلیدی کردار ادا کیا اور قصاص کی رقم بھی خادم الحرمين الشريفين ہی نے ادا کی۔[13] مبصرین نے اس مقدمہ کے اچانک فیصلہ کو وفاقی اور صوبائی حکومتوں، امریکا اور عدالت کے منصف کے درمیان پہلے سے طے شدہ ڈراما قرار دیا ہے جس کا ریاستی اور شرعی قانون سے کوئی تعلق نہیں۔[14]

فرار[ترمیم]

رہائی کے فوراً بعد امریکی ریمنڈ ڈیوس کو بذریعہ ہوائی جہاز افغانستان لے گئے۔ ریمنڈ ڈیوس کے مقدمہ کی سماعت کرنے اور عجلت میں فیصلہ دینے والا منصف اگلے دن چھٹی پر روانہ ہو گیا۔[15]

اکتوبر 2011ء میں امریکا میں غنڈہ گردی کے الزام میں ضمانت ہوئی۔[16]

حوالہ جات[ترمیم]

  1. ^ ا ب Miller، Greg۔ "U.S. officials: Raymond Davis, accused in Pakistan shootings, worked for CIA"۔ مورخہ April 12, 2011 کو اصل سے آرکائیو شدہ۔ اخذ شدہ بتاریخ February 21, 2011۔ نادرست |=مردہ ربط (معاونت)
  2. "CIA man free after 'blood money' payment"۔ الجزیرہ۔ مورخہ April 12, 2011 کو اصل سے آرکائیو شدہ۔ اخذ شدہ بتاریخ March 17, 2011۔ The practice of pardoning those accused of murder under such an arrangement is permitted under Pakistani law. نادرست |=مردہ ربط (معاونت)
  3. "Malik should be tried for lying in Davis case: PTI"۔ مورخہ 25 دسمبر 2018 کو اصل سے آرکائیو شدہ۔ اخذ شدہ بتاریخ 5 February 2011۔ نادرست |=مردہ ربط (معاونت)
  4. Ali Ismail۔ "US bullying Pakistan to release "diplomat" who killed two in Lahore market"۔ wsws۔ مورخہ 25 دسمبر 2018 کو اصل سے آرکائیو شدہ۔ اخذ شدہ بتاریخ 10 February 2011۔ نادرست |=مردہ ربط (معاونت)
  5. ڈیلکن والش۔ "American who sparked diplomatic crisis over Lahore shooting was CIA spy"۔ مورخہ 25 دسمبر 2018 کو اصل سے آرکائیو شدہ۔ اخذ شدہ بتاریخ 20 February 2011۔ نادرست |=مردہ ربط (معاونت)
  6. ایون میک آسکل اور ڈیلکن والش۔ "US gives fresh details of CIA agent who killed two men in Pakistan shootout"۔ مورخہ 25 دسمبر 2018 کو اصل سے آرکائیو شدہ۔ اخذ شدہ بتاریخ 21 February 2011۔ نادرست |=مردہ ربط (معاونت)
  7. Sikander Shaheen۔ "Davis detention 'lawful'"۔ مورخہ 25 دسمبر 2018 کو اصل سے آرکائیو شدہ۔ اخذ شدہ بتاریخ 6 February 2011۔ نادرست |=مردہ ربط (معاونت)
  8. "Hit-and-run killer reaches US"۔ مورخہ 25 دسمبر 2018 کو اصل سے آرکائیو شدہ۔ اخذ شدہ بتاریخ 20 February 2011۔ نادرست |=مردہ ربط (معاونت)
  9. "Wife of man killed by Davis commits suicide"۔ مورخہ 25 دسمبر 2018 کو اصل سے آرکائیو شدہ۔ اخذ شدہ بتاریخ 6 February 2011۔ نادرست |=مردہ ربط (معاونت)
  10. "Davis no diplomat"۔ مورخہ 25 دسمبر 2018 کو اصل سے آرکائیو شدہ۔ اخذ شدہ بتاریخ 13 February 2011۔ نادرست |=مردہ ربط (معاونت)
  11. انصار عباسی۔ "Punjab fears Davis may be killed — even by CIA"۔ مورخہ 25 دسمبر 2018 کو اصل سے آرکائیو شدہ۔ اخذ شدہ بتاریخ 19 February 2011۔ نادرست |=مردہ ربط (معاونت)
  12. "Davis's family arrives in Pakistan"۔ مورخہ 25 دسمبر 2018 کو اصل سے آرکائیو شدہ۔ اخذ شدہ بتاریخ 25 February 2011۔ نادرست |=مردہ ربط (معاونت)
  13. "ورثاء کی معافی، ڈیوس رہا، 'معاوضہ ہم نے نہیں دیا'"۔ مورخہ 25 دسمبر 2018 کو اصل سے آرکائیو شدہ۔ اخذ شدہ بتاریخ 16 March 2011۔ نادرست |=مردہ ربط (معاونت)
  14. اداریہ۔ "ریمنڈ ڈیوس کی رہائی اور عوامی ردعمل"۔ مورخہ 25 دسمبر 2018 کو اصل سے آرکائیو شدہ۔ اخذ شدہ بتاریخ 18 March 2011۔ نادرست |=مردہ ربط (معاونت)
  15. ڈیوس کیس کی سماعت کرنیوالے جج یوسف اوجلہ رخصت پر چلے گئے۔ http://web.archive.org/web/20181225141028/http://jang.net/urdu/update_details.asp?nid=113493%20۔ مورخہ 25 دسمبر 2018 کو اصل سے آرکائیو شدہ۔ اخذ شدہ بتاریخ 17 March 2011۔ نادرست |=مردہ ربط (معاونت); Missing or empty |title= (معاونت)
  16. "CIA contractor at heart of US-Pakistan row arrested after car park brawl"۔ مورخہ 25 دسمبر 2018 کو اصل سے آرکائیو شدہ۔ اخذ شدہ بتاریخ 26 September 2011۔ نادرست |=مردہ ربط (معاونت)

بیرونی روابط[ترمیم]