زاہدہ پروین منظور

زاہدہ پروین منظور
مناصب
رکن ہاؤس آف لارڈ
آغاز منصب 6 ستمبر 2013
معلومات شخصیت
پیدائش	25 مئی 1958ء (66 سال)  راولپنڈی
شہریت	مملکت متحدہ
جماعت	لبرل ڈیموکریٹس پارٹی
عملی زندگی
مادر علمی	جامعہ لیڈز بریڈفورڈ یونیورسٹی
پیشہ	سیاست دان،  کاروباری شخصیت،  کمپنی منیجر
پیشہ ورانہ زبان	انگریزی
اعزازات
سی بی ای

زاہدہ پروین منظور کی پیدائش 25 مئی 1958 کو ہوئی۔وہ ایک برطانوی کاروباری شخصیت اور ہاؤس آف لارڈز کی کنزرویٹو ممبر ہیں۔

ابتدائی زندگی

زاہدہ منظور کی پیدائش پاکستان ، راولپنڈی میں نذیر احمد فوجی اور کاروباری شخصیت کے گھر ہوئی۔ جب وہ چار سال کی تھیں ان کے والدین انگلینڈ چلے گئے تھے وہ یونیورسٹی آف لیڈز (1983) میں تعلیم حاصل کرنے اور 1989 میں یونیورسٹی آف بریڈ فورڈ سے ایم اے کی ڈگری حاصل کرنے کے ساتھ ساتھ نرس بھی بن گئیں۔ وہ این ایچ ایس میں متعدد سینئر عہدوں پر فائز ہونے کے ساتھ ساتھ لیکچرر بھی ہیں

عوامی زندگی

1992 سے 1997 تک زاہدہ منظور نے نیشنل ہیلتھ سروس (این ایچ ایس) کے لیے آٹھ ریجنل چیئر مینوں میں سے ایک کی حیثیت سے تقرری سے پہلے بریڈ فورڈ ہیلتھ اتھارٹی کے چیئرمین کی حیثیت سے خدمات انجام دیں۔ اس کردار میں وہ NHS کے ناردرن اور یارکشائر ریجن کی ذمہ دار تھیں جس کا بجٹ 3.5 بلین ڈالر تھا اور اس کی آبادی 6.3 ملین تھی۔ انھوں نے 1997 سے 2001 تک اس عہدے پر فائز رہنے کے ساتھ ساتھ ، این ایچ ایس کے لیے پالیسی بورڈ کی ممبر کی حیثیت سے بھی خدمات انجام دیں۔

ہاؤس آف لاڈز

6 ستمبر 2013 کو ، انھیں بیرونس منظور کا خطاب دیا گیا۔ وہ اصل میں لبرل ڈیموکریٹ پیر کی حیثیت سے ہاؤس آف لارڈز میں شامل ہوگئیں۔ وہ غیر منسلک رکن بن گئیں ، انھوں نے سن 2016 میں لیب ڈیم وہپ سے استعفیٰ دے دیا تھا۔ 9 اکتوبر 2016 کو ، اعلان کیا گیا کہ انھوں نے کنزرویٹو پارٹی میں شمولیت اختیار کرلی ہے۔ ۔ 2018 میں ان کی گورنمنٹ وہپ کی حیثیت سے تقرری کی گئی لیکن مئی 2019 میں وہپ کی حیثیت سے انھوں نے استعفیٰ دیدیا۔

ذاتی زندگی

انھوں نے 1984 میں ڈاکٹر مدثر منظور سے شادی کی اور اس جوڑے کی دو بیٹیاں ہیں۔ زاہدہ منظورکے مشاغل مین نوادرات جمع کرنا، باغبانی ، مصوری اور تاریخی عمارتوں کے دورے شامل ہیں