سرخ چیل

جرمنی میں حالت پرواز میں سرخ چیل

سرخ چیل (Milvus milvus) شکاری پرندہ ہے جو خاندان Accipitridae سے تعلق رکھتا ہے جس میں عقاب، شکرا اور دستمل جیسے دیگر دن میں شکار کرنے والے پرندے بھی شامل ہیں۔ یہ نوع اس وقت صرف یورپ میں افزائش کرتی ہے گرچہ ماضی میں یہ مغربی ایشیا اور شمال مغربی افریقا میں بھی افزائش کرتی تھی۔ تاریخی طور پر یہ زیادہ تر مغربی یورپ اور شمال مغربی افریقا کے معتدل علاقوں میں مستقل رہتی تھی جبکہ شمالی یورپ کے بیشتر سرخ چیلیں سردیوں میں جنوب اور مغرب کی طرف ہجرت کرتی تھیں اور بعض مغربی ایشیا تک بھی پہنچ جاتی تھیں۔ تاہم اب شمالی علاقوں کے کئی پرندے سال بھر وہیں قیام کرنے لگے ہیں۔ کبھی کبھار یہ اپنی معمول کی حدود سے باہر بھی دیکھے گئے ہیں جیسے شمال میں فن لینڈ تک اور جنوب میں اسرائیل، لیبیا اور گیمبیا تک۔