سعد غامدی
| ||||
|---|---|---|---|---|
 | ||||
| معلومات شخصیت | ||||
| پیدائشی نام | (عربی میں: سعد بن سعيد بن سعد الغامدي) | |||
| اصل نام | سعد بن سعيد بن سعد الغامدي | |||
| پیدائش | 7 اگست 1967ء (59 سال) دمام | |||
| شہریت |  سعودی عرب | |||
| مذہب | اسلام | |||
| عملی زندگی | ||||
| مادر علمی | جامعہ الامام محمد بن سعود الاسلامیہ | |||
| پیشہ | امام ، قاری | |||
| مادری زبان | عربی | |||
| پیشہ ورانہ زبان | عربی [1] | |||
درستی - ترمیم  | ||||
سعد بن سعید غامدی (پیدائش: 7 اگست 1967ء / 1 جمادی الاولیٰ 1387ھ) سعودی عرب کے مشرقی علاقے سے تعلق رکھنے والے معروف امام اور قاریٔ قرآن ہیں۔ [2][3]
تعلیم
[ترمیم]انھوں نے اپنی ابتدائی سے اعلیٰ تعلیم تک تمام مراحل دمام شہر میں مکمل کیے۔ طالب علمی کے زمانے میں گرمیوں کے مراکز، حلقاتِ تحفیظ القرآن اور کتب خانوں میں سرگرم رہے، جہاں نوجوانوں کی صلاحیتوں خصوصاً قراءت اور دینی ذوق کو نکھارا جاتا تھا۔
انھوں نے 1405ھ میں ثانوی تعلیم کے دوران اناشید پڑھنا شروع کیں اور "الدمام الاول" اور "الدمام الثانی" کے نام سے کیسٹیں جاری کیں۔ ان کی مشہور اناشید میں "ملكنا هذه الدنيا قرونا" اور "غرباء" شامل ہیں۔ تاہم 1407ھ میں جامعہ میں داخلے کے بعد انھوں نے اناشید ترک کر دیں اور مکمل طور پر حفظِ قرآن کی طرف متوجہ ہو گئے۔ وہ 1410ھ میں جامعہ الإمام محمد بن سعود اسلاميہ (الاحساء کی کلیۃ الشریعہ) سے اصولِ دین میں فارغ التحصیل ہوئے اور اسی سال قرآنِ کریم مکمل حفظ کر لیا۔
قرآن اور امامت
[ترمیم]وہ شیخ مروان بن عبد الرحمن القادری کی تلاوت سے متاثر ہوئے، جو دمام کے جامع شیخ علی مجدوعی کے امام و خطیب تھے۔ 1411ھ میں انھوں نے پہلی بار نمازِ تراویح پڑھائی، جو ان کے قرآنی سفر کا باقاعدہ آغاز تھا۔ ان کی پہلی ریکارڈنگ میں سورۂ احزاب اور سورۂ زمر شامل تھیں۔
1417ھ میں انھوں نے روایتِ حفص عن عاصم کی باقاعدہ سند (اجازت) حاصل کی۔ وہ جامع یوسف بن احمد کانو (دمام) کے امام و خطیب رہے اور خلیجی ممالک کے علاوہ آسٹریا، امریکا اور برطانیہ میں بھی امامت کی سعادت حاصل کی۔ 1430ھ میں شاہی فرمان کے ذریعے انھیں مسجد نبوی میں نمازِ تراویح کے لیے امامِ مشارک مقرر کیا گیا۔
پیشہ ورانہ خدمات
[ترمیم]1411ھ تا 1415ھ تدریس کے شعبے میں خدمات انجام دیں۔
1416ھ میں اسلامیات کے نگران (تعلیمی سپروائزر) مقرر ہوئے۔
دمام میں مدارس محمد الفاتح کے جنرل سپروائزر۔
مرکز الامام الشاطبی للقرآن الکریم کے نگران۔
مرکز منار الہدیٰ (شرعی و تربیتی کورسز) کے نگران۔
جامع یوسف بن احمد کانو (دمام) کے امام و خطیب۔
دمام کی سماجی کمیٹی کے رکن۔
تصانیف و ریکارڈنگز
[ترمیم]قرآنِ کریم کا مکمل مرتل مصحف (1417ھ)
"هداية المرتاب في متشابه الكتاب" (امام علم الدین السخاوی کی منظوم ترتیب)
"ألفية العراقي" کی منظوم شکل
رسالہ: "إلى أهل القرآن"
الأذکار
الرقيہ الشرعيہ
متن الجزريہ اور متن تحفة الأطفال
شیخ سعد غامدی اپنی پُرسوز اور پُراثر تلاوت کے باعث عالمِ اسلام میں خاص شہرت رکھتے ہیں اور ان کی قراءت آج بھی دنیا بھر میں سنی جاتی ہے۔
حوالہ جات
[ترمیم]- ↑ مصنف: فرانس کا قومی کتب خانہ — عنوان : اوپن ڈیٹا پلیٹ فارم — بی این ایف - آئی ڈی: https://catalogue.bnf.fr/ark:/12148/cb14592810f — اخذ شدہ بتاریخ: 10 اکتوبر 2015
- ↑ "سعد الغامدي - القران الكريم على موقع السبيل"۔ ar.assabile.com۔ 2024-12-08 کو اصل سے آرکائیو کیا گیا۔ اخذ شدہ بتاریخ 2024-05-07
- ↑ "سعد الغامدي - القرآن الكريم تحميل و استماع"۔ tvquran.com۔ 2024-05-08 کو اصل سے آرکائیو کیا گیا۔ اخذ شدہ بتاریخ 2024-05-07