سلکشنا

سُلَکشَنا پنڈت
پیدائشی نام	Sulakshana Pratap Narain Pandit
معروفیت	Sulakshna Pandit
پیدائش	12 July 1954Mumbai, India
اصناف	پس پردہ گلوکار, performing artist
پیشے	گلوکاری, اداکار
سالہائے فعالیت	Singing: 1967–1996 Acting: 1975–1988

سُلَکشَنا پنڈت (انگریزی: Sulakshana Pandit) (12 جولائی 1954ء – 6 نومبر 2025ء ) ایک بھارتی فلمی اداکارہ تھیں۔

سلكشنا پرتاپ نارائن پنڈت کا تعلق موسیقی کے گھرانے سے تھا۔ ان کے والد پرتاپ نارائن پنڈت ایک کلاسیکل سنگر تھے اور مشہور کلاسیکل سنگر پنڈت جسراج ان کے چاچا ہیں۔ سلكشنا پنڈت نے نو سال کی عمر میں پہلا گانا گایا تھا۔1970اور 1980 کی دہائی کے سنہری دور میں سلکشنا نے محمد رفیع، کشور کمار اور مکیش جیسے عظیم گلوکاروں کے ساتھ متعدد گیت گائے، جو فلمی موسیقی کے کلاسک سمجھے جاتے ہیں۔ انھوں نے اداکاری کے میدان میں بھی اپنی صلاحیت منوائی اور الجھن، خاندان، اپناپن اور وقت کی دیوار جیسی مشہور فلموں میں اداکاری کے جوہر دکھائے۔

بطور اداکارہ انھوں نے اپنی پہلی فلم اداکار سنجیو کمار کے ساتھ کی تھی. فلم کا نام تھا اُلجھن. انھوں نے اپنے وقت کے ٹاپ موسٹ ہیروز کے ساتھ کام کیا. انھیں فلم سنکلپ میں ایک گانے ' تو ہی ساگر ہے تو ہی کنارہ ' کے لیے بیسٹ پلے بیک سنگر کا فلم فیئر ایوارڈ بھی ملا تھا۔

سلكشنا نے زیادہ تر فلمیں سنجیو کمار کے ساتھ کی تھیں اور وہ سنجیو سے بے پناہ محبت بھی کرنے لگی تھی مگر سنجیو کمار ہیما مالنی کو چاہتے تھے۔ ہیما نے سنجیو کے پروپوزل کو ٹھکرا کر اداکار دھرمیندر سے شادی کر لی, جس سے سنجیو کمار کا دل ٹوٹ گیا۔ سلكشنا نے کئی بار سنجیو سے کہا کہ چلو ہم شادی کرتے ہیں مگر سنجیو کبھی راضی نہیں ہوئے اور اس کی وجہ بھی سنجیو کمار نے گلزار کو بتائی تھی کہ اُنکے گھر کوئی بھی پچاس سال سے زیادہ زندہ نہیں رہتا, اس لیے وہ شادی کر کے کسی کو دکھ نہیں دینا چاہتے ہیں۔ اور ہوا بھی ایسا ہی, سنجیو کمار 47 سال کی عمر میں وفات پا گئے۔ اُنکی موت سے سلكشنا کو صدمہ پہنچا اور وہ ڈپریشن میں چلی گئی۔ اُنکی حالت دن بہ دن خراب ہوتی گئی۔ سب سے دکھ کی بات یہ ہے کہ مشہور سنگیت کار جوڑی جتین للیت جو سلكشنا کے بھائی ہیں، انھوں نے اپنی بہن کو کبھی موقع نہیں دیا۔ سلكشنا کے جیجا آدیش شریواستو جو خود ایک اچھے سنگیت کار تھے, ایک البم نکلنا چاہتے تھے مگر قسمت کی ستم ظرفی یہ ہوئی کہ آدیش کی کم عمری میں ہی وفات ہو گئی۔ آخری عمر میں سلكشنا کی گرنے کی وجہ سے ہپ بون ٹوٹ گئی۔

وفات

بھارتی گلوکارہ اور اداکارہ سلکشنا پنڈت 6 نومبر 2025ء کو 71 برس کی عمر میں طویل علالت کے بعد دل کا دورہ پڑنے سے انتقال کر گئیں۔

مزید دیکھیے

• بھارتی فلمی اداکارا ؤں کی فہرست
• بھارتی سنیما

حوالہ جات

 یہ ایک نامکمل مضمون ہے۔ آپ اس میں اضافہ کر کے ویکیپیڈیا کی مدد کر سکتے ہیں۔