سوئی سدرن گیس کمپنی کرکٹ ٹیم

آزاد دائرۃ المعارف، ویکیپیڈیا سے
Jump to navigation Jump to search

سوئی ساؤدرن گیس کمپنی کرکٹ ٹیم پاکستان کی کمپنی سوئی ساؤدرن گیس کمپنی کی فرسٹ کلاس کرکٹ ٹیم ہے، یہ ٹیم 2007-08 سے 2009-10 کی قائداعظم ٹرافی میں شرکت کر چکی ہے۔

میچوں کی تفصیل[ترمیم]

اس ٹیم کو 2006-07 میں غیر فرسٹ کلاس گریڈ۔2 کی پیٹرنز ٹرافی جیتنے کے بعد فرسٹ کلاس کرکٹ کھیلنے کا اجازت نامہ ملا۔[1]

2007-08 کی قائد اعظم ٹرافی میں یہ ٹیم ٹرافی میں شامل گیارہ ٹیموں میں ساتواں، 2008-09 میں نواں اور 2009-2010 میں دسواں درجہ حاصل کر سکی۔ انہوں نے 29 فرسٹ کلاس میچ کھیلے جن میں سے 3 جیتے، 11 ہارے اور 15 بے نتیجہ رہے۔

پاکستان میں جب فرسٹ کلاس کرکٹ کو دوبارہ متعارف کروایا گیا تو اس ٹیم کو فرسٹ کلاس کا درجہ نہ دیا گیا لیکن وہ پیڑنز ٹرافی میں محکمہ جاتی ٹیموں کے خلاف گریڈ۔2 کی کرکٹ کھیلتی رہی۔[2] اس ٹیم نے 2013-14 میں یہ مقابلہ جیتا۔[3]

مشہور کھلاڑی[ترمیم]

واپڈا کرکٹ ٹیم کے خلاف 2007-08 میں سہیل خان نے 189 سکور دے کر 16 وکٹیں حاصل کیں۔[4] <یہ پہلا موقع تھا کہ کسی بھی پاکستانی کھلاڑی نے ایک میچ میں 16 وکٹیں حاصل کی ہوں۔[5] 2007-08 میں سہیل خان نے 18.41 کی اوسط سے 65 وکٹیں حاصل کر کے بہترین کارکردگی کا مظاہرہ کیا۔[6] سوئی ساؤدرن گیس کے پہلے میچ میں جو سہیل خان کا بھی پہلا فرسٹ کلاس میچ تھا، سہیل خان نے میچ کی دونوں اننگز میں پانچ پانچ وکٹیں حاصل کیں۔[7]

اس ٹیم کے کپتان سعید بن ناصر رہے ہیں جو اس ٹیم میں سب سے زیادہ سکور بنانے والے کھلاڑی بھی ہیں۔ انہوں نے سات سنچریوں کے ساتھ 43.62 کی اوسط سے 1876 دوڑیں بنا رکھی ہیں۔[8]

حوالہ جات[ترمیم]

بیرونی روابط[ترمیم]

  • کرکٹ آرکائیو پر سوئی ساؤدرن گیس کمپنی کرکٹ ٹیم کے میچوں کی تفصیل