سکندر علی وجد
سکندر علی وجد | |
---|---|
پیدائش | 1914 اورنگ آباد |
وفات | 1983 اورنگ آباد |
قلمی نام | وجد |
پیشہ | Poet |
قومیت | بھارتی |
اصناف | غزل |
سکندر علی وجد مہاراشٹر کے شہر اورنگ آباد کے ایک باصلاحیت اردو شاعر تھے۔ انھیں غزل گوئی اور نظموں پر یکساں مہارت حاصل تھی۔
پیدائش[ترمیم]
سکندر علی وجد کی پیدائش 22 جنوری 1914ء کو ہندوستان کے شہر اورنگ آباد میں ہوئی جو اب صوبہ مہاراشٹر کا حصہ ہے۔
سول سروسز[ترمیم]
1935ء میں حیدرآباد سول سروسز کے لیے ان کا انتخاب ہوا۔ بعد ازاں وہ جوڈیشیل سروسز میں بحیثیت منصف مجسٹریٹ مقرر ہوئے۔ ریٹائرمنٹ کے بعد سیشن جج ہو گئے۔ سنہ 1972ء میں صوبہ مہاراشٹر سے راجیہ سبھا کے لیے بھی منتخب ہوئے
ادبی سفر[ترمیم]
سکندر علی انجمن ترقی اردو کے صدر تھے۔ حکومت مہاراشٹر نے انھیں سنہ 1970ء میں ادبی خدمات کے لیے پدم شری اعزاز سے نوازا۔ پنڈت جواہر لعل نہرو نے ان کے تیسرے مجموعے "اوراق مصور" کا اجرا کیا۔ اس سے قبل ان کے شعری مجموعے "لہو ترنگ"، "آفتاب تازہ" اور "بیاض مریاں" بالترتیب 1944ء، 1952ء اور 1974ء میں شائع ہوئے۔ انھیں اردو، فارسی اور انگریزی زبانوں میں یکساں قدرت حاصل تھی۔ قدرت نے انھیں خوبصورت آواز سے بھی نوازا تھا۔ جب بھی وہ اپنی نظم یا غزل گنگناتے تو سامعین محو ہو جاتے۔ ان کی نظموں اجنتا، ایلورا، تاج محل اور کاروان زندگی بہت مشہور ہیں۔
وفات[ترمیم]
16 جون 1983ء کو اورنگ آباد ہی میں ان کی وفات ہوئی۔
باقیات[ترمیم]
اورنگ آباد کا سکندر علی وجد میموریل ٹرسٹ شہر میں ادبی و ثقاتفی خدمات اور ان کے فروغ کے لیے خاصا مشہور ہے۔ نیز ان کی یاد میں ٹاؤن ہال کے نزدیک ایک آڈیٹوریم بھی بنایا گیا۔ ان کی اہلیہ جبلی پارک، اورنگ آباد میں رہتی ہیں۔
- 1914ء کی پیدائشیں
- 1983ء کی وفیات
- ادب اور تعلیم کے شعبے میں پدم شری وصول کنندگان
- اورنگ آباد (مہاراشٹر) کی شخصیات
- بیسویں صدی کے بھارتی شعرا
- بیسویں صدی کے بھارتی مرد مصنفین
- بیسویں صدی کے مرد مصنفین
- بھارتی اردو شعرا
- بھارتی مرد شعرا
- بھارتی مسلم شخصیات
- مہاراشٹر سے راجیہ سبھا کے ارکان
- مہاراشٹر کے شعرا
- بیسویں صدی کے ہندوستانی مسلمان