ضحاک بن سفیان

آزاد دائرۃ المعارف، ویکیپیڈیا سے
(سیاف رسول سے رجوع مکرر)
Jump to navigation Jump to search

ضحاک بن سفیانرسول اللہﷺ کے صحابی جنہیں سیاف رسول بھی کہا جاتا ہے۔

نام ونسب[ترمیم]

ضحاک نام، ابو سعد کنیت،"سیاف رسول"لقب، نسب نامہ یہ ہے،ضحاک بن سفیان ابن عوف کعب بن ابی بکر بن کلاب بن ربیعہ بن عامر بن صعصعہ عامری کلابی، مدینہ کے قریب بادیہ میں رہتے تھے۔

اسلام و غزوات[ترمیم]

فتح مکہ سے پہلے مشرف باسلام ہوئے،آنحضرتﷺ نے انہیں ان کے قبیلہ کے نو مسلموں کا امیر بنایا،فتح مکہ میں جب تمام مسلم قبائل جمع ہوئے تو ان کا قبیلہ بھی900کی جمعیت کے ساتھ آیا، آنحضرتﷺ نے قبیلہ والوں سے مخاطب ہوکر فرمایا تم میں کوئی ایسا شخص ہے جو تمہاری جماعت کو ہزار کے برابر کر دے،یہ کہہ کر ضحاک کو شرفِ امارت عطافرمایا۔ [1]

سریۂ بنی کلاب[ترمیم]

ضحاک نہایت شجاع وبہادر تھے،اس لیے اہم امور کے لیے انکا انتخاب ہوتا تھا؛چنانچہ میں آنحضرتﷺ نے دعوتِ اسلام کے سلسلہ میں ان کے قبیلہ بنی کلاب کی طرف جو سریہ روانہ فرمایا تھا، وہ ضحاک ہی کی ماتحتی میں گیا تھا۔[2]

سیاف رسول لقب[ترمیم]

غزوات کے علاوہ بھی وہ ذات نبویﷺ کی حفاظت کی خدمت انجام دیا کرتے تھے اور بعض مواقع پر وہ شمشیر برہنہ آپ کی پشت پر کھڑے ہوتے تھے،اس صلہ میں بارگاہِ رسالت سے "سیاف رسول" کا معزز لقب ملا تھا۔[3]

حوالہ جات[ترمیم]

  1. اسدالغابہ:3/36
  2. ابن سعد حصہ مغازی:117
  3. استیعاب:1/336