سیما راؤ

Seema Rao
پیدائش	ممبئی
ویب سائٹ	http://www.commandocombat.com

ڈاکٹر سیما راؤ بھارت کی پہلی خاتون کمانڈو تربیت کنندہ ہیں جنھوں نے بھارتی خصوصی فوجی اکائیوں کو بغیر کوئی معاوضہ لیے 18 سال تک تربیت دی۔ وہ کلوز کوارٹر بیاٹل - جو قریب سے جنگ کرنے کا ایک فن ہے، اس میں سرفہرست رہی ہیں اور مختلف بھارتی مسلح دستوں کو تربیت دینے میں وہ لگی ہیں۔ ان کے کام میں میجر دیپک راؤ، نے اپنی شرکت ادا کی تھی، جنہیں بھارتی صدر نے صدارتی تمغے سے نوازا تھا۔

تعلیم

سیما کے والد پروفیسر رماکانت سیناری بھارت کے ایک مجاہد آزادی تھے۔ وہ بچپن سے وطن کی خدمت کا جذبہ رکھتی تھی۔ طبی تعلیم حاصل کر کے وہ روایتی ادویہ کا تصدیق نامہ حاصل کر چکی تھی۔ سیما نے بُحران کے نظم (crisis management) میں ایم بی اے بھی کیا۔ اپنے شوہر میجر دیپک راؤ کی شراکت سے وہ 15,000 فوجیوں کو کلوز کوارٹر بیاٹل میں تربیت دے چکی ہے۔

سیما نے اسکائی ڈائیونگ میں بھارتی فضائیہ کی طرف پیرا وینگس کی سند حاصل کر چکی ہے۔ وہ لڑائی کے دوران گولی باری کی ہدایت (combat shooting instructor ) کے فرائض انجام دیتی ہے، فوجی کوہکنی انسٹی ٹیوٹ ایچ ایم آئی کا تمغائے حسن کارکردگی رکھتی ہے اور فوجی فنون سپہ گری میں 7 ویں درجے کا سیاہ بیلٹ رکھتی ہے۔ وہ ان گنے چنے لوگوں میں سے ہے جو جیت کونے دو کا درس دینے کا مجاز رکھتے ہیں۔ وہ مسز انڈیا عالمی مقابلہ حسن کے فائنل شرکاء میں سے ایک رہ چکی ہیں۔ فوجی لڑائی میں مہارت کی ایک وجہ یہ بھی ہے کہ وہ رچرڈ بوسٹیلو سے راست تعلیم حاصل کر چکی ہے جو بروس لی کے فن جیت کونے دو کے راست شاگردوں میں سے ایک تھے۔

سیما کو بھارت کی اولین خاتون کمانڈو تربیت کنندہ کہا جاتا ہے۔ وہ کئی خاتون کی حفاظت پر مضامین لکھ چکی ہے۔

لڑائی کی جدیدکاری کا کام

سیما لڑائی کی گولی باری کی جدید کاری میں معاون رہی ہیں اور گولی باری کا ایک نیا طریقہ ایجاد کر چکی ہیں جسے راؤ نظام عکاسی گولہ اندازی (The Rao System of Reflex Fire) کہا جا رہا ہے۔—کلوز کوارٹر بیاٹل کا ایک نیا طریقہ ایجاد کیا گیا ہے، جو پیٹینٹ کیا گیا ہے اور آزمائشوں سے پتہ چلا ہے کہ یہ روایتی گولی باری سے بہتر ہے۔ کافی تجزیوں کے بعد اس طریقے کو متعلقہ بھارتی فوجی کمانوں میں شامل کیا گیا ہے، جس کا کہ انھیں کریڈٹ بھی دیا گیا ہے اور تین فوجی کمانڈر حوالے/اعزاز بھی ان کو اور ان کے شوہر دیپک راؤ کو دیے گئے ہیں۔

دونوں راؤ مشترکہ طور پر تین سربراہ افواج کے حوالے / اعزاز اپنے 18 سال کے تعاون کے لیے حاصل کیے ہیں جس میں 15,000 فوجیوں کی سی کیوبی میں تربیت شامل ہے۔ ان لوگوں نے ہر ایلیٹ بھارتی فوجی دستے کی تربیت کی ہے، جن میں بھارتی نیم فوجی خصوصی دستے، کمانڈو وینگز، کارپ بیاٹل اسکول، اکیڈیمک اور رجمنٹ سنٹر، بحریہ کے مارکوز، بحری کمانڈوز، این ایس جی بلیک کیاٹ، ایرفورس گروڈ، آئی ٹی بی پی، پیراملٹری اور پولیس اکائیاں شامل ہیں۔ یہ دونوں نیشنل پولیس اکیڈمی، آرمی آفیسرس ٹریننگ اکیڈمی وغیرہ کے مہمان لیکچررس بھی رہے ہیں۔ سیما کئی دور دراز کے مقامات پر بھی کام کرتی ہے، جس کے لیے وہ اپنی نجی زندگی کو بالائے طاق رکھ چکی ہے۔

انعامات و اعزازات

سابق وزیر داخلہ پی چدامبرم نے راؤ اور دیپک راؤ کو وزارت داخلہ میں سبھی سی کیو بی ریاستی پولیس کو بلامعاوضہ تربیت کے ماخذ کے طور پر منظوری دے دی تھی۔ ان میں سے 16 ریاستوں کی ضرورتوں کو پورا کیا گیا ہے۔ سیما کو وہ رتبہ نہیں مل سکا جو بھارت کے صدر نے میجر دیپک راؤ کو عطا کیا تھا، کیونکہ اس کی گنجائش نہیں تھی، تاہم اس نے بہ رضا و خوشی کی صورت حال کو قبول کیا۔ سیما کئی انعامات حاصل کر چکی ہے — ملائیشیا کی ورلڈ پیس کانگریس کی جانب سے عالمی امن انعام، جسے وہاں وزیر اعظم نے اپنے 2008ء میں دیا، ریاستہائے متحدہ امریکا کا پریزی ڈینشیل سرویس ایوارڈ، تین فوجی حوالے / اعزازات، بھارت کے وزارت داخلہ کا 2009ء میں توصیفی خط جس میں خدمت قوم کے لیے کلوز کواٹر بیاٹل تربیت کی تعریف کی گئی ہے، بھارت سرکار کی جانب سے تقریبًا 1000 تعریفی خط وغیرہ شامل ہیں۔ ان سب کے باوجود وہ ایک کامیاب عورت کی بجائے کم ہی منظر پر آنے والی عورت بننا چاہتی ہے۔

مصنف

سیما نے فوجی مڈبھیڑ کی تربیت کا دنیا میں اپنی نوعیت کا دائرۃ المعارف پہلی بار متعارف کیا جس کا عنوان Encyclopedia of Close Combat Ops۔ یہ بطور خاص بھارتی افواج کے لیے لکھا گیا تھا۔ اس کے علاوہ سیما نے عالمی دہشت گردی پر ایک کتاب A Comprehensive Analysis of World Terrorism لکھی۔ مڈبھیڑ لڑائی پر وپ ایک کتاب Commando Manual of Unarmed Combat بھی لکھ چکی ہیں۔ سیما کی کتابیں انٹرپول، اقوام متحدہ، عالمی پولیس اداروں وغیرہ کی جانب سے پسندیدگی کی نظروں سے دیکھے گئے۔ وہ اب تک 8 عناوین پر کتابیں لکھ چکی ہیں:

Book Title	ISBN
Handbook of World Terrorism	978-93-313-1779-7
The Art of Success	978-93-313-1699-8
Mind Range	978-81-907765-1-6
Terrorism: A Comprehensive Analysis of World Terrorism	81-7648-527-6
Encyclopedia of Close Combat Ops.	978-81-907765-0-9
Commando Manual of Unarmed Combat	978-81-907765-9-2
What is this thing you do? In Cantonese, Jeet Kune Do!	978-81-907765-7-8
King Sperm	978-81-907765-2-3