شاہ عباس سوم

شاہ عباس سوم
(فارسی میں: شاه عباس سوم‎)
معلومات شخصیت
تاریخ پیدائش	دسمبر 1732
وفات	جنوری 1740 (7–8 سال)  سبزوار
شہریت	ایران
والد	طہماسپ دؤم
خاندان	صفوی خاندان
مناصب
شہنشاہ فارس
برسر عہدہ 7 ستمبر 1732  – 8 مارچ 1736
طہماسپ دؤم  نادر شاہ
دیگر معلومات
پیشہ	سیاست دان

شاہ عباس سوم (پیدائش: جنوری 1732ء – وفات: فروری 1740ء) صفوی سلطنت کا آخری حکمران تھا جو نادر شاہ کے زیر اثر کٹھ پتلی حکمران رہا۔ وہ شاہ طہماسپ دؤم کا بیٹا تھا۔

سوانح

شاہ عباس کی پیدائش ماہِ جنوری 1732ء میں ہوئی۔ شاہ عباس کے والد شاہ طہماسپ دؤم اور والدہ شاہپوری بیگم تھیں۔ نادر شاہ نے 1732ء میں جب شاہ طہماسپ دؤم کو تخت و تاج سے معزول کرتے ہوئے الگ کر دیا تو شاہ عباس کو محض تخت ایران کا نمائندہ بادشاہ بنایا گیا۔ شاہ عباس کی رسمی تخت نشینی 7 ستمبر 1732ء کو کی گئی۔1732ء سے 1736ء تک نادر شاہ خود تمام اختیارات سمیٹے فارس پر حکومت کرتا رہا اور رسمی طور پر شاہ عباس کو تخت نشیں رکھا گیا۔ چند سال تک شاہ عباس رسمی طور پر شہنشاہ ایران رہا۔ مارچ 1736ء میں نادر شاہ نے شاہ عباس کو معزول کرکے بیہق اُس کے والد کے پاس جیل بھیج دیا۔ مارچ 1736ء میں نادر شاہ شہنشاہ ایران بن گیا اور فارس سے صفوی سلطنت کا خاتمہ ہو گیا۔

وفات

فروری 1740ء میں نادر شاہ کے حکم سے شاہ عباس کو قتل کر دیا گیا۔

مزید دیکھیے

• صفوی سلطنت
• فہرست شاہان صفوی

حوالہ جات

ماقبل  شاہ طہماسپ دؤم	شہنشاہ ایران 16 اپریل 1732ء– 22 جنوری 1736ء	مابعد  نادر شاہ
ماقبل  شاہ طہماسپ دؤم	سربراہ صفوی سلطنت 1732–1736	مابعد  شاہ سلیمان دؤم