شعبۃ الریہ
قصبی نالی یا شعبۃ الریہ یا شعبہ (bronchus) سے مراد پھیپھڑوں میں پائی جانے والی ان مخصوص نالیوں کی ہوتی ہے کہ جو ہوا کو قصبۃ الریہ سے شعیبات (bronchioli) تک پہنچاتی ہیں ؛ ان میں کسی قسم کا تبادلۂ غازات رونما نہیں ہوتا بلکہ یہ صرف راستہ فراھم کرنے کا کام انجام دیتی ہیں۔ ان کی جمع شعبات / شعبتین (bronchi) کی جاتی ہے۔ ان کی تشکیل گویا ایسے ہوتی ہے کہ جیسے کسی درخت کے تنے سے شاخیں اور پھر ذیلی شاخیں نکلتی ہیں۔ ہوائی راستے کا یہ درخت حلق سے شروع ہوتا ہے اور ایک نالی کی صورت میں نیچے کی جانب بڑھ کر زاویہ قص (sternal angle) تک آنے کے بعد دو شاخوں میں بٹ جاتا ہے جن میں سے ہر ایک دائیں اور بائیں جانب کے پھیپھڑے میں داخل ہو جاتی ہے انہی کو شعبات یا bronchi کہتے ہیں۔
