شینا بورا قتل معاملہ

آزاد دائرۃ المعارف، ویکیپیڈیا سے


شینا بورا
शीना बोरा
معلومات شخصیت
پیدائش 11 فروری 1989(1989-02-11)
گوہاٹی، بھارت
وفات اپریل 24، 2012(2012-40-24) (عمر  23 سال)
ممبئی
تاريخ غائب اپریل 24, 2012 (عمر 23)
طرز وفات قتل  ویکی ڈیٹا پر (P1196) کی خاصیت میں تبدیلی کریں
مقامِ غائب باندرہ، ممبئی، بھارت
غائب کیفیت مردہ
دریافت نعش پین، بھارت، رائے گڑ ضلع
رہائش ممبئی
قومیت  بھارت
آبائی علاقے گوہاٹی، بھارت
مذہب ہندو مت
ساتھی Rahul Mukerjea
والدین Siddhartha Das
(Biological father, disputed)
Indrani Mukerjea (Mother)
عملی زندگی
تعليم فاضل الفنیات
مادر علمی St. Xavier's College
پیشہ کاروباری شخصیت  ویکی ڈیٹا پر (P106) کی خاصیت میں تبدیلی کریں
نوکریاں Mumbai Metro One
Reliance Infrastructure

شینا بورا ممبئی میں واقع ممبئی میٹرو ون کی ملازمہ اور میڈیا ایگزیکیٹیو اندرانی مکرجی کی بیٹی تھی۔ اگست 2015 میں ممبئی پولیس نے شینا کی ماں اندرانی مکرجی، سوتیلے باپ سنجیو کھنا اور اس کی ماں کے ڈرائیور شیاموار پنتورام رائے (شیام رائے) کو اس الزام میں گرفتار کیا کہ ان لوگوں نے شینا کا قتل کرکے اس کے مردہ جسم کو جلا دیا۔[1][2][3][4][5]

پچپن، خاندان اور گمشدگی[ترمیم]

1989ء میں شینا بورا، اندرانی مکرجی کے گھر کلکتہ میں پیدا ہوئی۔ 1992ء میں شینا کی ماں اپنے شوہر سے علاحدہ ہو کر گوہاٹی چلی گئی اور اپنے دونوں بچوں (شینا اور مکھالی) کو اپنے والدین اپیندر کمار اور درگا رانی کے پاس چھوڑ دیا۔ بعد ازاں شینا اور اس کا بھائی اپنے نانیہال میں پرورش پاتے رہے، اسی اثناء میں شینا کی ماں اندرانی مکرجی نے سنجیو کھنا سے دوسری (یا تیسری) شادی کرلی، جس سے ان دونوں کے یہاں ایک لڑکی ودھی کھنا پیدا ہوئی۔ 2002ء میں اندرانی اور سنجیو کھنا کی علیحدگی ہو گئی اور ودھی کھنا کی کفالت کے معاملہ میں زبردست لڑائی ہوئی، بالآخر سنجیو کھنا کی فتح ہوئی اور ودھی برطانیہ منتقل ہو گئی۔

2002ء میں اندرانی مکرجی اور پیٹر مکرجی کی شادی کے بعد ودھی کو قانونی طور پر پیٹر نے حاصل کر لیا۔[1] 2006ء میں شینا بورا ممبئی واپس ہوئی، جہاں اندرانی مکرجی نے سب کے سامنے (بشمول اپنے شوہر پیٹر مکرجی) اس کو اپنی چھوٹی بہن کے طور پر متعارف کرایا۔[6][7] پیٹر مکرجی نے سینٹ زیویئرز کالج میں داخلہ لینے کے میں شینا کی مدد کی، جہاں سے شینا نے بی اے کی ڈگری حاصل کی (2006-2009)۔ 2009ء میں شینا نے ریلائنس انفراسٹرکچر میں بطور مینیجمنٹ ٹرینی داخل ہوئی۔ جون 2011 میں شینا کا ممبئی میٹرو ون پرائیویٹ لمیٹڈ میں بطور معاون مینیجر تقرر ہوا۔[8][9][10]

ممبئی کے ابتدائی ایام کے دوران شینا کا راہل مکرجی (پیٹر مکرجی کا بیٹا) سے تعارف ہوا جو بڑھتے بڑھتے رومانی تعلقات تک پہنچ گیا۔ مبینہ طور پر اندرانی مکرجی دونوں کے درمیان اس قسم کے تعلقات کو کبھی تسلیم نہیں کیا۔ 24 اپریل 2012ء کو شینا نے چھٹی لی اور چھٹی کے دوران ہی اس نے اپنا استعفاء نامہ روانہ کر دیا۔[10] اسی دن راہل مکرجی کو شینا کے موبائل نمبر سے قطع تعلق کا ایس ایم ایس موصول ہو۔[11] اندرانی مکرجی کا کہنا تھا کہ شینا اعلی تعلیم کے لیے امریکہ گئی ہے اور اسی بنا پر اس کی گمشدگی کی شکایت کبھی درج نہیں کرائی گئی۔[2][12][13] 24 اپریل 2012ء کے بعد سے شینا کبھی نظر نہیں آئی۔

قتل[ترمیم]

23 مئی 2012 کو پولس افسران نے گاگوڑے، پین تحصیل مہاراشٹرا میں ایک لاش دریافت کی جس پر بعد میں شینا بورا کی لاش کا شک ہوا۔

اگست 2015ء میں ممبئی پولیس کو شک ہوا کہ 24 اپریل 2012ء کو اندرانی مکرجی نے اپنے سابقہ شوہر سنجیو کھنا اور ڈرائیور شیام رائے کی مدد سے شینا کا قتل کر دیا تھا۔[14]

25 اگست 2015ء کو ممبئی پولیس نے اندرانی مکرجی کو گرفتار کر لیا۔[15] اندرانی مکرجی کو تعزیرات ہند کی دفعہ 302 (قتل)، دفعہ 201 (شہادت کی گمشدگی کا سبب بننا) اور دفعہ 34 (مجرمانہ سازش) کے تحت قید ہوئی۔ اندرانی کو باندرہ میٹوپولیٹن مجسٹریٹ عدالت کے سامنے پیش کیا گیا جہاں اسے 31 اگست 2015ء تک پولیس تحویل میں رکھنے کا حکم ہوا۔[16][17]

26 اگست 2015ء کو اندرانی کا سابقہ سنجیو کھنا کولکاتا میں گرفتار ہوا اور تعزیرات ہند کی دفعہ 364 (اغوا)، دفعہ 302 (قتل)، دفعہ 201 (شہادت کی گمشدگی کا سبب بننا) اور دفعہ 120-B (سازش) تحت قید ہوئی۔ ان دفعات کے ساتھ ساتھ دفعہ 307 (قتل کی کوشش) بھی لگائی گئی، کیونکہ اس نے مکھالی کے قتل کی سازش تیار کی تھی (جو مشروب میں خواب آور دوا ملا کر دیے جانے کے بعد فرار ہو گیا تھا)۔ 28 اگست 2015 کو اسے 31 اگست 2015ء تک پولیس تحویل میں دے دیا گیا۔[18]

حوالہ جات[ترمیم]

  1. ^ ا ب "Who's who"۔ ہف پوسٹ۔ اخذ شدہ بتاریخ Aug 2015 
  2. ^ ا ب "Sheena Bora murder saga"۔ فرسٹ پوسٹ۔ اخذ شدہ بتاریخ Aug 2015 
  3. "Sheena Bora murder: Cast and plot of a real-life soap opera"۔ The Hindu۔ اخذ شدہ بتاریخ Aug 2015 
  4. "Sheena and Rahul relationship"۔ Hindustan Times۔ 30 اگست 2015 میں اصل سے آرکائیو شدہ۔ اخذ شدہ بتاریخ Aug 2015 
  5. "Sheena Bora killed in Mumbai bylane"۔ Hindustan Times۔ 30 اگست 2015 میں اصل سے آرکائیو شدہ۔ اخذ شدہ بتاریخ Aug 2015 
  6. "Sheena murder gets murkier"۔ Business Standard۔ اخذ شدہ بتاریخ Aug 2015 
  7. "Sister or daughter"۔ فرسٹ پوسٹ۔ اخذ شدہ بتاریخ Aug 2015 
  8. "Peter Mukerjea interview"۔ انڈیا ٹوڈے۔ اخذ شدہ بتاریخ Aug 2015 
  9. "Sanjeev Khanna highly connected man"۔ دی انڈین ایکسپریس۔ اخذ شدہ بتاریخ Aug 2015 
  10. ^ ا ب "Indrani kept her daughter on leash"۔ Hindustan Times۔ 28 اگست 2015 میں اصل سے آرکائیو شدہ۔ اخذ شدہ بتاریخ Aug 2015 
  11. "Red tape prevented Rahul Mukerjea from filing FIR"۔ Hindustan Times۔ 30 اگست 2015 میں اصل سے آرکائیو شدہ۔ اخذ شدہ بتاریخ Aug 2015 
  12. "Sheena Bora's passport found"۔ دی انڈین ایکسپریس۔ اخذ شدہ بتاریخ Aug 2015 
  13. "New passport claim"۔ انڈیا ٹوڈے۔ اخذ شدہ بتاریخ Aug 2015 
  14. V Narayan (26 Aug 2015)۔ "Sheena Bora killed by Indrani, ex-husband, driver, Mumbai police commissioner Rakesh Maria says"۔ Times of India۔ 25 دسمبر 2018 میں اصل سے آرکائیو شدہ۔ اخذ شدہ بتاریخ 26 اگست 2015 
  15. "TV top gun's wife held in murder case"۔ The Telegraph۔ 26 Aug 2015۔ اخذ شدہ بتاریخ 26 اگست 2015 
  16. Ahmed Ali (25 Aug 2015)۔ "TV honcho Peter Mukerjea's wife Indrani arrested on murder charges by Mumbai Police"۔ Times of India۔ 25 دسمبر 2018 میں اصل سے آرکائیو شدہ۔ اخذ شدہ بتاریخ 26 اگست 2015 
  17. Deepshikha Ghosh (26 Aug 2015)۔ "Sheena Bora Was Dating My Son, Says TV Mogul Peter Mukerjea"۔ NDTV۔ 25 دسمبر 2018 میں اصل سے آرکائیو شدہ۔ اخذ شدہ بتاریخ 26 اگست 2015 
  18. "Sheena Bora murder case: Indrani's ex-husband Sanjeev Khanna remanded in Mumbai police custody"۔ Press Trust of India۔ Indian Express۔ 28 Aug 2015۔ 25 دسمبر 2018 میں اصل سے آرکائیو شدہ۔ اخذ شدہ بتاریخ 28 اگست 2015