صاحبزادہ یعقوب خان

صاحبزادہ یعقوب خان
(اردو میں: صاحبزادہ یعقوب خان)
معلومات شخصیت
پیدائش	23 دسمبر 1920ء   رام پور
وفات	26 جنوری 2016ء (96 سال)  اسلام آباد
شہریت	پاکستان برطانوی ہند
جماعت	پاکستان پیپلز پارٹی
مناصب
وزیر خارجہ پاکستان
برسر عہدہ 21 مارچ 1982  – 20 مارچ 1991
آغا شاہی   عبدالستار
وزیر خارجہ پاکستان
برسر عہدہ 9 جون 1988  – 20 مارچ 1991
خصوصی نمائندہ برائے سیکرٹری جنرل اقوام متحدہ برائے مغربی صحارا
برسر عہدہ 23 مارچ 1992  – اگست 1995
وزیر خارجہ پاکستان
برسر عہدہ 11 نومبر 1996  – 24 فروری 1997
آصف احمد علی   گوہر ایوب خان
عملی زندگی
مادر علمی	راسٹریہ انڈین ملٹری کالج ہندوستانی فوجی اکادمی
پیشہ	سفارت کار ،  جنگ مخالف کارکن ،  سیاست دان ،  وکیل ،  ماہرِ لسانیات ،  فوجی افسر ،  مترجم
مادری زبان	اردو
پیشہ ورانہ زبان	انگریزی ،  جرمن ،  اردو
ملازمت	اقوام متحدہ
عسکری خدمات
عہدہ	لیفٹیننٹ جنرل

(لیفٹیننٹ جنرل (ر) صاحبزادہ یعقوب خان (پیدائش: 23 دسمبر 1920ء) برطانوی ہندوستان کے شہر رام پور میں پیدا ہوئے۔ وہ 1982ء سے 1991ء تک پاکستان کے وزیر خارجہ رہے۔ انھوں نے مشرقی پاکستان کے گورنر اور امریکا کے لیے پاکستانی سفیر کے طور پر بھی خدمات انجام دیں۔

وہ 1940 سے 1971 فوجی سروس میں رہے ۔ قیام پاکستان کے فوری بعد قائد اعظم کے باڈی گارڈ دستے کے سربراہ مقرر ہوئے، سن 1951 میں ملٹری انٹیلیجنس اور بعد ازاں آئی ایس آئی میں خدمات انجام دیں، پھر کمانڈ اینڈ سٹاف کالج کوئٹہ کے چیف انسٹرکٹر اور بعد ازاں کمانڈنٹ مقرر ہوئے، پاکستان کے فرسٹ آرمرڈ ڈویژن کی سربراہی کی، جنگ ستمبر 1965 میں آرمرڈ کور کی سربراہی کی، جی ایچ کیو میں چیف او جنرل سٹاف رہے، مشرقی پاکستان کے کمانڈ انچیف رہے ۔

1971 میں صرف 51 برس کی عمر میں فوج چھوڑ کر وزارت خارجہ میں آئے تو صدر پاکستان ذو الفقار علی بھٹو نے 1972 میں انھیں فرانس میں سفیر مقرر کر دیا۔ اگلے برس انھیں امریکا میں سفیر تعینات کیا گیا جہاں وہ بھٹو حکومت کے خاتمے کے بعد تک یعنی 1979 تک خدمات انجام دیتے رہے۔ جنرل ضیا نے 1979 میں انھیں سوویت یونین میں سفیر مقرر کیا اور 1982 میں آغا شاہی کی سبکدوشی کے بعد انھیں وزیر خارجہ کا عہدہ دیا گیا جس پر وہ 20 مارچ 1991 تک کام کرتے رہے۔

انھوں نے پاکستان کی تاریخ اہم ترین مواقع پر سفیر اور وزیر خارجہ کی حیثیت سے پاکستان کی نمائندگی کی ۔ وہ بھٹو، ضیاء، جونیجو، بے نظیر اور نواز شریف کے ادوار میں اہم ترین عہدوں پر فائز رہے۔ انھیں اردو کے علاوہ بنگالی، فارسی، انگریزی، جرمن، اطالوی، روسی اور فرانسیسی سمیت سات سے زیادہ زبانوں پر عبور حاصل تھا اور وزارت خارجہ میں انھوں نے اس کا بھرپور فائدہ اٹھایا۔

بیرونی روابط

• یعقوب خان – (دی فرائیڈے ٹائمز)آرکائیو شدہ بذریعہ newagebd.com
• SYK: با وصف انسان سوانح حیات بقلم . عباس رضا
• سوانحی خاکہ بقلم محمد ظفرآرکائیو شدہ بذریعہ defencejournal.com
• میجر جنرل صاحبزادہ یعقوب خان (PA 136)آرکائیو شدہ بذریعہ profile-bengal.com

فوجی دفاتر
ماقبل  شیر بہادر	رئیسِ عملۂ جامع 1966 – 1969	مابعد  گل حسن خان
سیاسی عہدے
ماقبل  مظفرالدین	مارشل لا ایڈمنسٹریٹر, زون بی (مشرقی پاکستان) 1969 – 1971	مابعد  ٹکہ خان
ماقبل  مظفرالدین	گورنر مشرقی پاکستان 1969	مابعد  سید محمد احسن
ماقبل  سید محمد احسن	گورنر مشرقی پاکستان 1971	مابعد  ٹکہ خان
ماقبل  آغا شاہی	وزیر خارجہ پاکستان 1982 – 1991	مابعد  عبدالستار
ماقبل  آصف احمد علی	وزیر خارجہ پاکستان (نگران) 1996 – 1997	مابعد  گوہر ایوب خان
سفارتی عہدے
ماقبل  سلطان محمد خان	سفیر پاکستان برائے امریکا 1973 – 1979	مابعد  سلطان محمد خان