صارف:Khaatir

فیسمین اور عافی ویکیپیڈیا پر میرے مشفقین میں سے ہیں ۔ ان سے میں نے بہت استفاده کیا ہے ۔

آج

پير
23 ذوالحجہ 1442 ھ

---

2 اگست 2021 ء

---

11 مرداد 1400 ھ ش

”

اردو ویکیپیڈیا میں اس وقت 164,500 مضامین موجود ہیں

“

	اس صارف کو اپنے بھارتی ہونے پر فخر ہے۔

	یہ صارف اردو ویکیپیڈیا پر آسان اردو کے استعمال کی حمایت کرتا ہے۔

صارف برقی خط کے لئے جی میل استعمال کرتا ہے

یہ صارف اردو شاعری پسند کرتا ہے۔

یہ صارف جغرافیہ میں دلچسپی رکھتا ہے	جغرافیہ

	یہ صارف تاریخ میں دلچسپی رکھتا ہے

یہ شخص اردو کا صاحبِ زبان ہے۔	اردو

یَہ صارِف مُسَلمان ہے۔

یَہ صارِف 13 اکتوبر 1996ء کَو پَیدا ہُوَّا۔

اعزاز آپ کے لیے

		ستارہ بہترین نیا صارف ایک نیا صارف صحیح راستے پر
		پیغام طاہر محمود (تبادلۂ خیال • شراکتیں) 09:01، 27 جولائی 2021ء (م ع و)

اردو ویکیپیڈیا پر 100 ترامیم کا سنگ میل عبور کرنے پر مبارک باد قبول فرمائیں

		100 ترامیم
		اردو ویکیپیڈیا پر 100 ترامیم کا سنگ میل عبور کرنے پر مبارک باد قبول فرمائیں، جو اردو ویکیپیڈیا برادری کے لیے ایک بڑی خوشی اور فخر کی بات ہے!

--طاہر محمود (تبادلۂ خیال • شراکتیں) 09:04، 27 جولائی 2021ء (م ع و)

اردو ویکیپیڈیا پر 500 ترامیم کا سنگ میل عبور کرنے پر مبارک باد قبول فرمائیں

		500 ترامیم
		اردو ویکیپیڈیا پر 500 ترامیم کا سنگ میل عبور کرنے پر مبارک باد قبول فرمائیں، جو اردو ویکیپیڈیا برادری کے لیے ایک بڑی خوشی اور فخر کی بات ہے!

--طاہر محمود (تبادلۂ خیال • شراکتیں) 09:04، 27 جولائی 2021ء (م ع و)

اردو ویکیپیڈیا پر 1،000 ترامیم کا سنگ میل عبور کرنے پر مبارک باد قبول فرمائیں

		1،000 ترامیم
		اردو ویکیپیڈیا پر 1،000 ترامیم کا سنگ میل عبور کرنے پر مبارک باد قبول فرمائیں، جو اردو ویکیپیڈیا برادری کے لیے ایک بڑی خوشی اور فخر کی بات ہے!

--طاہر محمود (تبادلۂ خیال • شراکتیں) 09:04، 27 جولائی 2021ء (م ع و)

تخلیق کردہ مضامین

ممکن ہے درج ذیل فہرست؛ اپڈیٹ نہ کی گئی ہو تو تخلیق کردہ مضامین کی مکمل فہرست نظر نہ آئے تو اس کے لیے نیز مزید معلومات کے لیے XTools یہاں کلک کرکے دیکھا جا سکتا ہے۔

Generated using XTools on 2021-07-25 05:49

خصوصی ترمیم کردہ

• جمعیت علمائے ہند____ جناب عافی کے انگریزی ویکی مضمون en:Jamiat Ulema-e-Hind: سے
• اوڈیشا___قدیم و قلیل مواد حذف کرکے از سر نو تفصیلی مضمون بنایا گیا۔

• میوربھنج ضلع___کچھ حذف کرکے کثیر مواد کا اضافہ کیا گیا۔

• بھارتی ریاستوں اور علاقہ جات کی فہرست بلحاظ انسانی ترقیاتی اشاریہ____تقریباً مکمل اضافہ و تجدید۔

• انسانی ترقیاتی اشاریہ___اضافہ و تجدید۔

• نور عالم خلیل امینی____جناب عافی کے انگریزی مضمون en:Noor Alam Khalil Amini کی مدد سے ترمیم و اضافہ۔

• انظر شاہ کشمیری

• دار العلوم دیوبند

• دار العلوم ندوۃ العلماء

• ندوۃ العلماء

• محمد علی مونگیری

• عبد الرزاق اسکندر

• مظاہر علوم سہارنپور

• دیوبند کا عثمانی خاندان

• عثمان منصورپوری

• نظام الدین اسیر ادروی

• شمیم حنفی

• محمد مظہر نانوتوی

• مفتی عبد الرزاق بھوپالی

• احمد علی سہارنپوری

مزید ترامیم دیکھنے کے لیے اس لنک پر کلک کریں

ویکیپیڈیا پر شراکتیں

https://ur.m.wikipedia.org/wiki/%D8%AE%D8%A7%D8%B5:%D8%B4%D8%B1%D8%A7%DA%A9%D8%AA%DB%8C%DA%BA/Khaatir

https://guc.toolforge.org/?by=date&user=Khaatir

ان مضامین پر کام کرنا ہے:

• List of Regional Transport Office districts in India

• اقوام متحدہ پاپولیشن فنڈ (United Nations Population Fund)

• بھارت میں خاندانی منصوبہ بندی

• آئی اے ایس

• اڈیہ زبان

• چھینا

• سید محمد اسماعیل کٹکی

• سید سراج الساجدین کٹکی

• محمد جلال کٹکی قاسمی

• رائیرنگ پور

• ضلع مجسٹریٹ و کلیکٹر

• عارف گیاوی

• فخر الدین احمد فخر گیاوی

• اوڈیشا قانون سازی اسمبلی

• اوڈیشا قانون ساز اسمبلی کے انتخابی حلقوں کی فہرست

• بھنج خاندان

• سنگھ بھوم

• سنتھالی قوم

• ٹاٹا اسٹیل

• نیشنل ہائی وے 49

• ایشین ہائی وے 46

• چیلیکا جھیل

• اڈیہ قوم

• فاعل

ایک غیر منقوط نعتیہ کلام

نانا جان عارف گیاوی (1941ء-2020ء) - حضرت مولانا سید حسین احمد قاسمی گیاوی رحمہ اللّٰہ، سابق امام و خطیب جامع مسجد، ساکچی، جمشید پور، جھارکھنڈ، بھارت (سن فراغت از دار العلوم دیوبند : 1964ء - 1383ھ) کا ایک یادگار اور خوبصورت غیر منقوط نعتیہ کلام:

رہے سَر کو ہر دم ہوائے محمد

ملے دردِ دل کو دوائے محمد

دو عالم کی حرص وہوس سے الگ ہے

ہے آسودہ ہر دم گدائے محمد

ہے اسلام اللہ کی راہِ محکم

اصولِ مکمل کو لائے محمد

الٰہی! ملے کالی کملی کا ٹکڑا

مرے کام آئے رِدائے محمد

ہے درسِ محمد کہ اللہ ہے واحد

سدا آرہی ہے صدائے محمد

کلامِ الٰہی اور اسلام لائے

عطائے الٰہی، عطائے محمد

رہائی ملے ہم کو درد و الم سے

مِرے کام آئے لِوائے محمد

سرِ لوح وکرسی رَسائی ہوئی ہے

رسولوں کے سردار آئے محمد

سرور وسکوں دل کو حاصل ہوا ہے

حرم سے ہے آئی ہوائے محمد

ہمہ دم، ہر اِک لمحہ رحم وکرم ہے

عدو کے ليے ہے دعائے محمد

محمد کا اسوہ عمل ہو ہمارا

الٰہی! عطا کر ادائے محمد

ہر اِک لَمحہ دل سے کرو وِرد، اَحمدؔ!

درودے محمد سلامِ محمد

صلى الله عليه وسلم

حلِ الفاظ:

ہواے محمد: آرزوے محمد

لِواے محمد : محمد صلى الله عليه وسلم کا جھنڈا

وِلاے محمد : محمد صلى الله عليه وسلم کی محبت

مِرے دِل کی کہانی

عجَب بازیگَری قُدرت نے اِنساں کو دِکھائی ہے

کوئی ہے صاحِبِ مَسند، کسی کو بَس چَٹائی ہے

کسی کے گھر میں ہے فاقہ، کسی کے گھر مِٹھائی ہے

کوئی در عَیش و عِشرت ہے، کسی نے دَر کی کَھائی ہے

کسی کے پاس دَولت ہے، نہ اُس کو نیند آئے ہے

کسی کو سُوکھی کھا کر بھی مَزے کی نیند آئی ہے

کسی کے گھر وِلادت ہے، کسی کے گھر جَنازہ ہے

کسی نے اپنے بچّوں کی قبَر خود ہی بَنائی ہے

امیری اور غَریبی کا کوئی رُتبہ نہیں ہوتا

"کرونا" کے مَرَض نے آکے نَخْوَت بھی مِٹائی ہے

کوئی تقدیر پر نالاں، کوئی تقسیم پر ناخوش

کسی نے حَق کی قِسمت پر رِضا بھی خوب پائی ہے

یہ دُنیا قَیدِ مومن ہے، تو پِھر کافِر کی جَنّت ہے

ہمیں یہ بات؛ سرکارِ دوعالم نے بَتائی ہےﷺ

زباں سے، ہاتھ سے تیرے، رہے مُسلِم سَدا سالِم

ہمیں یہ بات سَرتاجِ رُسُل نے ہی سِکھائی ہےﷺ

خدا کی نعمتوں پر شکر سے اَفزُونِی ہوتی ہے

کتابِ رب تعالیٰ نے نصیحت یہ سُنائی ہے

کسی کی پِیٹھ کے پیچھے، کبھی غِیبت نہ تُم کرنا!

"ولا یَغْتَبْ" میں سُن! جس کی نَہِی "لاریب" آئی ہے

کسی کی آبرُو پر اَپْنی اُنگلی تُو اُٹھاتا ہے

مَگَر اپنی ہر اِک خامی تُجھے کیوں اِتنی بَھائی ہے؟

خُدا کے مُنکِروں کو بھی کبھی دُشنام مَت دینا!

خُدا نے اِس کی حِکمت؛ اپنے قرآں میں جَتائی ہے

"سِبابُ المُسْلِمِ فِسْقٌ"؛ ہے یہ فَرمانْ؛ حضرت کا ﷺ

نہیں اِس میں کوئی بھی شک! یہ قولِ مُصطَفائی ہے ﷺ

"قِتالِ مَرْدِ مومن"؛ "کُفْرِ قاتِل" کی نِشانی ہے

حدیثِ پاک میں رَب نے صَراحت بھی کَرائی ہے

کِسی ادنٰی صحابیؓ پر کرے جو بَد زُبانی ہے

مَعاذَ اللّٰہ! خُود کی اُس نے بَد بَختی بُلائی ہے

قِیامت کَیسے آئے گی؟ ہے خود قرآن میں مَذکُور!

رسول اللّٰہ نے جِس کی عَلامَت بھی سُنائی ہے ﷺ

امینِؔ بے سَر و مایہ! یہ تُو کیا طَرز لے آیا

تِری اِس میں نہیں خُوبی، یہ بَس فَضلِ خُدائی ہے

حفظ مضمون

• سوانحِ مناظر اسلام حضرت مولانا سید محمد اسماعیل کٹکی قاسمی رحمۃ اللّٰہ علیہ*

✒️ محمد روح الامین مَیُور بھنجی، متعلم دار العلوم دیوبند

مناظرِ اسلام، پاسبانِ ختم نبوت، حضرت علامہ و مولانا سید محمد اسماعیل کٹکی قاسمی رحمۃ اللہ علیہ سرزمین اوڈیشا (اڑیسہ) کی وہ شخصیت تھی، جن کے اہل اوڈیشا پر دینی و ایمانی احسانات ہیں، جنھوں نے اوڈیشا سے فتنۂ قادیانیت کی جڑیں اکھیڑ کر رکھ دیں؛ یہاں تک کہ برطانیہ میں بیٹھے مرزائے کاذب کے جانشینوں کو ہلا کر ڈرا کر رکھ دیا، آپ صوبہ اڑیسہ (موجودہ نام: اوڈیشا) کے پہلے فاضلِ دار العلوم دیوبند تھے۔ ان پر بہت کم لوگوں نے کچھ لکھا ہے، ان کی وفات پر ادیب بے مثال، مشہور سوانح نگار حضرت مولانا نور عالم خلیل امینی رحمہ اللہ نے 2005 میں مجلہ "الداعی" کے ایک شماره میں سوانحی مقالہ لکھا تھا۔ شیخ الہندؒ اکیڈمی، دار العلوم دیوبند سے شائع کردہ حضرت مولانا کٹکی موصوف کی کتاب "ذرا غور کریں" میں؛ امیر الہند رابع حضرت مولانا قاری سید عثمان منصور پوری رحمہ اللہ نے بہ طورِ حالاتِ مصنف حضرت مولانا کٹکی موصوف و مرحوم پر لکھا ہے ۔ "عالمی مجلس تحفظ ختم نبوت، ملتان، پاکستان" سے شائع ہونے والی کتاب "احتساب قادیانیت" جلد نمبر 40 میں حضرت مولانا موصوف کی تین کتابیں شائع کرتے ہوئے مناظر اسلام حضرت مولانا محمد اللّٰہ وسایا صاحب دامت برکاتہم نے مولانا موصوف کا کچھ سوانحی خاکہ پیش کرتے ہوئے ان کا مزید تذکرہ کیا ہے۔ ان مختلف جگہوں پر بکھری ہوئی باتوں کو یکجا کرتے ہوئے اور اس پر مزید باتوں کے اضافہ کے ساتھ بندہ مولانا موصوف و مرحوم پر کچھ قلم فرسائی کرتے ہوئے اپنی انگلیوں کو جنبش دے رہا ہے ۔

• ولادت*

مولانا موصوف سن 1914 عیسوی کو قصبۂ سادات "سونگڑہ"، ضلع کٹک اوڈیشا میں پیدا ہوئے۔

• تعلیم و تربیت*

آپ کی ابتدائی تعلیم اپنے وطن مالوف ہی میں اپنی پھوپھی "سیدہ خاتون" اور قریہ کے ایک دینی مدرسہ میں ہوئی۔ آگے کی تعلیم کے لیے آپ مدرسہ قاسمیہ شاہی مرادآباد پہنچے اور وہاں کے جبالِ علم اساتذہ سے اکتسابِ علم کیا، جن میں سے کچھ اساتذہ کے نام یہ ہیں: مؤرخ اسلام حضرت مولانا سید محمد میاں دیوبندی ثم دہلوی، حضرت مولانا محمد اسماعیل سنبھلی، حضرت مولانا عبد الحق مدنی اور حضرت مولانا قدرت اللّٰہ قدرت رحمہم اللّٰہ۔ مراد آباد کے زمانۂ طالب علمی ہی کا ایک واقعہ ہے (جو بندہ نے سفیرِ دار العلوم دیوبند برائے اوڈیشا حضرت مولانا محمد ذبیح اللّٰہ قاسمی دامت برکاتہم سے سنا تھا، وہ یہ ہے) کہ مولانا موصوف و مرحوم کو خواب میں امام اعظم ابوحنیفہ رحمہ اللّٰہ کی زیارت ہوئی؛ لیکن خواب میں انھیں امام اعظم؛ شیخ الاسلام حضرت مولانا سید حسین احمد مدنی رحمۃ اللّٰہ علیہ کی شکل میں نظر آئے، اس کے بعد ہی اتفاقاً شیخ الاسلام مراد آباد تشریف لائے تو مولانا موصوف نے خواب میں دیکھا ہوا امام اعظم کا چہرہ بالکل حضرت شیخ الاسلام کے مماثل پایا، تبھی سے مولانا کٹکی مرحوم کو شیخ الاسلام سے والہانہ عقیدت و محبت ہوگئی۔ اس کے بعد آپ دار العلوم دیوبند تشریف لے گئے اور وہاں داخلہ ہوگیا اور آپ نے اس وقت کے جبالِ علم اور متبحر اساتذہ سے تحصیل علم کے منازل طے کیے، ان اساتذہ کے اسمائے گرامی یہ ہیں: شیخ الاسلام حضرت مدنی، امام المنقول و المعقول علامہ محمد ابرہیم بلیاوی، حکیم الاسلام حضرت مولانا قاری محمد طیب صاحب، حضرت مولانا رسول خان ہزاروی، مفتی اعظم پاکستان حضرت مفتی محمد شفیع دیوبندی، حضرت مولانا سید اصغر حسین دیوبندی، شیخ الادب حضرت مولانا اعزاز علی امروہوی، حضرت مولانا محمد مرتضی حسن چاندپوری، حضرت مولانا نبی حسن صاحب اور حضرت مولانا عبد السمیع صاحب رحمۃ اللّٰہ تعالٰی علیہم اجمعین۔

• فراغت*

1353ھ بہ مطابق 1934ء میں آپ کی دار العلوم دیوبند سے فراغت ہوئی (جیساکہ حضرت مولانا قاری محمد عثمان صاحب رحمہ اللّٰہ نے لکھا ہے، نیز "دار العلوم ڈائری- 2015ء" میں مولانا محمد طیب قاسمی ہردوئی نے تلامذۂ شیخ الاسلام کی فہرست شائع کی تھی، اس میں بھی یہی مذکور ہے)۔

• بہ حیثیت مناظر*

دار العلوم دیوبند کے زمانۂ طالب علمی ہی میں آپ نے عظیم مناظر حضرت مولانا مرتضی حسن چاندپوری کے پاس مناظرہ پر مشق و تمرین کیا اور ان سے مناظرہ کے اصول و طرق سیکھے، زمانۂ طالب علمی ہی میں آپ ایک کامیاب مناظر بن چکے تھے اور اسی زمانہ میں "کالی چرن" اور "رام چندر" جیسے آریہ سماج کے مناظروں کو لاجواب اور مبہوت کیا تھا اور دیوبند شوگر میل کے ایک رافضی مینیجر کو بحث و مناظرہ کے ذریعہ دولت اسلام سے مالا مال کیا تھا۔ قادیانیوں کے مشہور مناظرین مفتی صادق، سرور شاہ، محمد حنیف کشمیری، غلام احمد مجاہد اور محمد سلیم وغیرہ کو بار بار عبرت ناک شکست دی۔

• زمانۂ طالب علمی کا ایک خواب*

زمانۂ طالب علمی میں مولانا موصوف و مرحوم نے خواب میں دیکھا کہ دار العلوم دیوبند کے پاس مرزا غلام احمد قادیانی اوندھے منہ پڑا ہوا ہے اور حضرت مولانا اس پر تھوک رہے ہیں، یہ خواب بیان کیا تو حضرت شیخ الاسلام نے فرمایا تھا کہ "تم سے اللّٰہ رد قادیانیت پر کام لے گا"، چناں چہ ایسا ہی ہوا (یہ آپ کے شاگرد رشید امیر شریعت ثانی اوڈیشا حضرت مولانا سید محمد سراج الساجدین کٹکی قاسمی رحمۃ اللّٰہ علیہ نے اپنی تقریر میں بیان فرمایا تھا، جو بشکل آڈیو آج بھی محفوظ ہے۔ یوٹیوب پر بھی دستیاب ہے۔)

• میدان عمل میں*

آپ شیخ الاسلام حضرت مدنی کے خاص شاگرد تھے، فراغت کے بعد آپ نے کچھ سال کوراپوٹ، اوڈیشا کے ایک اسکول میں ملازمت اختیار کر لی تھی۔ پھر حضرت شیخ الاسلام کے حکم پر رد قادیانیت میں لگ گئے، حضرت شیخ الاسلام کے اشارہ ہی پر آپ قادیانی طالب علم بن کر "قادیان" گئے تھے اور وہاں ان کی کتابوں کو کھنگالتے رہے؛ بالآخر کسی طرح قادیانیوں کو حقیقت حال کا علم ہوگیا اور آپ جان بچا کر اور بہت سی قادیانی کتب چھپا کر لے کر کر واپس آگئے (جو بندہ نے سفیرِ دار العلوم دیوبند برائے اوڈیشا حضرت مولانا محمد ذبیح اللّٰہ قاسمی دامت برکاتہم سے سنا تھا)۔ پھر آپ رد قادیانیت اور تحفظ ختم نبوت میں لگ گئے، آپ نے دیوبند میں حضرت شیخ الاسلام کے ایما پر "تبلیغ الاسلام" کے نام سے ایک انجمن قائم کی تھی اور فراغت کے بعد سے لے کر نوے کی دہائی تک آپ نے ستر سے زائد مناظرے کیے، آٹھ ہزار سے زائد افراد آپ کے ہاتھ پر مشرف با اسلام ہوئے اور آپ کی وعظ و تقریر اور اظہارِ حق و ابطالِ باطل سے لاتعداد مسلمانوں کا ایمان مضبوط و مستحکم ہوا۔ آپ نے کئی مناظرے کیے، ان میں کچھ مناظرے قابل ذکر ہیں: سب سے پہلا مناظرہ سات بٹیہ، ضلع کٹک میں ہوا تھا (یہ بات استاذ الاساتذہ حضرت مولانا محمد علی کٹکی دامت برکاتہم نے بیان فرمایا) *مناظرہ یادگیر* ؛ جو نومبر 1963ء میں بمقام ’’یادگیر‘‘ صوبہ میسور آپ کا قادیانیوں سے مناظرہ ہوا تھا، ساتھ میں امیر شریعت ثانی اوڈیشا حضرت مولانا سید محمد سراج الساجدین کٹکی قاسمی رحمۃ اللّٰہ علیہ بھی ہمراہ تھے اور انھوں نے بھی غیر معمولی معاونت کی تھی، اس مناظرہ کی رپورٹ "یادگارِ یادگیر" کے نام سے چھپی بھی تھی اور 2011ء میں عالمی مجلس تحفظ ختم نبوت، ملتان، پاکستان سے شائع ہونے والی کتاب "احتساب قادیانیت" جلد نمبر 40 میں حضرت مولانا موصوف کی یہ کتاب مزید دو کتابوں کے ساتھ شائع کی گئی تھی، جو اب انٹرنیٹ پر بھی دستیاب ہے ۔ آخری مناظرہ غالباً 1988ء میں "کتہ گوڑم" تلنگانہ میں ہوا تھا ۔ (یہ بات استاذ الاساتذہ حضرت مولانا محمد علی کٹکی دامت برکاتہم نے بیان فرمایا)

• رد بریلویت پر آپ کی خدمات*

آپ نے ساتھ ہی رد بریلویت پر بھی اوڈیشا میں کام کیا، بالخصوص آپ نے اپنے شاگرد رشید حضرت مولانا سید محمد سراج الساجدین کٹکی قاسمی رحمۃ اللّٰہ علیہ اور دیگر علماء سے اس سلسلہ میں کام لیا، اس سلسلہ میں کئی مناظرے ہوئے، جن میں "بارہ بٹی اسٹڈیم، کٹک" میں ہونے والا مناظرہ غالباً سن 1979ء میں ہوا تھا(یہ بات استاذ الاساتذہ حضرت مولانا محمد علی کٹکی دامت برکاتہم نے بیان فرمایا)، فریق مخالف میں مشہور زمانہ بریلوی عالم مولانا ارشد القادری تھے اور فریق مخالف کو بری طرح سے شکست بھی ہوئی تھی۔

• جامعہ مرکز العلوم کی نشأۃ ثانیہ*

گرچہ سرزمین سونگڑہ میں سن 1936ء ہی میں جامعہ مرکز العلوم سونگڑہ کی بنیاد وہاں کے صلحا کے ذریعہ خام تعمیر کی شکل میں رکھی جاچکی تھی، پھر سن 1946ء میں مولانا موصوف نے باقاعدہ جامعہ مرکز العلوم کی داغ بیل ڈالی اور اس موقع پر شیخ الاسلام حضرت مدنی رحمۃ اللّٰہ علیہ، مفتی اعظم مفتی کفایت اللّٰہ دہلوی رحمۃ اللّٰہ علیہ، سحبان الہند حضرت مولانا احمد سعید دہلوی رحمۃ اللّٰہ علیہ، بانی تبلیغی جماعت حضرت مولانا محمد الیاس کاندھلوی رحمۃ اللّٰہ علیہ اور دیگر اکابرین نے اس کی بنیاد ڈالی تھی اور روز اول سے حضرت شیخ الاسلام اس مدرسہ کے سرپرست رہے، پھر تا وفات حضرت فدائے ملت حضرت مولانا سید اسعد مدنی رحمۃ اللّٰہ علیہ اس کے سرپرست رہے۔ موجودہ سرپرست حضرت مولانا سید ارشد مدنی دامت برکاتہم العالیہ ہیں۔ اس مدرسہ کی بنیاد ہی رد قادیانیت پر رکھی گئی تھی۔

• بعض تنظیموں یا مجلسوں کی صدارت یا رکنیت*

سن 1936ء میں"صوبجات بہار و اڑیسہ" سے الگ ہوکر "صوبہ اڑیسہ" الگ ہوگیا تھا، دونوں صوبوں کے سارے سرکاری دفاتر الگ الگ ہوگئے تھے، اسی کے پیش نظر 1964ء میں حضرت مولانا اسماعیل مرحوم کو "امارت شرعیہ اڑیسہ" کا امیر مقرر کیا گیا تھا، پھر اس کے بعد حضرت امیر الہند اول حضرت مولانا حبیب الرحمن صاحب محدث اعظمی امارت شرعیہ ہند کی طرف سے اوڈیشا دورہ پر تشریف لائے تھے اور انھوں نے مولانا اسماعیل مرحوم کی امارت کی توثیق بھی کی تھی اور اس کی بقا کا اعلان بھی کیا تھا۔ 1964ء سے وفات تک یعنی 2005ء تک آپ امیر شریعت اڑیسہ رہے۔ آپ جمعیت علمائے اڑیسہ (2010ء سے پہلے تک اوڈیشا کا نام اڑیسہ تھا۔) کے صدر بھی رہے اور آپ کی وفات تک آپ کے شاگرد رشید حضرت مولانا سید محمد سراج الساجدین کٹکی قاسمی رحمۃ اللّٰہ علیہ نائب امیرِ شریعت و نائب صدر جمعیت رہے پھر استاذِ محترم کی وفات کے بعد دونوں پلیٹ فارم کے صدر بھی بنائے گئے۔ 1984ء میں جب "جنرل ضیاء الحق شہید" نے امتناع قادیانیت آرڈیننس جاری کیا اور اس کے نتیجہ میں مرزا طاہر بھاگ کر برطانیہ میں پناہ گزیں ہوا اور قادیانیوں نے دوبارہ اپنی سرگرمیوں کا رخ ہندوستان کی طرف پھیر لیا تو اسی تناظر میں فدائے ملت رحمہ اللّٰہ نے مسلمانوں میں اس سلسلہ میں بیداری و معاملہ کی گہرائی کا احساس پیدا کرنے کے لیے 29 تا 30 اکتوبر 1986ء دار العلوم دیوبند میں سہ روزہ اجلاس کیا، اسی اجلاس کے موقع پر "کل ہند مجلس تحفظ ختم نبوت" کا قیام عمل میں آیا، جس کا صدر؛ مہتمم دار العلوم دیوبند حضرت مولانا مرغوب الرحمن صاحب رحمہ اللّٰہ، ناظم اعلی؛ مفتی سعید احمد پالن پوری رحمہ اللّٰہ اور ناظم؛ امیر الہند رابع حضرت قاری محمد عثمان منصور پوری رحمہ اللّٰہ کو بنایا گیا تھا، ملک بھر کی مؤقر شخصیات پر مشتمل 23 حضرات کی "مجلسِ عاملہ" تشکیل دی گئی، جس کے ایک رکن حضرت مولانا سید اسماعیل مرحوم بھی تھے۔ اس کے بعد فتنۂ قادیانیت کی سرکوبی کی تربیت و ٹریننگ کے لیے سن 1988ء میں جو سب سے پہلا دس روزہ تربیتی کیمپ دار العلوم دیوبند میں لگا تھا، وہ حضرت مولانا اسماعیل مرحوم رحمۃ اللّٰہ علیہ کی زیر سرپرستی منعقد ہوا تھا۔ سن 1992ء سے تاوفات آپ مجلس شورٰی دار العلوم دیوبند کے رکن بھی رہے۔ *(دار العلوم دیوبند کی جامع و مختصر تاریخ (2020 ایڈیشن) از ڈاکٹر مولانا محمد اللّٰہ قاسمی، مطبوعہ: شیخ الہندؒ اکیڈمی، دار العلوم دیوبند، صفحہ: 322،323،758)*

• تلامذہ*

آپ کے تربیت یافتہ تلامذہ میں امیر شریعت ثانی اوڈیشا حضرت مولانا سید محمد سراج الساجدین کٹکی قاسمی رحمۃ اللّٰہ اور امیر شریعت ثالث حضرت مولانا محمد جلال الدین کٹکی قاسمی رحمۃ اللّٰہ علیہ قابلِ ذکر ہیں۔

• تصانیف*

تلاش بسیار کے بعد بھی آپ کی تین تصانیف دستیاب ہوئیں: (1) یادگارِ یادگیر، (2) قادیانی اسلام،(3) ذرا غور کریں۔ (اور 2011ء میں عالمی مجلس تحفظ ختم نبوت، ملتان، پاکستان سے شائع ہونے والی کتاب "احتساب قادیانیت" جلد نمبر 40 میں حضرت مولانا موصوف کی مذکورۂ بالا تینوں کتابیں بھی شامل کرکے شائع کی گئیں تھیں، جو اب انٹرنیٹ پر بھی دستیاب ہے) ان کے علاوہ کسی تصنیف کا نام بھی نہ مل سکا۔ (ایک افسوس یہ ہے کہ صوبہ اوڈیشا میں اردو طباعت و صحافت کی قلت اور وسائل کے پیشِ نظر یہاں تصنیف و تالیف کا رواج پیدا نہ ہوسکا۔ اکا دکا لوگوں نے قلم اٹھایا، پر کسی نے اسے اپنا پیشہ نہیں بنایا؛ ورنہ سرزمین اوڈیشا میں خطابت و بیان کے بے شمار شہ سواران پیدا ہوئے اور ہورہے ہیں۔ ماشاء اللّٰہ)

• وفات*

10-11 محرم 1426ھ بہ مطابق 20-21 فروری 2005ء حضرت مولانا سید محمد اسماعیل کٹکی رحمہ اللّٰہ 91 سے 92 سال کی عمر میں انتقال کرگئے۔ جب تک اوڈیشا میں صحیح العقیدہ لوگ رہیں گے تب تک لوگ مولانا موصوف و مرحوم کے احسان مند رہیں گے۔

اللّٰہ تعالٰی حضرت مولانا کی مغفرت فرما کر جنت الفردوس میں اعلی مقام عطا فرمائے اور بعد کے لوگوں میں بھی ان سا جذبۂ دینی حمیت پیدا فرمائے۔ آمین

• نوٹ: کسی کو کوئی اختلاف ہو یا کسی کے پاس مزید قابل تصدیق معلومات ہوں تو نیچے لکھے موبائل نمبر یا ایمیل ایڈریس کے ذریعہ بندہ سے رابطہ کر سکتا ہے۔*

• رابطہ نمبر:* 7409912239
• ایمیل ایڈریس:* ramin014007@gmail.com