عائشہ عمر

عائشہ عمر
عائشہ عمر 2011 میں
معلومات شخصیت
پیدائش	12 اکتوبر 1981ء لاہور، پاکستان
قومیت	پاکستانی
مذہب	اسلام
عملی زندگی
مادر علمی	نیشنل کالج آف آرٹس
پیشہ	اداکارہ، ماڈل، گلوکار
دور فعالیت	1989-حاضر
	IMDB پر صفحہ

عائشہ عمر (ولادت: 12 اکتوبر 1981ء) ایک پاکستانی اداکارہ اور یوٹیوبر ہیں جو زیادہ تر ٹیلی ویژن ڈراموں میں کام کرتی ہیں۔عائشہ عمر پاکستان کی سب سے مشہور اور سب سے زیادہ معاوضہ لینے والی اداکاراؤں میں سے ایک ہیں۔ عائشہ عمر کو اسٹائل آئیکن بھی مانا جاتا ہے۔ 2019ء میں، انہیں وارثی بین الاقوامی تنظیم (Warsi International Organisation)نے تمغہ فخر پاکستان سے نوازا تھا۔

عائشہ عمر نے 2012ء میں اپنا ایک البم جاری کیا جس میں نغمہ چلتے چلتے اور خاموشی شامل ہے۔ عائشہ کو اس البم کے لئے لکس اسٹائل ایوارڈ کا بہترین البم ایوارڈ ملا۔ عائشہ نے اپنی فلمی زندگی کا آغاز 2015ء کی کامیاب رومانوی فلم کراچی سے لاہور سے کیا، اس کے بعد جنگی فلم یلغار (2017ء) میں معاون کردار ادا کیا۔ عائشہ عمر کے مشہور ڈراموں میں بلبلے اور زندگی گلزار ہے قابلِ ذكر ہیں۔

ابتدائی زندگی

عائشہ عمر 12 اکتوبر 1981ء کو پاکستان کے شہر لاہور میں پیدا ہوئیں۔ عائشہ ایک سال کی تھیں جب ان کے والد کی وفات ہوئی اور ان کی والدہ نے انہیں اور ان کے بھائی کی پرورش کی۔ عائشہ عمر اپنے بچپن کو سخت اور آزاد قرار دیتی ہیں۔ عائشہ نے لاہور گرائمر اسکول میں تعلیم حاصل کی اور مزید تعلیم کے لئے نیشنل کالج آف آرٹس میں داخلہ لیا۔

ذاتی زندگی

دسمبر 2015ء میں، عائشہ اور ساتھی اسٹار اظفر رحمٰن کے ساتھ ایک سڑک حادثہ پیش آیا۔ یہ حادثہ اس وقت پیش آیا جب اداکار دونوں کراچی سے حیدرآباد جا رہے تھے۔ ایک ذرائع کے مطابق، عائشہ اور اظفر کی گاڑی کو ایک دوسری گاڑی نے ٹکر ماری، جس کے نتیجے میں ان کی کار سڑک سے پھسل کر کھائی میں جاگری۔

ایوارڈ اور نامزدگی

سال	کام/تخلیق	اعزاز	نتیجہ	حوالہ
لکس اسٹائل اعزاز
2013ء	خاموشی	بہترین ویڈیو البم	فاتح
اے آر وائی فلم ایوارڈ
2016ء	کراچی سے لاہور	اے آر وائی فلم ایوارڈ برائے بہترین اداکارہ	نامزد
		اے آر وائی فلم ایوارڈ برائے بہترین اسٹار خواتین کی پہلی فلم	فاتح
بین الاقوامی پاکستان پرسٹیج ایوارڈ
2017ء	سال کی فیمیل آئیکن		فاتح

مزید دیکھیے

• پاکستانی اداکاراؤں کی فہرست