عبدالحمید ثانی
.svg){kind=small}
عبد الحمید ثانی (عثمانی ترکی: عبد الحمید ثانی، ترکی: II. Abdülhamid؛ 21 ستمبر 1842 - 10 فروری 1918) عثمانی سلطنت کے 34ویں سلطان تھے، جنھوں نے 1876 سے 1909 تک حکمرانی کی۔ وہ عثمانی سلطنت کے آخری ایسے حکمران تھے جنھوں نے بکھرتی ہوئی سلطنت پر مؤثر کنٹرول برقرار رکھا۔ ان کا دور حکومت سلطنت کی داخلی اور خارجی بحرانوں سے گھرا ہوا تھا، جن میں بلقان کی بغاوتیں، قومیت پرستی کے ابھرتے رجحانات اور روس کے ساتھ ایک ناکام جنگ (1877-78) شامل ہیں۔ ان بحرانوں کی وجہ سے سلطنت کو شدید نقصان اٹھانا پڑا، جس میں مصر اور قبرص جیسے اہم علاقے سلطنت کے ہاتھ سے نکل گئے۔ تاہم، 1897 میں یونان کے خلاف کامیاب جنگ میں سلطان نے فتح حاصل کی۔
عبد الحمید ثانی کی حکمرانی کا آغاز نوجوان عثمانی اصلاحات کے دباؤ میں ہوا، جس کے نتیجے میں انھوں نے 1876 میں ترسانے کانفرنس کے دوران سلطنت کا پہلا آئین نافذ کیا۔ یہ آئین ان کے ابتدائی دور میں ترقی پسند سوچ کی عکاسی کرتا ہے۔ تاہم، ان کی تخت نشینی عظیم مشرقی بحران کے دور میں ہوئی، جب سلطنت کو اپنے قرضوں کی ادائیگی میں ناکامی کا سامنا تھا اور بلقان میں مسیحی اقلیتوں کی بغاوتوں اور روس کے ساتھ جنگ کے حالات پیدا ہو گئے۔ اس بحران کے بعد عثمانی سلطنت کی بین الاقوامی حیثیت اور بلقان میں حکمرانی میں شدید کمی واقع ہوئی اور مالی بحران اتنا بڑھ گیا کہ سلطنت کی مالی خود مختاری ختم ہو گئی اور مالیات پر عظیم طاقتوں کا کنٹرول قائم ہو گیا
انھوں نے تین دہائیوں تک ایک مطلق العنان حکمران کے طور پر حکومت کی۔ نظریاتی طور پر اسلام پسند , ان کے دور حکومت میں سلطنت کے مختلف شعبہ جات میں جدیدیت اور مرکزیت جاری رہی، جیسے بیوروکریسی کی اصلاحات، ریلوے نیٹ ورک کی توسیع (رومیلین ریلوے، اناطولین ریلوے، بغداد ریلوے اور حجاز ریلوے کی تعمیر) اور آبادی کے اندراج کا نظام۔
ان کے دور میں تعلیمی اصلاحات بھی نمایاں تھیں۔ قانون، فنون، حرفت، انجینئرنگ، ویٹرنری سائنس، زراعت اور لسانیات کے شعبوں میں جدید تعلیم کے لیے کئی ادارے قائم کیے گئے۔ 1898 میں قانون کا پہلا مقامی جدید اسکول قائم ہوا اور سلطنت کے طول و عرض میں پرائمری، سیکنڈری اور فوجی اسکولوں کا جال بچھایا گیا۔
سلطنت میں نسلی اور قومی اقلیتوں نے اپنی علیحدگی پسند تحریکیں شروع کیں۔
۔ سلطان کے خلاف کئی قاتلانہ حملے کیے گئے، جن میں 1905 میں آرمینی انقلابی تنظیم کے ذریعہ کی گئی یلدز محل کے باہر کی جانے والی ناکام قاتلانہ کوشش مشہور ہے۔
1908 میں، کمیٹی آف یونین اینڈ پروگریس نے نوجوان ترک انقلاب کے ذریعے سلطان کو مجبور کیا کہ وہ پارلیمنٹ کو دوبارہ بحال کریں اور آئین کو نافذ کریں۔ ایک سال بعد، عبد الحمید نے اپنی مطلق العنانیت کو کر دیا، جس کے نتیجے میں 31 مارچ کے واقعے میں آئین پسند فورسز نے انھیں تخت سے برطرف کر دیا۔ ان کے جانے کے بعد نے ایک نئے آئینی دور کی بنیاد رکھی گئی جس نے سلطنت عثمانیہ کو آئینی بادشاہت میں تبدیل کر دیا۔
ابتدائی زندگی
[ترمیم]عبد الحمید ثانی 21 ستمبر 1842 کو توپ قاپی میں پیدا ہوئے۔ وہ سلطان عبد المجید اول کے بیٹے تھے۔ ان کی والدہ کی وفات کے بعد ان کی سوتیلی والدہ نے اپنا منہ بولا بیٹا بنا لیا۔ وہ ایک ہنر مند بڑھئی تھے اور انھوں نے ذاتی طور پر کچھ اعلیٰ معیار کا فرنیچر تیار کیا تھا، جسے آج استنبول کے یلدز محل، سیل کوسکو اور بیلربے محل میں دیکھا جا سکتا ہے۔ عبد الحمید ثانی کو اوپیرا میں بھی دلچسپی تھی اور انھوں نے ذاتی طور پر متعدد اوپیرا کلاسیکیوں کے پہلے ترک ترجمے لکھے۔ انھوں نے مرکز ہمائیوں (عثمانی مہتران / آرکسٹرا، جو ان کے دادا محمود دوم نے قائم کیا تھا) کے لیے متعدد اوپیرا بھی مرتب کی۔
بہت سے دوسرے عثمانی سلطانوں کے برخلاف، عبد الحمید دوم نے دور دراز کے ممالک کا دورہ کیا۔ تخت سنبھالنے سے نو سال قبل، وہ اپنے چچا سلطان عبد العزیز کے ساتھ کئی یورپی دارلحکومتوں اور شہروں کے دورے پر گئے جن میں پیرس (30 جون تا 10 جولائی 1867)، لندن (12–23 جولائی 1867)، ویانا (28-30 جولائی 1867) شامل ہیں (وہ 21 جون 1867 کو قسطنطنیہ سے روانہ ہوئے اور 7 اگست 1867 کو واپس آئے)۔[13]
تخت نشینی
[ترمیم]عبد الحمید 31 اگست 1876 کو اپنے بھائی مراد کے معزول ہونے کے بعد تخت نشین ہوئے۔ آپ کی تخت نشینی کی تقریب بھی باقی عثمانی سلطانوں کی طرح حضرت ابو ایوب انصاری کے مزار پر ہوئی جہاں آپ کو عثمانی تلوار پیش کی گئی۔ زیادہ تر لوگوں کو عبد الحمید ثانی سے آزاد خیال تحریکوں کی حمایت کی توقع تھی، تاہم، انھیں سلطنت کے لیے ایک انتہائی مشکل اور نازک دور میں 1876 میں تخت نشین کیا گیا۔ اقتصادی اور سیاسی انتشار، بلقان میں مقامی جنگیں اور 1877–78 کی روسی-عثمانی جنگ نے سلطنت عثمانیہ کے وجود کو خطرہ بنایا۔ عبد الحمید نے جنگ سے بھرا یہ مشکل وقت مطلق العنان حکومت کو بحال کرنے کے لیے استعمال کیا۔
فلسطین پر مؤقف
[ترمیم]تھیوڈور ہرتزل (ہرزل)، جس کا مقصد یہودیوں کو فلسطین میں آباد کرنا تھا، نے 17 مئی 1901 کو سلطان عبد الحمید ثانی سے ملاقات کی۔[14] اس ملاقات کے دوران ہرزل کو نشان مجیدی سے نوازا گیا۔[15] عبد الحمید ثانی سے ملاقات کے بعد ڈیلی میل کے ساتھ ایک انٹرویو میں، ہرزل نے ملاقات پر اپنے اطمینان پر زور دیا اور کہا کہ یہودیوں کا عبد الحمید ثانی سے بہتر کوئی دوست یا حامی نہیں ہے۔[14] عبد الحمید دوم نے عثمانی علاقوں میں یہودیوں کی آمد کو اس شرط پر قبول کیا کہ وہ ایک جگہ جمع نہیں ہوں گے اور ہرزل کو مشورہ دیا کہ یہودی پورے بین النہرین میں بکھر جائیں۔ تاہم، ہرزل نے اس پیشکش کو قبول نہیں کیا۔[16]
معزولی
[ترمیم]سابق سلطان کو سالونیکا (جسے اب تھیسالونیکی کہا جاتا ہے) میں جلا وطن کر دیا گیا تھا۔ 1912 میں، جب سالونیکا یونان کے قبضہ میں آ گیا، انھیں استنبول میں نظر بند کر دیا گیا۔ انھوں نے اپنے آخری دن اپنی بیویوں اور بچوں کی صحبت میں باسفورس میں واقع بے لربے محل میں اپنی یادداشتیں لکھنے، مطالعہ کرنے اور لکڑی کا کام کرتے گزارے جہاں وہ اپنے بھائی سلطان محمد خامس سے چند ماہ قبل 10 فروری 1918 کو فوت ہو گئے۔ انھیں استنبول میں سپرد خاک کر دیا گیا۔
ازواج
[ترمیم]ان کی کثیر تعداد میں شادیاں کیں۔ ان کی ازواج کے نام درجِ ہیں۔
- انھوں نے پہلی شادی استنبول میں جارجیا کی بدرِ فلک سے کی۔
- انھوں نے دوسری شادی قفقاز کی بیدار سے کی۔
- انھوں نے تیسری شادی جارجیا کی دل پسند خانم سے کی۔
- انھوں نے چوتھی شادی آذربائیجان کی مزیدمستان خانم سے کی۔
- انھوں نے پانچویں شادی قفقاز کی پیوستہ خانم سے کی۔
- انھوں نے چھٹی شادی جارجیا کی بہیجہ خانم سے کی۔
- انھوں نے ساتویں شادی صالحہ سے کی۔
اس کے علاوہ بھی انھوں نے تقریباً نو شادیاں کیں۔ اور ان سب سے ان کی کثیر تعداد میں اولاد بھی ہے۔
حوالہ جات
[ترمیم]- ^ ا ب عنوان : Encyclopædia Britannica — دائرۃ المعارف بریطانیکا آن لائن آئی ڈی: https://www.britannica.com/biography/Abdulhamid-II — بنام: Abdulhamid II — اخذ شدہ بتاریخ: 9 اکتوبر 2017
- ↑ عنوان : Brockhaus Enzyklopädie — Brockhaus Enzyklopädie online ID: https://brockhaus.de/ecs/enzy/article/abd-ul-hamid-abd-ul-hamid-ii — بنام: Abd ül-Hamid (Abd ül-Hamid II.)
- ^ ا ب عنوان : Proleksis enciklopedija — پرولیکسس انسائیکلوپیڈیا شناخت کنندہ: https://proleksis.lzmk.hr/6598 — بنام: Abdul Hamid II.
- ↑ عنوان : Hrvatska enciklopedija — کروشین انسائیکلوپیڈیا ID (LZMK ID): https://www.enciklopedija.hr/Natuknica.aspx?ID=84 — بنام: Abdul Hamid II.
- ^ ا ب پ ت Türkiye Diyanet Vakfı İslâm Ansiklopedisi
- ↑ عنوان : Gemeinsame Normdatei — ربط: https://d-nb.info/gnd/118646435 — اخذ شدہ بتاریخ: 11 دسمبر 2014 — اجازت نامہ: CC0
- ↑ عنوان : Большая советская энциклопедия — اشاعت سوم — باب: Абдул-Хамид II
- ↑ عنوان : Gran Enciclopèdia Catalana — گرین انسائکلوپیڈیا کیٹلینا آئی ڈی: https://www.enciclopedia.cat/ec-gec-0000167.xml — بنام: Abdülhamit II
- ↑ عنوان : Gemeinsame Normdatei — ربط: https://d-nb.info/gnd/118646435 — اخذ شدہ بتاریخ: 31 دسمبر 2014 — اجازت نامہ: CC0
- ^ ا ب پ ت https://islamansiklopedisi.org.tr/abdulhamid-ii
- ↑ مصنف: ڈئریل راجر لنڈی — خالق: ڈئریل راجر لنڈی
- ^ ا ب پ https://ttk.gov.tr/osmanli-padisahlari/
- ↑ "Sultan Abdul Aziz"۔ اخذ شدہ بتاریخ 8/9/2020
{{حوالہ ویب}}: تحقق من التاريخ في:|تاریخ رسائی=(معاونت) - ^ ا ب Engin, Vahdettin, Pazarlık, Yeditepe Yayınları, s. 178-208
- ↑ Ortaylı, İlber, İkinci Abdülhamit Döneminde Osmanlı İmparatorluğunda Alman Nüfuzu s. 114-115
- ↑ Murat Bardakçı. "İsrail, az kalsın Kuzey Irak'ta kurulacaktı". Habertürk (بزبان ترکی). Retrieved 2026-01-06.
عبدالحمید ثانی پیدائش: 21 ستمبر 1842 وفات: 10 فروری 1918
| ||
| شاہی القاب | ||
|---|---|---|
| ماقبل | سلطان سلطنت عثمانیہ 31 اگست 1876 – 27 اپریل 1909 |
مابعد |
| مناصب سنت | ||
| ماقبل | خلیفہ 31 اگست 1876 – 27 اپریل 1909 |
مابعد |
.svg){kind=small} عثمانی شہزادے | ||
|---|---|---|
| پہلی نسل | | |
| دوسری نسل | ||
| تیسری نسل | ||
| چوتھی نسل | ||
| پانچویں نسل | ||
| چھٹی نسل | ||
| ساتویں نسل | ||
| آٹھویں نسل | ||
| نویں نسل | ||
| دسویں نسل | ||
| گیارہویں نسل | ||
| بارہویں نسل | ||
| تیرہویں نسل | ||
| چودہویں نسل | ||
| پندرہویں نسل |
| |
| سولہویں نسل | ||
| سترہویں نسل | ||
| اٹھارویں نسل | ||
| انیسویں نسل | ||
| بیسویں نسل | ||
| اکیسویں نسل |
| |
| بائیسویں نسل | ||
| تیئسویں نسل | ||
- 1842ء کی پیدائشیں
- 21 ستمبر کی پیدائشیں
- استنبول میں پیدا ہونے والی شخصیات
- 1918ء کی وفیات
- 10 فروری کی وفیات
- عبدالحمید ثانی
- استنبول میں وفات پانے والی شخصیات
- اقدام قتل سے زندہ بچ جانے والے
- انیسویں صدی کے حکمران
- انیسویں صدی کے عثمانی سلطان
- انیسویں صدی کے مسلمان
- بیسویں صدی کے عثمانی سلطان
- تخت سے اتارے جانے والے فرماں روا
- ترک سنی مسلمان
- ترک صوفیا
- ترک مسلمان
- چرکیس نژاد عثمانی شخصیات
- خادم الحرمین الشریفین
- سلاطین عثمانیہ
- سلاطین کے بیٹے
- سلطنت عثمانیہ کے ترک
- عثمانیہ خاندان
- فوجی تاخت میں معزول شدہ قائدین
- قسطنطنیہ میں پیدا ہونے والی شخصیات
- قسطنطنیہ میں وفات پانے والی شخصیات
- مسلم سیاسی شخصیات