عبد اللہ ملک

آزاد دائرۃ المعارف، ویکیپیڈیا سے
(عبداللہ ملک سے رجوع مکرر)
Jump to navigation Jump to search
عبداللہ ملک

عبد اللہ ملک پاکستان کے معروف مصنف، ترقی پسند دانشور اور صحافی ہیں۔

ابتدائی زندگی[ترمیم]

عبد اللہ ملک 1920ء میں لاہور پاکستان میں پیدا ہوئے۔ آپ کا تعلق لاہور کے اندرون شہر میں واقع کوچہ چابک سواراں کی ککے زئی برادری سے تھا۔ ان کے بزرگ کٹر اہل حدیث تھے اور احرار پارٹی سے وابستہ تھے ـ خود عبد اللہ ملک بھی کچھ عرصہ احرار سے وابستہ رہے ـ انہوں نے اسلامیہ کالج لاہور سے تعلیم حاصل کی ـ

صحافت اور سیاست[ترمیم]

عبد اللہ ملک نے بہت سے کام کیے ان میں صحافت، سیاست اور تاریخ نویسی شامل ہیں ـ عبد اللہ ملک کے ایک پرانے ساتھی اور دانشور آئی اے رحمان کا کہنا ہے کہ عبد اللہ ملک ہمہ گیر شخصیت کے مالک تھے ـ ان کی شخصیت کی سب سے اہم بات یہ ہے کہ ہمارے معاشرے میں روشن خیالی کی جو کرن نظر آتی ہے اور جن لوگوں نے اس راستے کو شعوری طور پر منتخب کیا، اس کے لیے کام کیا، لکھا اور جدوجہد کی ان میں عبد للہ ملک کا نام بہت نمایاں ہے ـ

وہ بہت عرصے تک لاہور سے نکلنے والے روزنامہ امروز سے وابستہ رہے اور اس کے چیف رپورٹر کے طور پر کام کیا ـ انیس سو ستر میں انہوں نے دیگر ترقی پسند صحافیوں سے مل کر روزنامہ آزاد نکالا ـ

انہیں یحییٰ خان کے دور میں بنگلہ دیش کی تحریک کی حمایت کرنے کے الزام میں قید کیا گیا اور مجیب الرحمن کے حق میں لکھنے پر کوڑوں کی سزا سنائی گئی جسے بعد میں معاف کر دیا گیا ـ

تصانیف[ترمیم]

عبد اللہ ملک دو درجن سے زیادہ کتابوں کے مصنف تھے جن میں سے زیادہ تر پاکستان کی تحریک آزادی اور پنجاب کی تاریخ سے متعلق ہیں ـ ’پنجاب کی سیاسی تحریکیں‘، ’دار ورسن کی آزمائش‘ اور ’ایک کمیونسٹ کا سفر نامہ حج‘ شامل ہیں ـ ان کی آپ بیتی کا ایک حصہ بھی شائع ہوچکا ہے باقی حصہ مسودہ کی شکل میں موجود ہے ـ

وفات[ترمیم]

عبد اللہ ملک کی وفات 2003ء میں ہوا۔