عبد السلام ایوارڈ
مقام | اسلام آباد |
---|---|
ملک | پاکستان |
میزبان | آئی سی ٹی پی چیپٹر اسلام آـاد |
عبد السلام ایوارڈ (جسے سلام ایوارڈ بھی کہا جاتا ہے) ایک بہت ہی اہم اور شاندار ایوارڈ تصور کیا جاتا ہے اور یہ سالانہ علمِ کیمیاء، ریاضیات، طبیعیات اور حیاتیات کے شعبوں سے تعلق رکھنے والے ماہرین کو دیا جاتا ہے۔ یہ اعزاز اب تک ان سائنسدانوں کو دیا گیا ہے جو پاکستان میں قیام پزیر ہیں۔ نیز یہ ایوارڈ 35 سال سے کم عمر ذہین افراد کو دیا جا چکا ہے۔ یہ ایوارڈ ایک سرٹیفیکیٹ (سند) سائٹیشن پر مشتمل ہے جس کے ساتھ ایک ہزار امریکی ڈالر رقم بھی منسلک کی گئی ہے۔ یہ ایوارڈ اہم ترین سائنسی تحقیقی مقالات اور تکنیکی مضامین کی تخلیق کی بدولت عطا کیا جاتا ہے۔
اس ایوارڈ کا آغاز ڈاکٹر عبد السلام کے عزیز شاگردوں ڈاکٹر ریاض الدین، ڈاکٹر فیاض الدین اور ڈاکٹر اصغر قادر نے کیا، جنھوں نے پہلی مرتبہ یہ تجویز ڈاکٹر عبدالسلام کو 1979ء دی تھی۔ اس وقتڈاکٹر عبد السلام نے کہا تھا کہ انھیں کوئی حق نہیں کہ وہ اس کا پیسہ اپنی ذاتی ضروریات کے لیے استعمال کریں، بلکہ سائنس کی خدمت اور ترویج کے لیے اسے استعمال کیا جائے گا جو تیسری دنیا میں ان کا ایک اہم مشن تھا۔ عبد السلام نے خاص طور پر پاکستان اور پاکستان کے طلبہ کی مدد کے لیے الگ سے پیسے جمع کرنے بھی شروع کیے تھے۔ 1980ء میں ڈاکٹر اصغر قادر اور پروفیسر فیاض الدین سے ڈاکٹر عبد السلام نے نوجوان پاکستانی سائنسدانوں کو یہ ایوارڈ دینے سے متعلق اصول بنانے اور مکمل حکمتِ عملی طے کرنے کا کہا اور یہ کہا کہ اس کا میرٹ صرف اور صرف سائنسی ریسرچ کی بنیاد پر ہونا چاہیے۔ فی الوقت پروفیسر اصغر قادر، سلام پرائز کمیٹی سینٹر کے سیکریٹری ہیں جس کا تعلق ایڈوانس میتھیمیٹکس اینڈ فزکس نیشنل یونیورسٹی آف سائنس اینڈ ٹیکنالوجی (نسٹ) کیمپس سے ہے۔ عبد السلام ایوارڈ کی کفالت 2007ء سے مجلسِ خدام الاحمدیہ (برطانیہ) بھی کر رہی ہے۔
اعزاز یافتہ گان[ترمیم]
نام | شعبہ | سال |
---|---|---|
ڈاکٹر نظمہ اکرام | طبیعیات | 1981 |
ڈاکٹر پرویز ہودبھائی | ریاضیات | 1984) |
ڈاکٹر مجاہد کامران | طبیعیات | 1985 |
ڈاکٹر مجاہد احمد اعجاز | طبیعیات | 1985 |
ڈاکٹر محمد سہیل زبیری | طبیعیات | 1986 |
ڈاکٹر بینا صدیقی | کیمیا | 1986 |
ڈاکٹر قیصر مشتاق | ریاضیات | 1987 |
ڈاکٹر محمد اقبال چوہدری | کیمیا | 1990 |
ڈاکٹر اشفاق بخاری | ریاضیات | 1991 |
ڈاکٹر انوار الحسن گیلانی | حیاتیات | 1994 |
ڈاکٹر اصغر قادر | ریاضیات | 1997 |
ڈاکٹر نصیر شہزاد | ریاضیات | 1998 |
ڈاکٹر تصور حیات | ریاضیات | 1999 |
ڈاکٹر رابعہ حسین | حیاتیات | 2000 |
ڈاکٹر محمد عارف ملک | کیمیا | 2002 |
ڈاکتر جمیل النبی | ریاضیات | 2003 |
ڈاکٹر نصیرالدین شمس | طبیعیات | 2009) |
ڈاکٹر طیب کامران | ریاضیات | 2009 |
ڈاکٹر عامر اقبال | طبیعیات | 2012 |
ڈاکٹر حافظ ضیاء الرحمن | کیمیا | 2012 |
ڈاکٹر رحیم عمر | ریاضیات | 2013 |