عبد اللہ جوادی آملی

آية الله عبد الله جوادي آملي
معلومات شخصیت
پیدائش	اپریل1933ء (93 سال)  آمل، مازندران
شہریت	ایران
عملی زندگی
پیشہ	فلسفی ،  سیاست دان ،  آخوند ،  الٰہیات دان ،  مصنف ،  ماہر اسلامیات
پیشہ ورانہ زبان	فارسی ،  عربی

عبد اللہ جوادی آملی (فارسی: عبدالله جوادی آملی) ایک ایرانی شیعہ فقیہ، مفسر اور فلسفی ہیں۔ وہ ایران کے شہر قم میں قائم مؤسسة الإسراء للبحوث کے بانی ہیں اور معاصر شیعہ علما میں نمایاں مقام رکھتے ہیں۔ وہ معروف مفسر و فلسفی محمد حسين طباطبائی کے شاگردوں میں شمار ہوتے ہیں۔ موجودہ دور میں انھیں شیعہ حلقوں میں قرآن کے ممتاز مفسرین اور فلسفیوں میں شمار کیا جاتا ہے۔

ولادت

عبد اللہ جوادی آملی کی پیدائش 1932ء (1351ھ) میں ایران کے شمالی شہر آمل میں ہوئی۔ ان کے والد میرزا ابو الحسن جوادی اس شہر کے معروف علما اور واعظین میں سے تھے، جنھوں نے ان کی ابتدائی تربیت اور دینی رجحان میں اہم کردار ادا کیا۔ .

تعلیم

انھوں نے 1364ھ میں آمل کی حوزۂ علمیہ میں دینی علوم کی تعلیم کا آغاز کیا۔ بعد ازاں 1369ھ میں مزید تعلیم کے لیے تہران گئے اور وہاں مدرسہ مروی میں تعلیم حاصل کی۔

1374ھ میں وہ اعلیٰ دینی تعلیم کے لیے قم منتقل ہوئے اور وہیں مستقل قیام اختیار کیا۔ قم کی حوزۂ علمیہ میں انھوں نے فقہ کے اعلیٰ درجے یعنی درسِ خارج کی تدریس شروع کی اور ساتھ ہی قرآن مجید کی تفسیر کے دروس بھی دیتے رہے۔

مناصب

عبد اللہ جوادی آملی نے ایران کے بعض اہم مذہبی و سرکاری اداروں میں بھی خدمات انجام دیں، جن میں نمایاں یہ ہیں:

مجلس خبرگانِ دستور (آئینی ماہرین کی مجلس) کے رکن۔

اعلیٰ عدالتی کونسل کے رکن۔

مجلس خبرگانِ رہبری کی پہلی اور دوسری مدت میں رکن، جہاں وہ صوبہ مازندران کے نمائندے تھے۔

اساتذہ

انھوں نے متعدد معروف ایرانی علما سے تعلیم حاصل کی، جن میں نمایاں نام یہ ہیں:

1. میرزا ابو حسن جوادی
2. حسين طباطبائي بروجردی
3. محمد حسين طباطبائي
4. محمد یزدی المعروف بالمحقق الداماد
5. روح اللہ خميني
6. محمد تقی آملی
7. ہاشم آملی
8. محمد حسین فاضل تونی
9. مہدی محی الدین الہی قمشه‌ای
10. ابو حسن شعرانی ۔ .

علمی تصانیف

جوادی آملی کی تصانیف کی تعداد سو سے زیادہ بتائی جاتی ہے۔ ان کی بعض مشہور کتابیں یہ ہیں:

1. تسنیم فی تفسیر القرآن (متعدد جلدوں پر مشتمل تفسیر)
2. الحیاة العرفانیة للإمام علی
3. الحماسة والعرفان
4. الإمام المهدي الموجود الموعود
5. أدب فناء المقربين (شرح زیارة الجامعة الکبيرة)
6. الإسلام والبيئة
7. الحياة الخالدة في علم الأخلاق
8. ولاية الإنسان في القرآن
9. الحكمة النظرية والعملية في نهج البلاغة
10. علي بن موسى الرضا والفلسفة الإلهية
11. انھوں نے اسلامی علوم میں تحقیق اور اسلام کے خلاف شبہات کے جواب کے لیے مؤسسة الإسراء للبحوث بھی قائم کی۔

فقہ اور سماجی قانون پر تصانیف

فقہ اور سماجی قانون کے موضوع پر ان کی بعض کتابیں درج ذیل ہیں: اختیار مناسک الحج

1. الحج (جلد اول)
2. الحج (جلد دوم)
3. مصدر الفكر (چار جلدیں) ۔

سیاسی مؤقف

عبد اللہ جوادی آملی نے بعض عالمی مسائل پر بھی اپنے خیالات ظاہر کیے۔ انھوں نے فرانسیسی جریدے چارلی ہیبڈو کی جانب سے شائع ہونے والے توہین آمیز خاکوں کی سخت مذمت کرتے ہوئے اسے “جدید جاہلیت” قرار دیا۔

اسی طرح جوہری ہتھیاروں کے بارے میں ایک ویڈیو پیغام میں انھوں نے کہا کہ مذہب کا اصل پیغام یہ ہے کہ انسان کو وسیع تباہی پھیلانے والے ہتھیار نہیں بنانے چاہئیں اور ایسے ہتھیاروں کا خاتمہ ہونا چاہیے۔