عبید اللہ خان اعظمی

عبید اللہ خان اعظمی
تفصیل=
رکن راجیہ سبھا
مدت منصب 1990–1996 ،1996–2002 ،2002–2008
معلومات شخصیت
پیدائش	11 مارچ 1949 (74 سال)
شہریت	بھارت
مذہب	اسلام، اہل سنت
جماعت	انڈین نیشنل کانگریس
اولاد	تین بیٹے اور پانچ بیٹیاں
عملی زندگی
پیشہ	سیاست دان
پیشہ ورانہ زبان	ہندی

عبید اللہ خان اعظمی ایک بھارتی اہل سنت سیاست دان ہیں جن کا تعلق راشٹروادی کانگریس پارٹی سے ہے۔ وہ راجیہ سبھا، ایوان بالا بھارتی پارلیمان میں 1990ء تا 2008ء تک رکن رہے ہیں۔ اس کے بعد اترپردیش سے 1990–96 تک اور جھارکھنڈ سے 1996–2002 تک جنتا دل جماعت کی طرف سے رکن رہے ہیں۔ 1992–96 تک جنتا دل کے جنرل سیکرٹری اور بعد ازاں اعلیٰ نائب صدر رہے۔ از 2002 تا 2008 نمائندہ مدھیہ پردیش از انڈین نیشنل کانگریس جماعت

سیاست

عبید اللہ خان اعظمی پہلی بار خبروں میں اس وقت جب انھوں نے 1984ء میں ایک تقریر کرتے ہوئے انھوں نے یہ دھمکی دی تھی کہ کانگریس اور بھاجپائی رہنماؤں کو کلمہ پڑھوائیں گے اور ان کی شہرت کو پَر لگ گئے تھے ۔ ممبئی کی 5 ویں گلی کے مقرر کی حیثیت سے مانے جانے والے عبیداللہ خان اعظمی راتوں رات سارے ہندوستان میں مشہور ہو گئے۔ ان کے آڈیو کیسٹ دھوم سے بکنے لگے۔ اس شہرت ے نتیجے میں سابق وزیر اعظم وی پی سنگھ نے مسلمان ووٹ کے حصول کے لیے انہیں راجیہ سبھا کا رکن بنوا دیا ۔ پھر مرکزی وزیر ریل لالو پرساد یادو کی وجہ سے وہ دوسری بار بہار سے راجیہ سبھا پہنچے، تیسری بار انہوں نے کانگریس کی طرف سے انتخاب لڑا اور کامیاب ہوئے۔

شاہ بانو مقدمہ

عبید اللہ خان اعظمی بھارتی عدالت عظمیٰ کے شاہ بانو کیس متعلقہ فیصلے کے خلاف عوامی احتجاجوں میں تنقیدی تقریروں کی وجہ سے مشہور ہوئے۔ ان کی ان تقریروں کی آڈیو کیسٹ وسیع پیمانے پر فروخت اور تقسیم ہوئیں۔ وہ، اس وقت، ممبئی میں شاہ بانو مقدمہ مخالت میں سب سے آگے تھے۔ ممبئی پولیس نے مولانا کے خلاف مقدمہ درج کیا اور ممبئی میں اشتعال انگیز تقریروں کی وجہ سے شہر بدر کر دیا۔

تین طلاق کا مقدمہ

تین طلاق کے مقدمے کے دوران میں عبید اللہ خان اعظمی نے کہا کہ دستور ہند کے مطابق ملک میں ہر کسی کو اس کی مذہبی شناخت کے ساتھ رہنے کا پورا پورا حق دیا گیا ہے۔ ساتھ ہی دستور کے مطابق کسی بھی ایسے مسئلہ میں جس میں ترمیم کی ضرورت محسوس ہو رہی ہے تو اس مذہب کے رہنماؤں اور سلیکشن کمیٹی سے مشورہ طلب کیا جانا چاہیے لیکن تین طلاق کا بل بغیر کسی کے صلاح ومشورہ کے براہ راست پارلیمنٹ میں منظوری کے لیے بھیج دیا گیا۔

مزید دیکھیے

• اسد الدین اویسی
• توقیر رضا خان

بیرونی روابط

• Profile on Rajya Sabha websiteآرکائیو شدہ بذریعہ 164.100.24.167