نور الدین ہیثمی

محدث الکبیر
نور الدین ہیثمی
(عربی میں: الهيثمي)
معلومات شخصیت
تاریخ پیدائش	سنہ 1335ء
تاریخ وفات	سنہ 1404ء (68–69 سال)
عملی زندگی
الكنية	ابو حسن
لقب	الہیثمی
استاد	عبد الرحیم عراقی
نمایاں شاگرد	حافظ ابن حجر عسقلانی ، ولی الدین عراقی
پیشہ	محدث
شعبۂ عمل	علم الحدیث
کارہائے نمایاں	مجمع الزوائد

ابو حسن نور الدین علی بن ابی بکر بن سلیمان ہیثمی ( 735ھ -807ھ/ 1335ء-1405ء ) حدیث کا بڑے محدث اور ابن حجر عسقلانی کے شیوخ تھے۔ آپ کی مشہور تصنیف مجمع الزوائد ومنبع الفوائد ہے.

پیدائش اور حصول حدیث

آپ کی پیدائش قاہرہ ، مصر میں سنہ 735ھ میں رجب کے مہینے میں ہوئی ، وہ جوانی میں ہی شیخ زین الدین عراقی کے ہمراہ تھے ، آپ نے اپنے شیخ کے مشورے سے حدیث سننے کا آغاز کیا : ابو فتوح میدومی ، ابن ملوک ، ابن قطوانی اور دوسرے بہت سے مصری محدثین سے آپ نے احادیث کا سماع کیا : ابن خباز ، ابن حموی ، ابن قیم ضیائیہ شامی محدثین سے بھی آپ نے علم حدیث حاصل کیا ۔ پھر وہ اپنے شیخ زین الدین عراقی کے ساتھ مسلسل رہے اور ان کے ساتھ حج بھی ادا کیا اور وہ ہر سفر اور حضر میں ان کے ساتھ رہے اور انھوں نے ان کی بیٹی سے شادی کی اور حدیث میں اس کے ساتھ فارغ التحصیل ہوئے اور آپ نے ان کو اکثر کتابیں پڑھائیں۔ ان کے طلبہ میں سب سے مشہور حافظ ابن حجر عسقلانی اور ابن فہد مکی ، برہان الدین ابو الوفاء ابراہیم بن محمد بن خلیل ، سبط ابن عجمی کے نام قابل ذکر ہیں۔

اقوالِ علما

• حافظ ابن حجر عسقلانی ؒ نے کہا:“وہ متون کو بہت زیادہ یاد رکھنے والے تھے، کثرتِ مشق کی وجہ سے انھیں زبردست استحضار حاصل تھا۔ وہ نرم خو، خوش اخلاق، نیک اور دیندار تھے، اہلِ خیر سے محبت رکھتے تھے، اپنے شیخ کی خدمت اور حدیث کی کتابت میں نہ تھکتے تھے اور نہ اکتاتے تھے۔ ان کی فطرت پاکیزہ تھی، خیر کثیر کے حامل تھے اور تکالیف کو برداشت کرنے والے تھے، خصوصاً اپنے شیخ کے حلقے کے بعض لوگوں کی طرف سے پہنچنے والی اذیتوں کو بھی صبر سے سہتے تھے۔”۔
• تقی فاسی نے کہا: “وہ متون اور آثار کے بڑے حافظ تھے، نیک اور صالح انسان تھے۔”۔
• افقہسی نے کہا :"“وہ ایک امام، عالم، حافظ، زاہد، متواضع اور لوگوں سے محبت کرنے والے تھے، عبادت اور تقویٰ کے حامل تھے۔”۔"
• امام سخاوی نے کہا: “وہ دین، تقویٰ، زہد، علم اور عبادت میں ایک عجیب شخصیت تھے۔ وہ ذکر و اذکار اور عبادات میں مشغول رہتے، اپنے شیخ کی خدمت کرتے، دنیاوی معاملات میں لوگوں سے کم اختلاط رکھتے اور حدیث اور اس کے اہل سے خاص محبت رکھتے تھے۔” «

تصانیف

حافط ہیثمی حفظ اور تحریر میں بہت ماہر تھے اور انھوں نے جو کتابیں لکھیں ان میں سے چند قابل ذکر ہیں:

• • البدر المنير في زوائد المعجم الكبير.
  • بغية الباحث عن زوائد الحارث.
  • ترتيب الثقات لابن حبان.
  • ترتيب الثقات للعجلي.
  • تقريب البغية في ترتيب أحاديث الحلية.
  • زوائد ابن ماجة على الكتب الخمسة .
  • غاية المقصد في زوائد أحمد .
  • كشف الأستار عن زوائد البزار.
  • مجمع البحرين في زوائد المعجمين: (الأوسط والصغير).
  • مجمع الزوائد ومنبع الفوائد.
  • المقصد الأعلى في زوائد أبي يعلى.
  • موار الظمآن لزوائد ابن حبان.

وفات

حافظ ہیثمی کی وفات 19 رمضان 807ھ بمطابق 1405ء میں قاہرہ ، مصر میں ہوئی۔