علی بن حمزہ کسائی کوفی

علی بن حمزہ کسائی کوفی
(عربی میں: أبو الحسن علي بن حمزة الكسائي)
معلومات شخصیت
پیدائش	سنہ 737ء   کوفہ
وفات	سنہ 805ء (67–68 سال)  رے
عملی زندگی
استاد	شعبہ بن حجاج ،  الرؤاسی
نمایاں شاگرد	الفراء نحوی
پیشہ	قاری ،  ماہرِ علم اللسان
شعبۂ عمل	نحو عربی ،  قرأت ،  تفسیر قرآن

دس قراء اور ان کے راوی
قاری	اس کے راوی
مدنی قراء
نافع	قالون ورش
ابو جعفر	ابن وردان ابن جماز
مکی قاری
ابن کثیر	البزي قنبل
بصری قراء
ابو عمرو	دوری السوسی
یعقوب	رویس روح
شامی قاری
ابن عامر	ابن ذكوان ہشام
کوفی قراء
عاصم	شعبہ حفص
حمزہ	خلف خلاد
کسائی	لیث دوری
خلف	اسحاق ادریس
سبعہ قراء   دو بھائی   اصحاب

علی بن حمزہ کسائی کوفی قراء سبعہ میں شمار ہوتے ہیں
ان کا پورا نام علی بن حمزہ بن عبد اللہ بن قیس بن فیروز الاسدی الکوفی المعروف بالکسائی
یہ عجمی تھے۔ ان کے والد اور ان کے دادا ساتھ ساتھ مشرف بہ اسلام ہوئے۔ یہ بھی ان کے ساتھ ہی کمسنی میں ہی مشرف بہ اسلام ہوئے عربی زبان میں صرف و نحو میں بڑی مہارت پیدا کی اور علم نحو میں کتاب بھی تصنیف کی۔ کوفہ سے بغداد چلے گئے تھے ہارون الرشید نے ان کو اپنے درباریوں کی تعلیم سپرد کر دی۔ خلیفہ وقت امیر المومنین کے صاحبزادوں کے استاد تھے اس لیے عوام پر ان کا خاص اثر تھا اور عزت و احترام سے دیکھے جاتے تھے۔

اساتذہ

کسائی نے قرأت حمزہ الزیات سے سیکھی اور چار بار ان سے قرآن پڑھا اور محمد بن عبد الرحمن بن ابی لیلیٰ متوفی 148ھ سے بھی قرأت سیکھی اور قرآن پڑھا۔ اور کسائی کے تیسرے استاد عیسیٰ بن عمر الاسدی الہمدانی الکوفی متوفی 156ھ تھے۔ کسائی کے چوتھے استاد ابو بکر بن عیاش الاسدی الکوفی جو 96ھ میں پیدا ہوئے تھے اور 192ھ میں وفات پائی تھی اور کسائی کے پانچویں استاد سلیمان الاعمش الاسدی الکوفی تھے۔ ان کے علاوہ اساتذہ میں اسماعيل بن جعفر يعقوب بن جعفر یہ نافع کے شاگرد تھے، عبد الرحمن بن ابی حماد،ابی حيوة شريح بن يزيد، مفضل بن محمد الضبی، زائدة بن قدامہ یہ اعمش کے شاگرد تھے،محمد بن الحسن بن ابی سارہ ،قتيبہ بن مہران اور بصرہ میں خليل سے لغت سیکھی۔

شاگرد

ان کے بہت زیادہ شاگرد تھے ان میں ابراہيم بن زاذان ابراہيم بن الحريش ،احمد بن جبير، احمد بن ابی سريج، احمد بن ابی ذہل،احمد بن منصور البغدادي، احمد بن واصل، اسماعيل بن مدّان، حفص بن عمر الدوری، حمدویہ بن ميمون،حميد بن ربيع الخزاز،زكريا بن وردان، سريج بن يونس، سورة بن المبارك، ابو حمدون الطيب بن اسماعيل،عبد الرحمن بن واقد،عبد الرحيم بن حبيب، عبد القدوس بن عبد المجيد،عبد الله بن احمد بن ذكوان، عبيد الله بن موسى، عدی بن زياد، علی بن عاصم، عمر بن حفص المسجدی، عيسى بن سليمان، فضل بن ابراہيم، فورك بن شبویہ، ابو عبيد القاسم بن سلام،قتيبہ بن مہران، ليث بن خالد،محمد بن سفيان،محمد بن سنان،محمد بن واصل، مطلب بن عبد الرحمن، مغيرة بن شعيب، ابو توبہ ميمون بن حفص، نصير بن يوسف، ابو اياس ہارون بن علی الكسائی (بیٹے) ہارون بن عيسى، ہارون بن يزيد، ہاشم بن عبد العزيز البربری، يحی بن آدم،يحي بن زياد الخوارزمی زیادہ شہرت رکھتے ہیں۔

تصانیف

• معاني القرآن ومقطوع القرآن وموصوله،
• كتاب في القراءات،
• كتاب النوادر الكبير
• كتاب النوادر الأصغر،
• ومختصر في النحو،
• كتاب اختلاف العدد
• كتاب قصص الأنبياء
• كتاب الحروف
• كتاب العدد
• كتاب القراءات
• كتاب المصادر
• كتاب الهجاء
• فی ما یلحن فیہ العامہ

قراءت میں امام کسائی کا منہج

شیخ عبد الفتاح القاضی امام الکسائی کے طریقۂ قراءت کے بارے میں فرماتے ہیں:

• بسم اللہ

ہر دو سورتوں کے درمیان بسم اللہ پڑھتے تھے، سوائے سورہ انفال اور سورہ توبہ کے درمیانی مقام کے، جہاں: بعض اوقات وقف کرتے، کبھی خاموش ہو جاتے یا پھر براہِ راست وصل کرتے (یعنی بغیر بسم اللہ کے پڑھتے)۔

• مد

مد متصل اور مد منفصل دونوں کو درمیانی درجہ پر کھینچتے، یعنی چار حرکات کے برابر۔

• ادغام

لفظ "إذ" کی ذال کو جیم کے سوا تمام حروف میں ادغام کرتے تھے۔ "دال"، "تاء تانیث" اور "لام" (جو "هل" اور "بل" میں آتی ہے) کو اس کے بعد آنے والے حروف میں ادغام کرتے۔ "باء مجزومہ" کو "فاء" میں ادغام کرتے، جیسے: {قَالَ اذْهَبْ فَمَنْ تَبِعَكَ مِنْهُمْ} "فاء مجزومہ" کو "باء" میں ادغام کرتے، جیسے: {إِن نَّشَأْ نَخْسِفْ بِهِمُ} (سورہ سبأ) دیگر ادغام (روایت لیث سے): "لام مجزومہ" کو "ذال" میں ادغام کرتے، جیسے: {يَفْعَلْ ذَلِكَ} "ذال" کو "تاء" میں ادغام کرتے، جیسے: {عذتُ}، {فنبذتها}، {اتخذتم}، {أخذتم} "ثاء" کو "تاء" میں ادغام کرتے، جیسے: {أورثتموها}، {لبثت}، {لبثتم}

• امالہ

ان الفاظ میں امالہ کرتے جو حمزہ کے طریقے میں مائل ہوتے ہیں۔ اس کے علاوہ کچھ مخصوص الفاظ میں بھی اضافی امالہ کرتے ہیں، جن کی تفصیل کتب قراءت میں موجود ہے۔ وقف کے وقت "تاء تانیث" سے پہلے والے الفاظ کو مائل کرتے، جیسے: {رحمة}، {الملائكة} (مخصوص شرائط کے ساتھ)

• تاء پر وقف

تاء مفتوحہ پر وقف کرتے وقت "ھاء" کے ساتھ پڑھتے، جیسے: (شجرت، بقيت، جنت) کو "شجره، بقیه، جنه" کی صورت میں۔

• یاء کی حرکات

"یاء اضافت" کو ساکن پڑھتے، جیسے: {قُلْ لِعِبَادِيَ الَّذِينَ آمَنُوا} (ابراہیم) {يَا عِبَادِيَ الَّذِينَ} (العنكبوت، الزمر) زائد یاء کو وصل کی حالت میں ثابت رکھتے، جیسے: {يَوْمَ يَأْتِ} (ھود) {كُنَّا نَبْغِ} (الکہف)

خاص روایت

سورۃ المائدہ، آیت 112 میں "هَلْ تَسْتَطِيعُ رَبَّكَ" پڑھتے ہیں (جبکہ حفص کی روایت میں: "هَلْ يَسْتَطِيعُ رَبُّكَ" ہے) یہ طریقہ ام المؤمنین عائشہ اور بعض دیگر صحابہ سے بھی مروی ہے۔

وفات

امام کسائی کی عمر 70 سال تھی۔ ان کا انتقال 189 ہجری / 805 عیسوی میں الری (موجودہ ایران کے جنوب مشرق میں، تہران کے قریب) میں ہوا۔