غلام احمد پرویز

غلام احمد پرویز
معلومات شخصیت
پیدائش	9 جولا‎ئی 1903ء   بٹالا
وفات	24 فروری 1985ء (82 سال)  لاہور
شہریت	پاکستان برطانوی ہند
مذہب	اسلام
مکتب فکر	قرآنیت
عملی زندگی
مادر علمی	پنجاب یونیورسٹی
پیشہ	الٰہیات دان ،  عالم
پیشہ ورانہ زبان	اردو
مؤثر	محمد اقبال ،  سر سید احمد خان

غلام احمد پرویز (پیدائش: 9 جولائی 1903ء– وفات: 24 فروری 1985ء)، اہل القرآن کے نزدیک مشہور عالم دین اور اہل سنت والجماعت کے نزدیک زندیق منکر حدیث تھے۔تاہم ان کے فکر کی اساس قرآنِ کریم کی اصل تعلیمات سے روشناس کروانا تھا

تعارف

بیسویں صدی کے ایک ممتاز سکالر تھے جنھوں نے اپنی فکر کی بنیاد قرآنِ کریم پر رکھی۔ غلام احمد پرویز دینی اساس سے متعلق قائدِ اعظم محمد علی جناح کے ذاتی مُشیر تھے۔ علامہ محمد اقبال کی خواہش اور قائدِ اعظم کے مشورہ سے انھوں نے ماہنامہ طلوعِ اِسلام کے دَورِ جدید کی بنیاد رکھی جو قیامِ پاکستان کے بعد ایک تحریک کی شکل اختیار کر گیا۔

پیدائش

غلام احمد پرویز 9 جولائی 1903 میں پنجاب کی بھارتی حصے میں ایک شہر بٹالہ ،ضلع گورداس پور میں پیدا ہوئے تھے۔

ابتدائی حالات

گورداس پوراُس وقت اسلامی تعلیم فلسفہ اور تہذیب کا ایک بہت اہم مرکز تھا جہاں پر ان کے دادا حکیم مولوی رحیم بخش حنفی مسلک کے ایک عالم اور سلسلہ چشتیہ نظامیہ کے ممتاز بزرگ تھے۔ غلام احمد پرویز نے بی اے تک تعلیم حاصل کی اور 1927ء میں وہ وسطی بھارت کی حکومت کے سیکرٹریٹ میں شامل ہوئے اور ابتدائی دور میں سیکشن، اسٹیبلشمنٹ ڈویژن میں کام کیا۔ اسی دور میں انھوں نے علامہ محمد اقبال سے ملاقات کی جو بعد میں مرشد اور مرید کا روپ دھار گئی۔ ان کو اسلم جے راج پوری کے تلمنذ ہونے کا بھی شرف حاصل ہوا ۔

طلوع اسلام

بہت عرصے سے علامہ اقبال کی خواہش تھی کہ مسلم لیگ مقاصد کو حاصل کرنے کے لیے ایک رسالہ ہونا ضروری ہے۔ اس حوالے سے انھوں نے اپنے دوست سید نذیر نیازی سے بات کی جو اُن کے پاس اکثر آتے تھے۔ انھوں نے علامہ اقبال کے کہنے پر طلوع اسلام رسالہ نکالا جس کا نام اقبال کی ایک نظم طلوع اسلام پر رکھا گیا۔ اس کا پہلا ایڈیشن بھی اقبال کے ہی نام کیا گیا،
اس کے بعد رسالے کی ذمہ داری غلام احمد پرویز نے سنبھال لی.جو اس کے پہلے اس کے لیے کافی مضامین لکھ چکے تھے۔ غلام احمد پرویز اقبال سے کافی متاثر تھے، اس لیے رسالے پر ہر ماہ اُن کی تصویر لگا دیتے تھے۔ اس کے بعد انھوں نے ایک تحریک ہی طلوع اسلام کے نام سے شروع کر دی۔ یہ رسالہ ابھی ادارہ طلوع اسلام کی طرف سے شائع ہوتا ہے۔ 1955 میں غلام احمد پرویز اسسٹنٹ سیکریٹری کے طور پر ریٹائرمنٹ لے لی تا کہ دینی کام پر زیادہ توجہ دیں اور طلوع اسلام کے نام سے ہی ادارہ بنا کر کام شروع کر دیا۔

نظریات

1. اسلام دین ہے مذہب نہیں۔ دین کے قیام کے لیے اپنی مملکت کا وجود اور قیام ضروری ہے۔ تحریکِ پاکستان میں اُن کی بھرپور شمولیت اِسی دینی فریضہ کی وجہ تھی۔
2. اسلام مذہبی اور وہمی عقائد کا مذہب نہیں تھا ،بلکہ منظم مذہب کے ادارے کے لیے ایک چیلنج تھا۔ مزید یہ بھی کہا کہ تاریخ اسلام میں بادشاہوں نے اپنے ذاتی مفادات کے لیے اسلام بدل دیا۔
3. خارق عادت واقعات یعنی معجزے اور کرامت پر یقین نہیں کرتے تھے۔
4. صرف انہی احادیث کو درست مانتے تھے جو قرآن کی تعلیمات کے مطابق ہوں۔ اُن احادیث کی نسبت رسولِ کریم صلى الله عليہ وسلم کی نسبت صحیح نہیں سمجھتے تھے جو قرآنِ کریم کے خلاف ہوں یا جن سے رسولِ اکرم صلى الله عليہ وسلم یا صحابہ کی شان پر اثر پڑتا ہو۔
5. اللہ اور رسول کی تاویل حکومت وقت یا حاکم وقت سے کرتے تھے اور انھیں مجمع علیہ قوانین میں تبدیلی کا مجاز مانتے تھے۔ روایات کوصحابہ کے دور کی شریعت مانتے تھے جو ہمیشہ کے لیے قابل عمل نہیں بلکہ ہر دور کے لحاظ سے نئی شریعت بنانے کے قائل تھے۔
6. جن آدم علیہ السلام کو جنت سے نکالا گیا اور جو نبی تھے اور جو بنی نوع انسان کے ابا ہیں تینوں کو تین مختلف مخلوقات یا اشیا مانتے تھے۔
7. اراکینِ اِسلام یعنی نماز روزے حج زکوٰۃ کو دین کا حصہ تصور کرتے تھے اور اُن کو محض رسمی طور پر ادا کرنے کو کافی نہیں سمجھتے تھے۔

وفات

24 فروری 1985ء کو لاہور میں وفات پائی ۔

تصانیف

ان کی چند مشہور کتب درج ذیل ہیں:

1. سلسلہ معارف القرآن (من و یزداں، ابلیس و آدم، جوئے نور، برقِ طور، شعلہ مستور، معراجِ اِنسانیت، مذاہبِ عالم کی آسمانی کتابیں)آرکائیو شدہ بذریعہ islamicdawn.com
2. مفہوم القرآن‘ (تین جلدوں میں)آرکائیو شدہ بذریعہ islamicdawn.com
3. مطالب الفرقان - قرآنِ کریم کی تفسیر خود قرآن سے آرکائیو شدہ بذریعہ islamicdawn.com
4. مقامِ حدیثآرکائیو شدہ بذریعہ islamicdawn.com
5. معراج انسانیتآرکائیو شدہ بذریعہ islamicdawn.com
6. انسان نے کیا سوچا؟آرکائیو شدہ بذریعہ islamicdawn.com
7. اسلام کیا ہے؟آرکائیو شدہ بذریعہ islamicdawn.com
8. شعلہٴ مستورآرکائیو شدہ بذریعہ islamicdawn.com
9. کتاب التقدیرآرکائیو شدہ بذریعہ islamicdawn.com
10. شاہکار رسالتآرکائیو شدہ بذریعہ islamicdawn.com
11. قتلِ مُرتد، غلام اور لونڈیاں، یتیم پوتے کی وَراثتآرکائیو شدہ بذریعہ islamicdawn.com
12. قائدِ اعظم کے تصور کا پاکستانآرکائیو شدہ بذریعہ islamicdawn.com
13. تصوف کی حقیقت - علامہ اقبال اور تصوفآرکائیو شدہ بذریعہ islamicdawn.com
14. جہاد - قرآنِ کریم کی روشنی میںآرکائیو شدہ بذریعہ islamicdawn.com
15. لغات القرآنآرکائیو شدہ بذریعہ islamicdawn.com
16. تبویب القرآنآرکائیو شدہ بذریعہ islamicdawn.com
17. طاہرہ کے نام خطوطآرکائیو شدہ بذریعہ islamicdawn.com
18. ختمِ نبوت اور تحریکِ احمدیتآرکائیو شدہ بذریعہ islamicdawn.com
19. سلیم کے نام خطوط
20. اِبلیس و آدم

بیرونی روابط

غلام احمد پرویز کی تصانیفآرکائیو شدہ بذریعہ tolueislam.org

 یہ ایک نامکمل مضمون ہے۔ آپ اس میں اضافہ کر کے ویکیپیڈیا کی مدد کر سکتے ہیں۔