فرح الہاشم

فرح الہاشم ( پیدائش: کویت) جو فرح زین کے نام سے مشہور ہیں ایک مشہور کویتی-لبنانی فلم ساز، صحافی اور فوٹوگرافر ہیں جو فرانس کے شہر پیرس میں مقیم ہیں۔ وہ 2011ء سے فلم سازی کے پیشہ سے منسلک ہیں، ان کی فلموں نے متعدد بین الاقوامی ایوارڈ حاصل کیے ہیں۔ ان کی مشہور فلموں میں سات گھنٹے (7 hours)، ناشتا بیروت میں (Breakfast in Beirut) شامل ہیں۔ فرح زین نے لبنان میں اپنی پروڈکشن کمپنی وائلٹ سکائی فلمیں کی بنیاد رکھی ہے جو ویب اور سنیما کے لیے مواد تخلیق کرنے پر توجہ مرکوز کرتی ہے۔

ابتدائی زندگی اور تعلیم

فرح کی پیدائش کویت میں ہوئی۔ وہ بچپن میں بيروت، نيويارک، لندن اور لاس انگليس کے درمیان پرورش پائیں۔ ان کے والد، فؤاد الہاشم، ایک مشہور کویتی کالم نگار ہیں جبکہ والدہ، عواطف زین، لبنانی صحافی اور لکھاری ہیں۔ انھوں نے 2009ء میں لبنان کی لبنانی امریکی يونيورسٹی (Lebanese American University) سے کميونيکيشن آرٹس میں بیچلر کی ڈگری حاصل کی۔ 2013ء میں نيويارک فلم اکیڈمی سے فائن آرٹس ماسٹر (MFA) کی ڈگری حاصل کی جہاں انھیں ہالی ووڈ کے ممتاز ڈائریکٹرز جیسے گری مارشل، اسکاٹ مارشل، کویین اسپیسی اور سٹیون اسپیئلبرگ کی رہنمائی ملی۔ 2019ء میں انھوں نے پیرس 1 پینتھین-سوربون يونيورسٹی سے فلم کی تاریخ میں ماسٹر کی ڈگری حاصل کی۔ اس کے علاوہ، ان کے پاس بین الاقوامی تعلقات میں ماسٹرز اور آرٹس اینڈ میڈیا میں بیچلرز کی ڈگریاں بھی ہیں۔

ایوارڈ اور اعزازات

فرح الہاشم کو متعدد بین الاقوامی ایوارڈ ملے ہیں جن میں سے چند مندرجہ ذیل ہیں:

• 2015ء میں لبنان کی وزارت ثقافت اور لبنان سنیما ٹیکنیشنز یونین سے بہترین ڈائریکٹر کا ایوارڈ
• سینٹا مونیکا فلم فیسٹیول کیلیفورنیا سے بہترین اداکاری اور بہترین اسکرپٹ کے ایوارڈز
• لبنان کی وزارت ثقافت سے پوسٹ پروڈکشن گرانٹ

ان کی فلموں نے مصر، اٹلی، آسٹریلیا، لبنان اور کویت میں کامیابی حاصل کی اور انھیں محدود تھیٹر ریلیز میں پزیرائی ملی۔ فرح نے کویت کی خواتین کے بارے میں ایک دستاویزی فلم "ویمن آف کویت" 2018 میں جاری کی۔

ذاتی زندگی

فرح الہاشم ایک بصری فنکارہ بھی ہیں اور وہ اپنے یوٹیوب چینل اور فیس بک پیج کے ذریعے اپنے کام کو شیئر کرتی ہیں۔ وہ سماجی مسائل، خاص طور پر عرب دنیا کی خواتین اور تنازعات پر فوکس کرتی ہیں۔