فرہنگ اصطلاحات کیمیاء

آزاد دائرۃ المعارف، ویکیپیڈیا سے
Jump to navigation Jump to search

کیمیائی اصطلاحات کی فرہنگ دراصل کیمیاء، اس کی ذیلی شاخوں اور متعلقہ شعبہ جات کی تعریفوں کی ایک فہرست ہے۔


A[ترمیم]

  • ABSOLUTE ZERO - مطلق درجہ حرارت:-273درجے کا درجہ حرارت جس پر کسی گیس کا حجم صفر تصور کیا جاتا ہے۔ کیلون پیمانے پر یہ صفر لیا جاتا ہے۔
  • ACTUAL YIELD - حقیقی حاصل/اصل پیداوار : پیداوار کی وہ مقدار جو حقیقت میں کیمیائی تعامل کے دوران حاصل ہوتی ہے۔
  • AMORPHOUS SOLID - نقلمی/غیر بلوری /خستہ ٹھوس : وہ ٹھوس اشیاء جن کی اندرونی ساخت میں باقاعدگی نہ ہو۔
  • ANISOTRPY - نا ہم اطراف : کسی خاص طبعی خصوصیت میں سمت کے ساتھ تبدیلی۔
  • ATOMIC ABSORPTION SPECTRUM - ایٹمی انجذابی طیف : جب سفید روشنی کی دھار بخارات یا گیس میں سے گزرتی ہے تو وہ عنصر( بخارات یا گیس پر مشتمل) پڑنے والی کچھ طولِ امواج کو جذب کر لیتا ہے جبکہ بقایا طولِ امواج اس میں سے گزر جاتی ہیں۔ان موجوں کا طیف (جو جذب ہو جاتی ہیں) ایٹمی انجذابی طیف کہلاتا ہے۔ باقی رہ جانے والے طولِ امواج طیف پر تاریک لکیروں کی صورت میں نمودار ہوتی ہیں۔
  • ATOMIC EMISSION SPECTRUM - ایٹمی اخراجی طیف :ایسے عناصر اور ان کے مرکبات سے تشکیل پانے والا طیف جب ان کو شعلے میں گرم کیا گیا ہو۔ یہ طیف سیاہ پسِ منظر کے ساتھ روشن لکیروں کے سلسلوں پر مشتمل ہوتا ہے۔
  • ATOMIC RADIUS - ایٹمی رداس : اگر ایٹم کو ایک کرّہ تصور کیا جائے تو ایٹمی رداس کا مطلب ایٹم کے مرکزے اور سب سے بیرونی مدار کا درمیانی فاصلہ ہے۔اس کی درست طریقے سے پیمائش نہیں ہو سکتی۔
  • AUF BAU PRINCIPAL آؤف باؤ کا اصول : الیکٹران توانائی کی ذیلی سطحوں میں بڑھتی ہوئی توانائی کی ترتیب کے ساتھ ہی سما سکتے ہیں۔الیکٹران پہلے ذیلی سطح 1s، پھر 2s، پھر 2p اور اسی طرح اگلی ذیلی سطحوں میں سمائیں گے۔
  • AVERAGE RATE OF REACTION - اوسط شرحِ تعامل : وقت کے دو مخصوص وقفوں کے درمیان تعامل کی شرح اوسط شرحِ تعامل کہلاتی ہے۔
  • AVOGADRO S LAW - ایوگاڈرو کا قانون : ایک ہی درجہ حرارت اور دباؤ پر تمام مثالی گیسوں کے یکساں حجم میں سالموں کی تعداد ایک جیسی ہو گی۔
  • AVOGADRO,S NUMBER - ایوگاڈرو نمبر : ہر چیز کے ایک مول میں ایٹموں، سالموں یا آئنوں کی تعداد ایک جیسی ہو گی۔ یہ تعداد 1.6 x 1023 ہے۔
  • AZIMUTHAL QUANTUM NUMBER - سمتی کوانٹم نمبر : ایسا کوانٹم عدد جو کسی الیکٹران کے مدارچے کی شکل کی وضاحت کرتا ہے۔

B[ترمیم]

  • BALMER SERIES - بامر کا سلسلہ : خطوط کا ایسا سلسلہ جو ہائیڈروجن کے طیف کے مرئی(دکھائی دینے والے) حلقے میں بنتا ہے جب الیکٹران بالائی مدار سے دوسرے مدار میں چھلانگ لگاتا ہے۔
  • BOILING POINT - نقطہء کھولاؤ/نقطہء جوش :وہ درجہ حرارت جس پر مائع کا بخاری دباؤ بیرونی یا فضائی دباؤ کے برابر ہو جاتا ہے، مائع کا نقطہء کھولاؤ کہلاتا ہے۔
  • BOND ENERGY - بندھنی توانائی : توانائی کی اوسط مقدار جو ایک مول شے میں مخصوص قسم کے تمام بانڈوں کو توڑنے کے لیے استعمال ہوتی ہے۔
  • BOND ORDER - بانڈ کی ترتیب : ایٹموں کے جوڑوں کے درمیان کیمیائی بانڈوں کی تعداد۔
  • BOYL,S LAW - بوائل کا قانون : کسی گیس کی دی گئی مقدار کے لیے اس کا حجم اس پر دباؤ کے بالعکس متناسب ہوتا ہے بشرطیکہ درجہ حرارت مستقل رہے۔
  • BRACKET SERIES - بریکٹ کا سلسلہ: ہائیڈروجنی طیف کے زیریں سرخ حلقے میں تشکیل پانے والے خطوط کا سلسلہ جب الیکٹران بالائی مداروں سے چوتھے مدار میں چھلانگ لگائیں۔
  • CATALYST - عمل انگیز : وہ چیز جو کیمیائی تعامل کی شرح میں تبدیلی پیدا کر دے مگر تعامل کے اختتام تک خود تبدیل نہ ہو۔
  • CATHODE RAYS - کیتھوڈ شعاعیں : منفی چارجوں کی حامل شعاعیں جو منفی برقیرے سے خارج ہوتی ہیں جب بہت کم دباؤ پر کسی گیس میں سے بجلی گزاری جاتی ہے۔
  • CHARLES, S LAW - چارلس کا قانون : کسی گیس کی دی گئی مقدار کا حجم مطلق درجہ حرارت کے راست متناسب ہوتا ہے بشرطیکہ دباؤ مستقل رہے۔
  • CHROMATOGRAPHY - رنگ نگاری : یہ ایک ایسا طریقہ ہے جس سے کسی آمیزے کے اجزاء کو الگ الگ کیا جاتا ہے۔
  • COLLIGATIVE PROPERTIES - موافق خصوصیات : محلول کی وہ خصوصیات جن کا انحصار منحل اور محلل کے مالیکیولوں یا آئنوں کی تعداد پر ہوتا ہے۔
  • COMMON ION EFFECT - مشترک اثر :کسی محلول میں مشترک آئن کی موجودگی میں برق پاشیدے کی حل پزیری میں کمی کو مشترک اثر کہتے ہیں۔
  • CONJUGATE ACID OF A BASE - اساس کا زواجی تیزاب :اساس کا ایک پروٹان قبول کر کےمثبت چارچ کا حامل آئن بنانا اساس کا زواجی تیزاب کہلاتا ہے۔
  • CONJUGATE BASE OF A ACID - تیزاب کا زواجی اساس : ایک پروٹان کو خارج کر کے ایک منفی چارج کا حامل آئن بنانا پروٹان خارج کرنے والے مرکب کا زواجی اساس کہلاتا ہے۔
  • COVALENT CRYSTALS - شریک گرفتی قلمیں :ایسی قلمیں جن میں غیر دھاتی ایٹم اکہرے شریک گرفتی بانڈوں کے جال کے ذریعے باہم جڑے ہوتے ہیں۔
  • COVALENT RADIUS - شریک گرفتی رداس : دو ایٹموں کے درمیان شریک گرفتی بانڈکی لمبائی کی نصف لمبائی۔
  • CRITICAL TEMPERATURE - فاصل درجہ حرارت (فاصلہ یا حد قائم کرنے والا) :گیسی حالت میں کسی چیز کا درجہ حرارت جس سے بلند درجہ حرارت پر وہ مائع حالت میں نہ بدلے چاہے اس پر کتنا ہی دباؤ کیوں نہ عمل کرے۔
  • CRYSTAL LATTICE OR SPACE LATTICE - قلمی جالی یا فضائی جالی : کسی قلم میں ذرات (ایٹموں، آئنوں ، سالموں )کی مخصوص انداز سے سہہ جہتی(تین سمتی) انتظام کاری قلمی جالی یا فضائی جالی کہلاتی ہے۔
  • CRYSTAL - قلم/بلور : ہموار سطحوں میں گھری ہوئی ایک سہہ جہتی شکل جو ایک دوسرے کو مخصوص زاویوں پر کاٹتی ہوں (یعنی سطحیں کاٹتی ہوں)
  • CRYSTALLIZATION - عملِ قلماؤ : ایسا عمل جس میں ایک خام چیز کی تخلیص (خالص بنانا) کی جاتی ہے اور اسے قلمی شکل میں حاصل کیا جاتا ہے۔

D[ترمیم]

  • DIFFUSION OF GASES - گیسوں کا نفوذ : ہم جنس آمیزہ بنانے کے لیےمختلف گیسوں کے ان کی بے ترتیبی حرکت اور باہمی تصادم کی وجہ سے دھیرے دھیرے گھل مل جانے کو گیسوں کا نفوذ کہتے ہیں۔
  • DIPOLE MOMENT - دو قطبی حرکت : کسی مرکب میں موجود ایٹموں/ مالیکیولوں کے مثبت اور منفی مراکز کے درمیان چارج اور فاصلے کا حاصلِ ضرب۔
  • DIPOLE - دو قطبہ :دو ایٹموں کے درمیان بانڈ پر چارجوں کی جزوی علیحدگی۔

E[ترمیم]

  • EFFUSION OF GASES - گیسوں کا خروج : کسی برتن کےسوئی چھید سوراخ میں سے گیس کے سالموں کا بغیر تصادم کے یکے بعد دیگرے خلاء میں خارج ہونا۔
  • ELECTROCHEMICAL CELL - برق کیمیائی سیل/برقی کیمیائی سیل : ایسا نظام جس میں برق پاشیدے میں برقیرے ڈوبے ہوتے ہیں جن میں کیمیائی تعامل یا تو برقی رو استعمال کرتا ہے یا پیدا کرتا ہے۔
  • ELECTRODE POTENTIAL - برقیری قوہ / برقیری پوٹینشل : کسی دھات میں آئن سازی کی صلاحیت یا آئنوں کو اپنی سطح پر جمع کرنے کی صلاحیت جب دھات اپنے ہی آئنوں کےمحلول میں ڈوبی ہو۔
  • ELECTROLYSIS - برق پاشیدگی : برقی رو گذرنے پر آئنی مرکبات کی تحلیل۔
  • ELECTROLYTIC CONDUCTION - برق پاش ایصالیت : برق پاشیدے میں سے برقی رو کا گزرنا بشرطیکہ برق پاشیدہ پگھلی ہوئی حالت میں ہو یا محلول کی شکل میں۔
  • ELECTRON AFFINITY - الیکٹرانی الف (لفظ الفت کا منبع بھی یہی ہے یعنی جڑاؤ) : ایک اضافی الیکٹران کے لیے کسی ایٹم کے مرکزے کی کشش۔
  • ELECTRONEGATIVITY - برقی منفیت : بانڈ بنائے ہوئے ایٹم کی شراکت شدہ الیکٹرانی جوڑے کو اپنی طرف کشش کرنے کی صلاحیت۔
  • EMPIRICAL FORMULA - سادہ فارمولہ :کسی چیز کا وہ فارمولہ جو اس میں موجود سالموں کے ایٹموں کی سادہ نسبت کو ظاہر کرے سادہ فارمولہ کہلاتا ہے۔
  • ENDOTHERMIC REACTION - حرارت گیر تعامل/ در حرارتی تعامل :ایسا کیمیائی تعامل جس مین حرارت جذب ہو حرارت گیر یا در حرارتی تعامل کہلاتا ہے۔
  • ENTHALPY OR HEAT OF SOLUTION - حرارتِ نوعی یا محلول کی حرارت : جب کسی چیز کا ایک مول محلل کے مخصوص مولوں میں دیے گئے درجہ حرارت پر حل ہو تو حرارتی تبدیلی حرارتِ نوعی کہلاتی ہے۔
  • ENTHALPY - حرارتِ نوعی : کسی نظام میں حرارت کی کل مقدار حرارتِ نوعی کہلاتی ہے۔
  • EQUILIBRIUM CONSTANT - توازنی مستقل : دی گئی شرائط میں توازنی مستقل سیدھے تعامل کی شرح کے مستقل اور الٹ تعامل کی شرح کے مستقل کی نسبت ہوتی ہے ۔
  • EVAPORATION - عملِ تبخیر : دیے گئے درجہ حرارت پر مائعات کا دھیرے دھیرے اپنی سطح سے بخارات میں تبدیل ہونا عملِ تبخیر کہلاتا ہے۔
  • EXOTHERMIC REACTION - حرارت زا تعامل :ایسا کیمیائی تعامل جس مین حرارت خارج ہو ، بر حرارتی تعامل یا حرارت زا تعامل کہلاتا ہے۔

F[ترمیم]

  • FIRST LAW OF THERMODYNAMICS - حرحرکیات کا پہلا قانون : ():حرارتی توانائی نہ تو پیدا کی جاستی ہے اور نہ ہی فنا کی جا سکتی ہے مگر ایک شکل سے دوسری شکل میں تبدیل کی جا سکتی ہے۔

G[ترمیم]

  • GRAHAM,S LAW OF DIFFUSION - گراہم کا قانونِ نفوذ : دیے گئے درجہ حرارت اور دباؤ کے تحت کسی گیس کی نفوذی شرح اس کی کثافت کے جذر المربع کے بالعکس متناسب ہوتی ہے.

H[ترمیم]

  • HALF LIFE PERIOD - نصف وقفہء حیات : نصف وقفہء حیات کسی تعامل کا وہ وقت ہوتا ہے جس میں متعاملات کا نصف حصہ حاصلات میں تبدیل ہو جائے۔
  • HEISENBERG, S UNCERTAINTY PRINCIPAL - ہائزن برگ کا اصول غیر یقینی : ایٹم کے کسی الیکٹران کی بیک وقت پوزیشن اور معیارِ حرکت کی پیمائش ممکن نہیں ہوتی (ایک وقت میں ایک ہی چیز کی پیمائش ممکن ہے)
  • HUND,S RULE - ہنڈ کا قانون : اگر الیکٹرانوں کے لیے دو یا دو سے زیادہ مدارچے موجود ہوں اور ایک سے زائد الیکٹران ان میں بھرنے مقصود ہوں تو ان مدارچوں میں وہ الگ الگ ایک ہی سمت میں گردش کے ساتھ آئیں گےبجائے اس کے کہ ایک مدارچے میں دو الیکٹران متضاد سمت میں گردش کے ساتھ آئیں۔
  • HYBRADIZATION - اختلاط/دوغلیت :(مخلوط سے)/ (): مختلف مدارچوں کے ملاپ کے ذریعے نئے مخصوص ترتیب یافتہ مدارچوں کی تشکیل کو اختلاط یا دوغلیّت کہتے ہیں۔
  • HYDRATION - آبیدگی : وہ عمل جس میں پانی کے مالیکیول (بطور محلل) منحل کے مالیکیولوں یا آئنوںکو گھیر لیں اور اس کے ساتھ تعامل کریں، آبیدگی کہلاتا ہے۔
  • HYDROGEN BONDING - ہائیڈروجن بند : برقِ سکونی کی وہ قوت جو ہائیڈروجن ایٹموں اور دوسرے مالیکیولوں کے برقی منفی ایٹموں کے درمیان ہوتی ہے۔

I[ترمیم]

  • IDEAL GAS - مثالی گیس : ایسی گیس جو ہر درجہ حرارت اور دباؤ پر گیس کے جملہ قوانین کی پابندی کرے۔
  • IDEAL SOLUTIONS - مثالی محلول : وہ محلول جو رؤلٹ کے قانون کی پابندی کرے۔
  • ISTANTANEOUS RATE OF REACTION - لمحی شرحِ تعامل : دورانِ وقفہ کسی بھی لمحے شرحِ تعامل لمحی شرحِ تعامل کہلاتی ہے۔

K[ترمیم]

L[ترمیم]

  • LAW OF MASS ACTION - کمیتی عمل کا قانون : شرح جس پر کوئی شے تعامل کرتی ہے وہ اس کی عامل کمیت کے راست متناسب ہوتی ہے اور کیمیائی تعامل کی شرح متعامل اشیاء کی عامل کمیتوں کے راست متناسب ہوتی ہے۔
  • Le-CHATELIER, S PRINCIPAL - لی چیٹلئر کا اصول : اگر کسی توازنی نظام کو متاثر کیا جائے تو وہ نظام اس طرح عمل کرے گا کہ متاثرہ اثرات زائل ہو جائیں۔
  • LIMITING REACTANT - محدود متعامل : وہ متعامل جو کیمیائی عمل میں کم مقدار میں موجود ہو اور حاصلات کی مقدار کو کنٹرول کرے۔
  • LIQUID CRYSTAL - مائع قلم/مائع بلور : کسی چیز کی وہ قلمی حالت جو دو درجہ ہائے حرارت کے درمیان ہو ۔ ایک پگھلاؤ کا درجہ حرارت اور دوسرا اختتامی درجہ حرارت ۔
  • LONDON DISPERSION FORCES - لنڈن انتشاری قوتیں : وہ کششی قوتیں جو ایک سالمے کے عارضی دو قطبے اور قریبی ملحقہ سالمے کے امالی قطبے (وہ دو قطبہ جو کسی بیرونی قوت کی تحریک کے نتیجے میں پیدا ہوا ہو)کے درمیان ہو ، لنڈن انتشاری قوتیں کہلاتی ہیں۔

M[ترمیم]

  • MASS SPECTROMETER - کمیتی طیف نگار : وہ آلہ جو مثبت چارج شدہ ذرات کو الگ کرنے اور ان کا فوٹو گرافک پلیٹ یا برق پیما پر ریکارڈ رکھنے کے لیے استعمال ہوتا ہے۔
  • METALLIC CRYSTALS - دھاتی قلمیں : وہ قلمیں جن میں دھات کے ایٹم دھاتی بانڈوں کے ذریعے باہم جڑے ہوئے ہوتے ہیں۔
  • MOLALITY - مولیلیٹی : منحل کے مولوں کی وہ تعداد جو 1000 گرام(ایک کلو گرام) محلل میں حل ہو۔
  • MOLAR VOLUME - مولر حجم : معیاری درجہ حرارت اور معیاری دباؤ پر ایک مول مثالی گیس کا حجم مولر حجم کہلاتا ہے۔
  • MOLARITY - مولیریٹی : منحل کے مولوں کی وہ تعداد جو ایک مکعب ڈیسی میٹر محلول میں حل ہو۔
  • MOLE FRACTION - مول تناسب : آمیزے میں کسی جز کا مول تناسب اس جز کے مولوں کی تعداد کا محلول میں موجود تمام اجزاء کے مولوں کی کل تعداد سے تناسب ہے۔
  • MOLE - مول : کوئی مقدار جس میں ایوگاڈرو نمبر کی اکائیاں ہوں جیسا کہ ایٹموں، سالموں، آئنوں یا زیرِ مشاہدہ کوئی بھی چیز۔(یعنی ہر چیز کے ایک مول میں ایٹموں، آئنوں یا سالموں کی تعداد برابر ہوتی ہے جو ایوگاڈرو نمبر کے برابر ہوتی ہے۔
  • MOLECULAR CRYSTALS - سالماتی قلمیں : وہ قلمیں جن میں سالمات وانڈر وال قوتوں کے ذریعے باہم جڑے ہوئے ہو
  • MOLECULAR FORMULA - سالماتی فارمولہ : کیمیائی فارمولہ میں کسی چیز کے سالمے میں ایٹموں کی کل تعداد بتائی گئی ہوتی ہے۔
  • MOLECULAR IONS - سالماتی آئن : وہ آئن جو کسی چیز کے سالمے میں سے ایک یا ایک سے زائد الیکٹرانوں کو نکالنے سے پیدا ہوں، سالماتی آئن کہلاتے ہیں۔وہ عام طور پر مثبت ہوتے ہیں اور بہت کم منفی ہوتے ہیں۔

N[ترمیم]

  • NON-SPONTANEOUS PROCESS - غیر سست رو تعامل : یہ سست رو تعامل کا معکوس ہے۔ یہ از خود وقوع پزیر نہیں ہوتا اور فطرت میں اس کا وجود نہیں ہے۔

O[ترمیم]

  • ORBIT - مدار : (): مدار مرکزے سے خاص فاصلے پر ایک خاص گول راستہ ہوتا ہے جس پر مرکزے کے گرد الیکٹران گردش کرتے ہیں۔
  • ORBITAL - مدارچہ/مداری : (): مرکزے کے گرد ایسا حلقہ جہاں الیکٹرانوں کی موجودگی کا زیادہ سے زیادہ امکان ہو۔ s,p,d اور f مختلف قسموں کے مدارچے ہیں جو ایٹم میں پائے جاتے

P[ترمیم]

  • PARTIAL PRESSURE - جزوی دباؤ : گیسوں کے آمیزے میں کسی گیس کا انفرادی دباؤ اس گیس کا جزوی دباؤ کہلاتا ہے۔
  • PARTS PER MILLION - اجزاء فی دس لاکھ : اس کی تعریف یوں ہے کہ محلول کے دس لاکھ حصوں (وزن یا حجم کے لحاظ سے) میں منحل کے حصوں کی تعداد (وزن یا حجم کے لحاظ سے)۔
  • PASCHEN SERIES - پاسچن کا سلسلہ : ہائیڈروجنی طیف کے زیریں سرخ حلقے میں خطوط کا وہ سلسلہ جو الیکٹرانوں کے بالائی مدار سے تیسرے مدار میں جست لگانے سے بنتا ہے۔
  • PAULI,S EXCLUSION PRINCIPLE - پالی کا اخراجی اصول : کسی ایٹم میں دو الیکٹران چاروں کوانٹم نمبروں کے مساوی سیٹ نہیں رکھ سکتے۔ ایک مدارچے میں دو الیکٹران مخالف گردش کے ساتھ پائے جائیں گے۔
  • PFUND SERIES - فنڈ کا سلسلہ : ہائیڈروجنی طیف کے زیریں سرخ حلقےمیں خطوط کا وہ سلسلہ جو الیکٹران کے بالائی مداروں سے پانچویں مدار میں جست لگانے سے بنتا ہے۔
  • PHASE - حالت/ہیئت : مادے کا ہر وہ نمونہ جو یکساں خصوصیات اور متعین ترکیب رکھتا ہو مادے کی حالت یا ہیئت کہلاتا ہے۔
  • PI BOND - پائی بندھن : ایسا بانڈ جو ملحقہ ایٹموں (جو پہلے سے سگما بانڈ کے ذریعے جڑے ہوں)کے دو متوازی p مدارچوں کے باہمی انطباق سے بنتا ہے۔
  • pKw - پی کے ڈبلیو : یہ پانی کے تحلیلی مستقل کا منفی لاگرتھم ہے۔
  • POH OF THE SOLUTION - محلول کی پی او ایچ : POH]] کا منفی لاگرتھم محلول کی pOH کہلاتا ہے۔
  • POLARIZABILITY - قطبیت : الیکٹرانی بادل کی حدِ تقطیب کی مقداری پیمائش قطبیت کہلاتی ہے۔
  • POSITIVE RAYS OR CANAL RAYS - مثبت شعاعیں\دھاری شعاعیں : وہ شعاعیں جو اخراجی ٹیوب میں منفی شعاعوں کی مخالف سمت میں سفر کریں۔وہ مثبت آئنوں پر مشتمل ہوتی ہیں جو گیس میں سے منفی شعاعیں گذرنے سے پیدا ہوتے ہیں۔

ؓ

  • PRINCIPAL QUANTUM NUMBER - پرنسپل کوانٹم نمبر : ایسا کوانٹم نمبر جو کسی ایٹم میں الیکٹران کے مدار کی نشان دہی کرتا ہے۔اس کی علامت n ہے۔

Q[ترمیم]

  • QUANTUM NUMBERS - کوانٹم نمبر : حسابی قیمتوں کا سیٹ جو قابلِ قبول حل فراہم کریں۔

R[ترمیم]

  • RAOULT,S LAW - رؤلٹ کا قانون : دیے گئے درجہ حرارت پر منحل کے ذریعے محلل کے بخاری دباؤ میں کمی منحل کے مول تناسب کے راست متناسب ہوتی ہے۔
  • RATE CONSTANT - شرحِ مستقل : تعامل کی شرح جب متعاملات کا ارتکاز اکائی ہو۔
  • RATE OF REACTION - شرحِ تعامل : اکائی وقت میں متعاملات یا حاصلات کے ارتکاز میں تبدیلی شرحِ تعامل کہلاتی ہے۔
  • REAL GAS - حقیقی گیس : وہ گیس جو ہر درجہ حرارت اور دباؤ پر قوانینِ گیس کی پابندی کرے۔
  • REDOX REACTION - ریڈاکس تعامل : ایسا کیمیائی تعامل جس میں تکسید اور تخفیف دونوں وقوع پزیر ہوں۔
  • RELATIVE ABUNDANCE OF ISOTOPE - ہم جاء کی اضافی کثرت : کسی عنصر کے ایک ہم جاء کا تناسب اسی عنصر کے دوسرے ہم جاء کے لحاظ سے، ہم جاء کی اضافی کثرت کہلاتا ہے۔
  • RETARDATION FACTOR Rf - تخفیفی عامل : آمیزے کے کسی جز کی مخصوص تخفیفی عامل سے کی جا سکتی ہے جسے Rf قدر کہتے ہیں۔

Rf = کسی جز کا اصل مقام سے طے کردہ فاصلہ/ محلل کا اصل مقام سے طے کردہ فاصلہ۔

  • REVERSIBLE REACTION - دو طرفہ تعامل : دو طرفہ تعامل وہ تعامل ہے جس میں تعامل کے حاصلات دوبارہ اصل متعاملات میں بدل جائیں۔

S[ترمیم]

  • SIGMA BOND - سگما بندھن : ایٹمی مدارچوں کے خطی انطباق (منطبق ہونا ) سے تشکیل پانے والے بانڈ سگما بانڈ کہلاتے ہیں۔
  • SOLUBILITY - حل پزیری : خاص درجہ حرارت پر منحل کے گراموں کی تعداد جو 100 گرام محلل میں حل ہو کر سیر شدہ محلول بنائے۔
  • SOLVENT EXTRACTION - استخراجِ محلل : یہ وہ تکنیک ہے جس میں محلول کو ہلا کر منحل کو اس سے الگ کیا جاتا ہے۔
  • SPECTRUM - طیف : سات رنگوں کی پٹی جو سفید روشنی کے منشور میں گذرنے پر منتشر ہو کر اپنے اجزاء میں تقسیم ہو نے پر بنتی ہے۔
  • SPONTANEOUS PROCESS - خودکار عمل : ایسا عمل جو بغیر کسی بیرونی معاونت کے از خود رواں دواں رہے اور غیر متوازن حالت سے متوازن حالت کی طرف سفر کرے۔
  • STANDARD ELECTRODE POTENTIAL - معیاری برقیری پوٹینشل : جب کوئی دھات اپنے ہی آئنوں میں جن کا ارتکاز ایک مول فی مکعب ڈیسی میٹر ہو ، ڈبوئی جاتی ہے یا کوئی ایسی گیس جو 1 فضائی دباؤ کے تحت ایک مول فی مکعب ڈیسی میٹر کا ارتکاز رکھنے والے محلول میں سے گزاری جاتی ہے بشرطیکہ برقیرے غیر عامل ہوں تو پیدا ہونے والا پوٹینشل معیاری برقیری پوٹینشل کہلاتا ہے۔ یاد رہے کہ اس نظام کا درجہ حرارت 250سینٹی گریڈ رکھا جاتا ہے۔
  • STANDARD ENTHALPY OF FORMATION - معیاری تشکیلی حرارتی نوعی : معیاری حالات کے تحت یہ حرارت ِ نوعی میں وہ تبدیلی ہے جو عناصر سے مرکب کا ایک مول تشکیل دے۔
  • STANDARD ENTHALPY OF NEUTRLIZATION - معیاری تعدیلی حرارتِ نوعی : معیاری حالات کے تحت یہ وہ خارج شدہ توانائی کی مقدار ہے جب تیزاب سے ایک مول ہائیڈروجن آئن H+ اور الکلی سے ایک مول ہائیڈروآکسائیڈ آئنOH- باہم عمل کریں.
  • STATE FUNCTION - کیفیتی تفاعل : یہ کسی نظام کی ایک کلاں خوبی ہے جس میں ہر حالت کے لیے کچھ مخصوص قیمتیں ہوتی ہیں اور یہ قیمتیں اس امر سے آزاد ہوتی ہیں کہ یہ حالت کس طرح حاصل ہوئی۔
  • STOCHIOMETERY - مقدار پیمائی : کیمیا کی وہ شاخ جس میں ہم متوازن کیمیائی مساوات کے متعاملات اور حاصلات کا مقداری تجزیہ کرتے ہیں۔
  • SUBLIMATION - عملِ تصعید : یہ وہ عمل ہے جس میں گرم کیا گیا ٹھوس بغیر مائع بنے بخارات میں تبدیل ہو جاتا ہے۔
  • SYSTEM - نظام : ہر چیز جو زیرِ مشاہدہ ہو اسے نظام کہتے ہیں۔

T[ترمیم]

  • THEORETICAL YIELD - نظری حاصل : نظری حاصل حاصلات کی وہ مقدار ہے جس کا تخمینہ متوازن کیمیائی مساوات سے لگایا جائے۔
  • THERMOCHEMISTRY - حرارتی کیمیا :کیمیائی تعامل کے دوران حرارتی تبدیلیوں کا مطالعہ حرارتی کیمیا کہلاتا ہے۔

U[ترمیم]

  • UNIT CELL - اکائی خانہ : کسی قلم کی چھوٹی سے چھوٹی اکائی جو پوری قلم مین سہہ جہتی انداز سے دہرائی گئی ہو۔

V[ترمیم]

  • VACUUM DISTILLATION - خلائی کشید : کم دباؤ اور کم درجہ حرارت کے تحت کسی مائع کو گرم کر کے اسے بخارات میں تبدیل کرنا اور پھر بخارات سے مائع میں بدلنے کا عمل۔
  • VANDER WALL,S EQUATION - وانڈر وال کی مساوات : یہ ایک گیسی مساوات ہے جو مثالی گیس کی مساوات میں ترمیم کر کے مثالی گیس کے دباؤ اور حجم کو زیادہ قابلِ قبول بناتی ہے۔
  • VAPOUR PRESSURE - بخاری دباؤ : دیے گئے درجہ حرارت پر توازنی حالت میں مائعات کے بخارات کا دباؤ

W[ترمیم]

  • WATER OF CRYSTALLIZATION - آبِ قلماؤ : پانی کے وہ سالمات جو کسی مرکب کےآبی محلول کے عملِ قلماؤ کے دوران مرکب میں رہ گئے ہوں۔

Z[ترمیم]

[1]

مزید دیکھیے[ترمیم]

حوالہ جات[ترمیم]

سانچہ:کیمیاء کی شاخیں