فن تعمیر

آزاد دائرۃ المعارف، ویکیپیڈیا سے
تعمیراتی فن (معماری) کا ایک جدید شاہکار جسے برج دبئی کہا جاتا ہے۔
انضباط تعمیر (معماریت) اور مدنی ہندسیات کے علوم کی روشنی میں تیار کیا جانے والا برج دبئی کے منصوبے کا ایک خاکہ۔
چند اہم الفاظ

عَمَر
عمارت
تعمیر
معماری
معماریت
معمار

سکونت / رہائش
building
construction
architecture
architecture (engineering)
architect

معماری اور اس کا انگریزی متبادل architecture، دونوں ہی ایسے الفاظ ہیں جو خاصے وسیع مفہوم میں استعمال کیے جاتے ہیں؛ یعنی ان الفاظ سے مراد عمارت سازی کے عمل یا انضباط (discipline) کی بھی لی جاتی ہے، عمارت کی ساخت کی بھی لی جاتی ہے، تعمیرِ عمارت کے پیشے کی بھی لی جاتی ہے اور کسی عمارت کو تعمیر کرنے والے (معمار) کے فن کی بھی لی جاتی ہے۔ مذکورہ بالا مفاہیمِ لفظِ معماری (جو مدنی ہندسیات سے قریب قریب آجاتے ہیں) کے علاوہ بھی اس لفظ کا استعمال کسی شے کی تصوراتی تشکیل و ساخت پر بھی کیا جا سکتا ہے جیسے؛ ریاضیاتی معماری سے مراد علم ریاضیات کے ڈھانچے یا نظام کی لی جاتی ہے، اسی طرح روح کی معماری کرنا سے مذہبی ادب میں مراد نفس کے تزکیے کی لی جاتی ہے جبکہ قوم کی معماری سے مراد معاشرے کی اصلاح و ترقی کی لی جاتی ہے۔ مزید یہ کہ کسی جسمانی ساخت پر اس لفظ کا استعمال انسان کی بنائی ہوئی عمارات تک محدود نہیں بلکہ کسی قدرتی یا جغرافیائی وجود کی تعریف یا اسے بیان کرتے وقت قدرت کی معماری کا لفظ بھی دیکھنے میں آتا ہے۔

وجہ تسمیہ[ترمیم]

معماری کا لفظ عربی کے عمر سے ماخوذ ہے جس کے متعدد معنوں میں سے ایک معنی سکونت اور رہائش یا رہنے کے ہوتے ہیں اسی سے عربی میں عمارۃ بنایا جاتا ہے یعنی وہ جگہ کہ جہاں رہائش اختیار کی جا سکتی ہو اور یہی عمارۃ اردو کے لفظ عمارت کی اساس ہے کیونکہ اردو میں عربی کی تاۓ مدورہ کو ت سے تبدیل کر کہ لکھا جاتا ہے۔ اسی عمر سے معمار بنا ہے یعنی وہ شخص کہ جو رہنے کی عمارت کو بناتا ہو اور اسی سے اس بنانے کے عمل کا نام یعنی معماری بھی اخذ کیا جاتا ہے۔