لائم اوفلاہرٹی

لائم اوفلاہرٹی
معلومات شخصیت
پیدائش	28 اگست 1896ء
وفات	7 ستمبر 1984ء (88 سال)  ڈبلن
شہریت	جمہوریہ آئرلینڈ
عملی زندگی
مادر علمی	جامعہ کالج ڈبلن
پیشہ	منظر نویس ،  مصنف ،  ناول نگار ،  ڈراما نگار
پیشہ ورانہ زبان	انگریزی
عسکری خدمات
شاخ	برطانوی فوج
لڑائیاں اور جنگیں	پہلی جنگ عظیم
	IMDB پر صفحات
باب ادب

لائم اوفلاہرٹی (انگریزی: Liam O'Flaherty) (پیدائش : 28 اگست 1896ء - وفات: 7 ستمبر 1984ء) بیسویں صدی کا آئرلینڈ کا مشہور و معروف ناول و افسانہ نگار تھا۔

حالات زندگی

لائم اوفلاہرٹی 28 اگست 1896ء میں آئنشمور، آئرلینڈ میں پیدا ہوا۔ آئرلینڈ کے بیشتر لوگوں کی طرح اس کا بچپن بھی غربت میں بسر ہوا۔ اسے بچپن ہی سے اپنی مادری زبان سے عشق کی حد تک لگاؤ تھا اور وہ اسے دنیا کے کونے کونے میں پہچانے کا عزم رکھتا تھا، اگرچہ ماں باپ کی طرف سے اس ضمن میں کبھی بھی اس کی حوصلہ افزائی نہ کی گئی۔ ابتدائی تعلیم کی تکمیل کے بعد اس نے مذہبی تعلیم حاصل کی تاکہ پادری کا پیشہ اختیار کر سے۔ تاہم 1917ء میں اسے آئرش گارڈز میں بھرتی ہو کر محاذِ جنگ پر جانا پڑا۔ پہلی جنگ عظیم کا یہ دور اس کے لیے خاصا پُر صعوبت ثابت ہوا، وہ محاذِ جنگ پر زخمی ہوا اور خاصا عرصہ زیرِ علاج رہا۔ بعد ازاں 1933ء میں اس پر دماغی صدمے کا دورہ پڑا جس کی وجہ بھی پہلی جنگ عظیم کی تلخیاں بتائی جاتی ہیں۔ جنگ کے بعد اس نے آئرلینڈ کو خیر باد کہہ کر امریکا میں سکونت اختیار کرلی جہاں وہ مختصر عرصے کے لیے ہالی وڈ میں بھی رہا۔ امریکا سے ہی اس کی ادبی زندگی کا صحیح معنوں میں آغاز ہوا تاہم وہ اپنی مادری زبان کی ترویج و اشاعت کے لیے خاصا سرگرم رہا۔ انگریزی زبان و ادب کے ساتھ ساتھ وہ ا پنی مادری زبان میں بھی کہانیاں تخلیق کرتا رہا۔ وہ مرتے دم تک آئرش تہذیب و ثقافت اور زبان و ادب کا علمبردار رہا۔

وفات

لائم اوفلاہرٹی 7 ستمبر 1984ء میں ڈبلن آئرلینڈ میں وفات پا گیا۔