لووسان نامسرائن اویون اردینے

لووسان نامسرائن اویون اردینے
(منگولی میں: Лувсаннамсрайн Оюун-Эрдэнэ)، (منگولی میں: ᠯᠤᠪᠰᠠᠩᠨᠠᠮᠰᠠᠷᠠᠢ ᠢᠢᠨ ᠣᠶᠤᠨ-ᠡᠷᠳᠡᠨᠢ)
مناصب
وزیر اعظم منگولیا
برسر عہدہ 27 جنوری 2021  – 13 جون 2025
خورلس اوکھنا
معلومات شخصیت
پیدائش	29 جون 1980ء (46 سال)  اولان‌ باتور
شہریت	منگولیا
عملی زندگی
مادر علمی	جان ایف کینیڈی اسکول آف گورنمنٹ
پیشہ	سیاست دان
ویب سائٹ
ویب سائٹ	باضابطہ ویب سائٹ
	IMDB پر صفحات

لووْسان نامسرائن اویون اردینے (منگولی: Лувсаннамсрайн Оюун-Эрдэнэ؛ پیدائش 29 جون 1980ء) منگول سیاست دان ہیں جو سنہ 2021ء سے سنہ 2025ء تک منگولیا کے بتیسویں وزیر اعظم کے طور پر خدمات انجام دے چکے ہیں۔ وہ سنہ 2016ء سے سنہ 2025ء کے درمیان تین مرتبہ پارلیمانِ منگولیا کے رکن منتخب ہوئے۔

سنہ 2025ء میں منگولیا میں احتجاجات کے دوران میں تحریکِ عدم اعتماد میں ناکامی کے بعد اویون اردینے نے 3 جون کو استعفا دے دیا اور جب تک کوئی نیا وزیر اعظم مقرر نہیں ہوتا وہ نگراں حیثیت سے خدمات انجام دیں گے۔

پارلیمانِ منگولیا نے 5 جولائی 2024ء کو اویون اردینے کو دوبارہ وزیر اعظم مقرر کیا تھا، جب منگول کی پیپلز پارٹی نے 2024ء کے پارلیمانی انتخابات میں تیسری مرتبہ کامیابی حاصل کی۔ اگرچہ منگولیا کی پیپلز پارٹی کو پارلیمان میں اکثریت حاصل تھی، اویون اردینے نے حزب اختلاف کی جماعتوں کے ساتھ مل کر ایک اکھنڈ اتحادی حکومت تشکیل دینے کا فیصلہ کیا۔

وزیر اعظم کی حیثیت سے اویون اردینے نے نیو ری کووْر پالیسی کی پالیسی کا آغاز کیا، جو کووِڈ نائنٹین کے بعد منگولیا وژن 2050ء ترقیاتی منصوبے کا حصہ تھی۔ انھوں نے ”ای منگولیا“ کے نام سے ایک ڈیجیٹل حکومتی پلیٹ فارم بھی متعارف کروایا اور پارلیمان کی توسیع اور تناسبی نمائندگی کے مخلوط نظام کو اپنانے سے متعلق آئینی ترامیم بھی پیش کیں۔

وزیر اعظم بننے سے قبل اویون اردینے 2 فروری 2019ء سے 27 جنوری 2021ء تک حکومتِ منگولیا میں کابینہ سیکریٹریٹ کے وزیرِ اعلیٰ کے طور پر خدمات انجام دے چکے تھے۔